عايشة بمجد ابوها :

البارت الثامن عشر من ادعي علي بالموت ولا سمني بس لا تفارقني .... في الصباح في غرفة فارس وحنين .. حاول يسحب نفسه من بين احضان حنين لكنها صحت فيه وقامت ..تحسف انه صحها .. ابتسم وباسها علي راسها. فارس:اسف صحيتك. حنين :لا حبيبي بصحي اجهزلك فطورك بعدين ماكان الوقت بدري. فارس قام من علي السرير : ايه بس ابي اخلص الشغل الي علي.. دخل الحمام فارس وهو مبسوط طاير من الفرحه ياخذ شور. حنين نزلت تجهز فطور البيت هادي ..الكل نايم احمدت ربها ماتبي تسمع كلام كافي امس.. جهزت لفارس الفطور واخذته معاها فوق.. وحطته في الشرفه الا علي دخلت فارس .. فارس : حبيبتي ابي قهوه.. حنين قامت من مكانها :لا لو ايش يصير مافيه . فارس وهو يترجى: حنيييين الله يخليك حنين تقلده وبترجي اكثر : فرووووسي لخاطري افطر اول بعدين اشرب قهوه في المكتب. فارس رضخ لها وافطر هي وياه ..كانت تقريبا الساعه 6 الصباح .. لبس فارس لبسه وجهزت له الساعه وعطرته .. حبيبي انتبه لنفسك ولا تسرع امانه .. فارس حط يده علي عيونه :من عيوني حبيبتي . برجع بدري اليوم عشان الطلعه لا تروحين مع احد انتظري نطلع سوا . حنين بدلع : وانا اقدر اروح واترك روحي .. فارس : ياروحي انتي .. باسها وطلع للمكتب.. حنين وقفت عند الدولااب تجهز الاغراض اخذت كل شي ممكن يحتاجه فارس في المزرعه .نزلت تكوي ملابسه وترتبها بالشنطه بخرتها وعطرتها وحطتها .. راحت وجهزت ملابس ميما وملابسها .. خلصت ترتيب تقريبا 9 الصباح .. صحت ميما من نومها .اخذتها ولعبتها وماينسمع الا الضحك ..ميما متعلقه بامها بشكل مو طبيعي لدرجه ماتتركها لحالها واذا جت تلعب تاخذ العابها عند امها تلعب معها .. راحت حنين تتفرج مع ميما لفلم كرتون .. فكرت حنين تطلع ميما للحديقه عشان الشمس لكن الجو شوي بارد خافت عليها تمرض.. بس قررت تاخذ لها شور وتلبسها وترتبها عشان فارس اذا جا .. في الصاله الكل صاحي يفطر حتي ابو فارس وراه اشغال يرتبها ..عشان المرزعه والسهره اليوم ..ام فارس من افطرت اطلعت للخياطه تشوف ملابسها والبنات كلهم طالعين الي مشغول في المشغل والي ترتب اغراضها .. مريم الي من تزوج فارس وهي في عالم اخر ماينعرف لها لا ليلها ليل ولا نهارها نهار.. كله مشغوله وطالعه مااحد كان يشره عليها او يعتب الكل حاط انها تعبانه نفسيا .. ماكان احد ممكن يصدق انه يحصل كل هذا ..لكن العادات تحكم كل شي وترسم مستقبل الاشخاص.. وتهدم لهم كل امانيهم ..قلبها صار ملكه شخص ثاني في قسم اخر من الدنيا وبمكان بعيد عن الكل وفي الجهه الثانيه .. حمد موجود ونايم ونسي كل وعوده الي وعدها اعمامه ..علي العلاج ترك كل شي وراه ونسي ان عنده بنت كل تفكيره كيف يرجع حنين والكنز الي عندها كل تفكيره وهمه بالفلوس.. ضاع وضيع معه حنين وضيع سمعته .. سافر والكل حط عليه امل يرجع ويتعالج ويمسك منصب وساند ابوه وترجع حياتهم طبيعيه ..لكن حمد ماكان يفكر مثل اعمامه مثل ماكان ييفكر في حنين وبس.. نرجع لشركه في مكتب فارس الاوراق علي المكتب منثوره مثل مافارس مشوش تفكيره وعقله مو معه كل الي يشوفه ارقام واول مره يشوفها .. كل شي مو مثل ماتركه .. معصب وساعه يقرا وساعه يكتب وصلح كل ورقه والثانيه يكتشف فيها حقيقه غير عن الي قبل وتاكد له ان فيه تلاعب وكبير بالارقام والحسابات واحصائيات الشركه .. التلاعب الي حاصل مايتغطي ولا يتعوض والخساير كبيره .. طلب السكرتيره.. السكرتيره: طلبتني استاذ فيه شي.. فارس وهو معصب وعيونه علي الاوراق :مين الي مسك الحسابات في الفتره الي راحت ومن دقق عليها . السكرتيره : ماعندي خبر استاذ انا طلبتها من قسم المحاسبه وهو ارسلوها. فارس:ابي الحين اجتماع مع موظفي قسم المحاسبه . السكرتيره تحاول تهدي الوضع: كلها دقايق وراح يكنون متواجدين . رجع فارس علي الاوراق والهم كله فوق راسه ..الشي الي حاصل كيف ممكن يقدر يصلحه او يعرف من وراه.. خايف مايكون قد المسؤليه وتصير نفس مئساته قبل كم سنه . ماساعده غير عمه عبد العزيز .. رن جواله ومااعطي اهتمام اتركه والتفت يكمل الاوراق.. كلها نص ساعه والسكرتيره استئذنت ودخلت .. الموظفين كلهم في غرفة الاجتماعات.. سند فارس راسه علي الكرسي حس بصداع :اوكيه خذي الاوراق وانا جاي الحين . نسي الوقت وطلع للموظفين .. وعقد الاجتماع والكل بدا يدقق بالاوراق والارقام فيه خلل بس مو قادرين يشوفن وينه او ليه التلاعب حاصل.. فارس وهو يرفع صوته : الجداول في بدايتها صحيحه والارقام بعد صحيحه لكن بالنتايج غلط فيه اعمده غلط .. ابي اعرف السبب والخلل من مين باسرع وقت .. جلس فارس طول الوقت متوتر واعصابه تلفانه .. مشي الوقت وحنين بدت تقلقل علي فارس مااتصل ولا جا علي الغدا .. اخذت جواله وبدون ماتتردد اتصلت .. فارس في الاجتماع من سمع نغمتها قام واخذ الجوال بعيد .. الو حنين: اهلين .. فارس نسي كل شي من سمع صوتها:هلا حبيبتي.. حنين : فروسي فيك شي خوفتني عليك . فارس:حبيتبي لا تخافين بس فيه شوية مشاكل بخلصها واطلع . حنين بدلع : حاول تطلع بدري عشان ترتاح قبل المزرعه.. فارس: ان شا لله حبيبتي. حنين حست بصوت فارس ان المشكله كبيره..بس ماقالها خافت عليه .. بس وسواس الشيطان ماخلاها في حالها . تعبت وهي تفكر.. بس قررت تتفهم الوضع الحين لين يجي فارس وبيشرح لها كل شي. فارس هدت اعصابه شوي وانهي الاجتماع واخذ الاوراق معه للبيت .. وهو بسياره افكاره بالارقام كل مالها وتزيد مو عارف كيف يتصرف ..تعبان بس يقاوم واليوم العزومه له وغصب عليه يروح ويحضرها .. وصل البيت ودخل طلع للغرفه بس قابل امه كانت لابسه بتروح للمزرعه مع البنات .. ام فارس:يالله لا تتاخرون بالجيه . فارس: ان شا لله الا اقول يمه . ام فارس: هلا .. فارس: ابوي وينه راح . ام فارس: ايه سبقنا بالروحه . فارس : بريح شوي وبجي . ام فارس: وين بتريح معه وانت معك بنتها بالغرفه . فارس تنهد بداخله مارد علي امه ..عقله بالمشاكل الي عنده .. وصل للغرفه ..فتحها كان الجو فيها هادي ..ميما جالسه تلون وترسم .. وحنين جالسه معها ومعطيه ظهرها للباب ماتشوف من جا .. من دخل فارس نقزت ميما وراحت تركض عنده..وضمته .. هو بعد بدوره اخذها وضمها وباسها .. قامت حنين تضحك وسلمت عليه .. فارس مو علي بعضه وفيه شي لاحظت هالشي فيه ..بس ماحاولت تظغط عليه .. حبيبي بجهزلك الغدا . فارس :تراني ميت جووع من الصباح مااكلت شي. حنين عصبت : وتقولها بوجهي انك مااكلت شي . فارس ضحك رغم انه طفشاان حده.. جهزت حنين الاكل وطلعت عنده فوق ياكل وتغدا.. بعد ماخلص مسكت يده حنين وسحبته للفراش ينام .. فارس ميت ضحك علي طفولتها وحبها زياده علي اهتمامها . حنين : بتنام يعني بتنام . فارس حب يستهبل :امممممممم واذا مانمت. حنين : سهله بزعل منك .. فارس طير عيونه :افاااااا لا لا كل شي الا زعل روحي .. حنين : طيب يالله نام بشوفك وانت مغمض عيونك . فارس ههههههههههههههه حنين وهي تلف ظهرها تبي تمشي :تضحك او ماتضحك بتنام غصب. فارس بحركه سريعه : مسك يدها مو قبل ماتنامين عندي مو انتي معودتني تنامين بحظني. حنين :اممممممممممممممم ياطماع .. فارس من حط راسه وهو باحضان حنين ويشتكي لها وكانه طفل .. تدرين التلاعب الي حصل عندي بالمحاسبه كبير ..وماني عارف ايش اسوي فيه خايف مااقدر احل المشكله . حنين بذكائها اتركته يتكلم من نفسه بدون ماتقطع كلامه وبدون بعد ماتسئله وتضايقه.. تحاول تسمع له بكل جوارحها وتهدي باله وتفكريه. حبيبي انت قدها وقدود وبعدين مشكله مثل كيذا تقدر عليها مو انت الي تواجهك مشكله وتخوفك .. بكره ان شا لله ربي يحلها ووكل امرك لربي .. انا واثقه فيك وصدقني راح تعرف من المسؤل عن الاخطاء الي صايره .. بس نام ولا تصرفني عشان ماتنام .. فارس طالع فيها وابتسم ورجع ينام .. في المزرعه البنات جالسين في مكان والحريم في مجلسهم والرجال في الخيمه.. اشواق: الا صدق وين السندريلا الي الان ماجت . ما شا لله عليها تجي اخر الناس. هند :ههههههههه يقطع شرك يا اشواق خلي البنت بحالها .. اشواق:هههههههههه ايه اشوف نسيتي يوم الملكه ... اسيل: والله انك صادقه علي كيفها ومزاجها الاخت تنسي.. هند: مانسيت بس بمشيها لها بمزاجي .. اشواق :بتقنعيني هههههه ايه بعد ماعمي وفارس اخذو حقك منها. اسيل الا صدق تدرون ودي اسوي فيها دقه او مقلب يكرهها حياتها. اشواق: لا تحاولين انا سويت قبلك بس الظاهر اخوك مايشوف غيرها . اسيل: وانتي من صدقك تحبين اخوي ..صدق ماعندك سالفه . هند : الحين مريم ماعد تنشاف مثل اول صارت حتي اجتماعاتنا ماتجي فيها . اسيل: الا حتي في البيت ماتلاحظين انها ماتجي او مانشوفها ابدا . اشواق: ماتنلام زوجها وتزوج عليها وبالغصب بعد . اسيل: ويه صارت قديمه سالفة الغصب . وصلت هيفا لهم وكملو الجلسه سوالف .. في مجلس الرجال كان موجود ابو تركي وتركي وابو فارس وابو حمد وابو طلال ونايف. يسلفون عن الاسهم والاسعار ونزلوها ..جلسة رجال لا تخلو من سوالف الشغل والتجاره بحسب اعمالهم .. في البيت صحت حنين وصحت فارس تجهزو وطلعو للمزرعه ميما راكبه وتغني وعايشه جوها بالسياره كانت بحضن امها جالسه . فارس سارح بافكاره .. حنين حبت تخليه ياخذ راحته بس ودها تهون عليه ... وصلو ودخلت حنين تسلم علي الحريم وجلست بجنب ام طلال وجلست تسولف معها . ام فارس التفتت علي حنين:توكم تجوون متاخر احنا جينا من العصر. تدخلت ام تركي: خلي العرسان ينبسطون ياام فارس. حنين استحت من كلام ام تركي ومن طيبتها .. ام فارس : اي عرسان الله يرحم والديك تراها ماخوذه بالغصب. هينا حنين تنهدت واخذت نفس وكبتت في نفسها الاهانه الي رمتها ام فارس بس غصب عليها تسكت وتحملها بقلبها .. بعد دقيقه تقريبا جابو القهوه وقامت حنين تصب القهوه لهم وميما تقوم وتجلس معها .. جاها مسج طلعت جوالها .. حبيبتي ابغي بندول راسي مره مصدع وتعالي ابغاك برا . في مجلس الرجال .. فارس جالس وعقله مو مع الموجودين .. وراسه مره مصدع ومل من سوالفهم في كل مكان يتكلمون عن الشغل مافي شي غيره .. تذكر كيف يجلس مع حنين وينسي الشغل وراه لكن الفتره هاذي بيرجع لحالته اول يدفن عمره في التعب والشغل عشان يعرف التقصير من مين .. في نفسه يارب صبر حنين علي هالفتره هاذي.. رن جواله مسج ..حبيبي.. انا انتظرك بالحديقه الخلفيه عند المرجيحه .. ماصدق فارس جاه المسج طلع وراح للحديقه شاف حنين .. من جا وقفت وشافت ملامحه فيها تعب ويقاوم جلس واعطته البندول والمويه .. بدون مايتكلم حط راسه علي كتفها وهي جالسه .. حنين : فروسي الي الان راسك يعورك . فارس : هو بس راسي الي يعورني.. حنين خافت وقامت ورفع فارس راسه :وش فيك خفتي مافيني شي بس تعبان نفسيا من التفكير. سحبها فارس ترجع تجلس وعدل جلسته وحط راسه عليها .. حنين خاطرها تاخذ كل همومه وتفتش لها علي حل وتريحه علي الاقل تشوف من تحبه عايش مرتاح ومتهني مايكدره شي. جلس سرحان شوي بعدين بدا يتكلم .. فارس: تدرين حبيبتي ذكرتني هاليله باشياء وذكريات مع راشد وطلال ونايف يوم كنا صغار .. حنين اضحكت:طيب حكيني عنها .. فارس : اذكر في كل شبر من هالمزرعه لنا فيها مواقف .. لا ومع كذا بنات كانو معجبين فيني ويحبوني.. وانا اسوي فيها فزعات .. حنين انقهرت ووقفت ..وحطت ايدينها علي خصرها ماشا لله .. فارس حب يشوف ايش ردة فعلها وكمل كلامه : وغير كيذا كنت اخذهم ونروح نتخبي عن الكل . حنين تنهدت وهي معصبه : لا والله اجل خلهم ينفعونك الحين ..وجت بتمشي بس قلبها مايطاوعها وفارس راسه يعوره .. فارس ببرائه وبصوت عالي : حنووون حبيبتي والله استهبل عليك مافي احد بحياتي غيرك تعااالي.. حنين تمشي وماتبي تلتفت عليه .. فارس حب يمثل عليها ويتالم .. حنين خافت والتفت ورجعت له بسرعه ..فارس فيك شي .. فارس رفع راسه ههههههههههههههه حنين عصبت : يعني تستهبل مافيك شي . فارس وعيونه بعيونها :استهبل عليك بعد ومافي بحياتي غيرك انتي . حنين ابتسمت وجلست بجنب فارس وبدو يتسامرون ويسلفون .. اشواق واسيل شافوهم وشافو كل الي صار ارتفع ظغط اشواق.من الي صاير ومن كلام فارس. ماتدري ليه دايم الحقد يزيد اكثر واكثر.. اسيل التفت عليها وعارفه ان اشواق محتره . الا صدق ماقلتي لفارس عن موقف حمد في الكفي شوب. اشواق :تعالي ماقلت لك الا قلتله وعادي مشا الموضوع .. اسيل : ايه اكيد حنين مسنعته ومظبطه وضعها معه.. نرجع لفارس.. حنين : فروسي اللحين اعمامي بيسئلون عنك . فارس : اه ادري عشان كيذا مظطر اروح عندهم .. توصيني شي حياتي . حنين : امممم ايه ابيك ماتشرب قهوه.. فارس:حاضر كم روح انا عندي .. حنين قامت وميما راحت تركض جت تركض وراها وهي تروح وتلعب.. فجئه اختفت ميما عن عيونها وراحت تدور عليها ومن وصلت لقتها ..واقفه عند تركي .. وتركي ماسكها من يدها يسولف معها .. تركي : مين ماما ؟؟ ميما :مامي.. تركي : هههههههههههههههههه وباسها مع خدها. طيب مين بابا: دادي عمو.. تركي استانس عليها .. ميما: تضحك. حنين جت تاخذ ميما لا تفضحها بسوالفها .. من وصلت وتركي يطالعها .. حنين كانت لابسه لبس استايل غجري وشعرها كريلي ووحاطه ورده علي الجنب ..مهي حاطه مكياج كل شي كان خفييف.. جت وشالت ميما من عنده .. تركي : الله يخليها لك عسل . ميما راحت لامها.. الا علي جيت هند. حنين : شكرا ربي ان شا لله يرزقكم . وجت تمشي الا نظرات هند تطالعها من فوق الي تحت.. رجعت حنين لمجلس الحريم ..لان العشا علي وقته..تعشت وعشت ميما .. اتصل فارس عليها وجت بتطلع وسلمت عليهم وطلعت في مجلس الرجال فارس استئذن الجميع وطلع .. راح لسياره وجت حنين معاه وهي شايله ميما .. من ركبو السياره .. الا تلحقهم اسيل ..ابي اروح معكم للبيت .. ركبت وعقلها مع وليد اخيرا راح تكلمه وتراضيه .. فارس التفت علي حنين : طلعنا بدري.؟ حنين : لا حبيبي بل العكس عشان تروح ترتاح. فارس : اموت علي الي فاهمني . اسيل اول مره تشوف فارس بالوضع هذا ذايب هيام في حنين.وحنين بعد . انقهرت ليه مو مع وليد كيذا ليه الي تحبه وهايمه فيه متضايق منها .. حنين : الا كيف راسك الحين . فارس :الي الان احس بالتعب. حنين : اكيد من قل النوم الحين تروح وتنام علي طول . فارس : ان شا لله عمتي ولا يمهك .. حنين : هههههههههههههههه ميما نامت علي يد حنين ..اخذتها وضمتها لها وباستها ..كانت بارده لان الجو بارد بالمزرعه غطتها بالشال وضمتها لها . اسيل من ورا تشوف كيف حنية حنين علي طفله فما بالها حنيتها علي فارس اكيد بيحبها اذا كان اسلوبها كيذا معاه عكس مريم الي ماكانت كذا ابدا.. طول الطريق تقارن بينها وبين مريم وكل الايجابيات لصالح حنين .. مريم ماكان لها الا الذم .. فارس :تبين شي تشربينه حبيبتي . حنين :امممممم لا التفت علي اسيل تبغيين تشربين شي اسيل.. اسيل طالعت فيه :لا شكرا ماابي شي ابي اروح للبيت . فارس : طيب انا ابغالي قهوه.. حنين طالعت في فارس نظرات زعل وعتاب :وكيف بتنام لو شربت القهوه . فارس:ماراح انام وانتي تعرفين بكمل شغلي.. حنين : تقدر تكمله من غير قهوه . انا اسويلك في البيت قهوه . فارس : امممممممممم وعد تسويلي ولا بتكشتين فيني عشان مااشتري. حنين وفيها الضحكه :افااااا عليك بس وانا اقدر اكشت فيك لا تخاف بسويلك . فارس : نشوف وكمل طريقه لين وصلو للبيت .. نزلو ونزلت اسيل وراحت لغرفتها طلعت حنين للغرفه مع فارس وحطت ميما علي السرير.. راحت جهزت الحمام لفارس ياخذ شور ..وجهزت له ملابسه ونزلت تسوي له القهوه .. طلعت حصلت فارس جالس علي الصوفا وقباله الاوراق حطت عنده القهوه وهي زعلانه .. حس فارس من تصرفاتها ان فيها شي .. حنين فيك شي.. حنين : لا ابدا مافيني شي . فارس : ادري انك زعلانه عشان القهوه صح . حنين وبدون نفس: زين عرفت . فارس قام وراح لها ووقف وراها وبعد شعرها بيده .. حبيبتي يهون عليك تزعلين علي وش اسوي بعمري انا .. حنين : وانت يرضيك ويهون عليك تتعب وانا ساكته . فارس اوعدك مااشرب الا هالكوب واروح انام وش رايك . حنين التفت عليه :والله. فارٍس: والله . ارتاحت شوي وراحت تاخذ لها شور .. الصباح عند طلال في كندا.. صحي بدري وفتح المسن وجلس يسولف مع اصحابه كلها دقايق ودخلت اسيل.. سلمت علي طلال .. طلال : برب بسويلي قهوه وراجع.. طلع بالخارج.. جلست اسيل تفتش بصورها وتحط وحده وترجع الثانيه .. ارسلت لوليد مسج يدخل للمسن .. طلال خلص قهوته ورجع للمسن ومن رجع انصدم وطارت عيونه صوعق من الي يشوفه وانتفض.. انصبت عليه مويه حاره .معقوله هذي اسيل بنت عمي ابراهيم.. انهبل عقله مو قادر يصدق معقوله تجمعه الايام والصدف مع بنت عمه لا وتكون حبيبة صديقه ومن فتره والي اقهره زياده ان وليد يتغزل فيها ويذكرها ... قدامه.. ضاع بين كومه من الاسئله ..جاته المواقف كلها دفعه وحده تزاحمت مو عارف ايش يسوي .. كل الي في باله اسيل كيف وصلت للمرحله هذي وليه ووين ابوها عنها كيف يفاتح فارس ولا راشد احتار ..مايبي يخسر اي واحد منهم بس مستعد يخسر اعز اصدقاه .. مصدوم لابعد درجه ..فكر يقفل المسن ويتصل علي فارس بس الوقت متاخر عندهم .. غيرته علي بنات عمه تحركت وفي مجتمعنا مثل هالتصرفات محسوبه علي البنت الف مره قبل الولد .. خايف علي الفضايح مايدري بعد ايش ممكن تكون مسويه غير المعرفه علي المسن ..تاكد انها هي حبيبة وليد الي صجه فيها يبي يشوفها اكثر من مررره .. حقد وزاد حقده علي وليد معقوله ماشاف تشابه الاسماء الي بينا او ان اسيل ماقالت له العائله .. اخذ جواله وبدا يدور بالاسماء علي فارس..وصل عنده بس تردد بالاخر قفل مايقدر يتصل هالوقت قرر ينتظر الي الصباح .بس مو قادر في شي بداخله يحثه الحين يتصل..بس وده يتاكد اذا حنين بجنبه او لا عشان مايتهور فارس علي الاقل حنين بتهديه . اخذ الجوال هالمره ومصمم يتصل .. اسيل جلست تسولف مع وليد وناسيه العالم حولها .. جلست الي الفجر وهي ترسله وهو يرسلها ..واخذهم الوقت زاد حبها وشوقها له قررت تروح بكره وتقابله وتاخذ معها هديه تبي تفرحه بحاجه وتراضيه .. حبيبها ماتقدر تستغني عنه .. اوهمت حياتها انه يحبها وصدقته بكل ماقالها باعت مشاعرها وقلبها لشخص يلعب فيهم اليوم وبكره يمل منها ويرميها مثل اللعبه ..بس ماكانت مقتنعه بالهشي .تشوفه غير عن الكل .. غطت نفسها و معها امالها لتحققها بكره وماتهرب منها في غرفة فارس.. طلعت حنين من الحمام ولبست ملابسها وجت بجنبه اخذ فارس الاوراق وبدا يوريها الاخطاء الي صايره وعلمها كيف تكتشفهم وتقارن بينها وبين الاوراق الثانيه .. فارس راسه زاد الالم بس يقاوم عنيد .. رن جواله وكان علي السرير قامت حنين تجيبه له ..استغربت الرقم دولي ومن طلال .. فارس: مين .؟ حنين :طلال فارس: عطيني اياها تلاقينه يبي شي .. رد فارس.. حنين تراقب ملامح فارس تبي تقرا منها شي ..تبي تعرف ليه عصب وتوتر فجئه ايش ممكن يكون صاير خافت علي فارس من صار يعصب ويصرخ .. اول مره تشوف حالته كيذا صحيح قد صرخ عليها لكن هالمره هذي غير.. فارس ظل ساكت فتره بعدين انفعل مره ثانيه .. فارس وهو معصب : انت صاحي بالي تقوله .. من متي تدري وساكت .. خلاص طلال انا بعرف اتصرف مع السلامه ووليد شغله عندي . قفل الخط حنين من اسمعت اسم وليد ..جلست تذكر وين هالاسم سامعته وفجئه تذكرت اسيل اكيد يقصد اسيل.. فارس طلع من الغرفه وهو معصب حنين تحاول تهديه بس مافي امل فقد السيطره علي نفسه .. طلع من الغرفه والشرار بعيونه .. وصل لغرفه اسيل وفتح عليها الباب .. اسيل كانت جالسه علي المكتب والجهاز معاها ..فارس ماانتظر منها اي جواب او اي كلمه سحبها من شعرها ووقفها اسيل كانت تتالم وماتدري ايش الي صاير.. ضربها كم كف وهي تصارخ وتحاول تحتمي باي شي... حنين حاولت بكل قوتها تبعد فارس عنها لكن ماقدرت فارس اذا عصب ماحد يقدر عليه .. في الصاله تحت دخل ابو فارس وام فارس والبنات ومريم .. من دخلو اسمعو الصوت والصراخ فوق..يقرب منهم .. فارس نزل ومعه اسيل ساحبها من شعرها واللاب توب بيده ملامحه اقسي منها مافي... من نزل الدرج دفها علي الارض .. والتفت علي ابوه وهو معصب وطايره عيونه : هذي بنتك الي مربيها شوف وش سوت وقول اذا انا عايش مااحد له دخل فيهم .. ابو فارس عصب من كلام فارس وقلة احترامه له :فااااااارس فارس كمل بنفس العصبيه : الحين تصاااااارخ علي بدل ماتربي الحقيره الي قبالك .. اسيل راحت لحضن امها .. ام فارس بدون ماتسمع السالفه او تعرف ايش هي:اكيد السالفه لها دخل بالسوسه حرمتك .. فارس وهو معصب اكثر :كم مره اقول زوجتي مادخلونها في مشاكلنا ..ومالها دخل. اخذ اللاب توب ورمها بالارض ..الحين طلال متصل فيني من كندا عشان يقولي ضف اختك شوفها من يد واحد لثاني وووو.... مااكمل كلامه الا ابوه عطاه كف .. حنين اشهقت وتقدمت عند فارس.. الحين بدل ماتضربها هي وتكسر راسها جاي تضربني انا .. الحين سمعتنا بالتراب كله منها الحقيره .. اسيل تبكي وضامه امها .. ابو فارس قطع كلام فارس: انت مالك دخل فيها انا الي اعرف اتفاهم معها اطلع منها.. فارس وهو معصب اكثر: يبه شوف انا بطلع وبرجع الاقي الحماره هذي معطتني كل المعلومات عن الولد .. طلع فارس وهو معصب حنين ودها تروح له بس ماتقدر لان فارس طلع بسيارته .. اسيل جلست تبكي بحضن امها ..جا ابوها وسحبها من يدها . الكلام الي قاله فارس صدق..... اسيل ماردت علي ابوها من البكي .. وبصوت عالي صحيح ولا لا جااااااااااوبي... اسيل هزت راسها ايه .. ابوها اخذها وعطاها كف .. وجا يطلعها الدرج ... حنين كانت قبالها بالدرج اسيل بحركه سريعه دفت حنين علي الدرج وطاحت اربع درجات ... تالمت بس حاولت تقوم جت يمامه شافتها وساعدتها تطلع للغرفه ..وهي تتالم .. اسيل اخذها ابوها وقفل عليها الغرفه وسحب منها الجوال .. ام فارس اطلعت للغرفه تهدي ابو فارس وهند ومريم مبهورين من الي حصل .. الي من كان الهامي ..الي من علمني كيف اعيش ..الي من علمني كيف اشتاق له ..وكيف اكتب له ليس لغيره ... ابي الي جنة الخلد .....اهدي لك كل نجاحاتي ..الي من علمني كيف اعيش بمجده ......

البارت الثامن عشر من ادعي علي بالموت ولا سمني بس لا تفارقني .... في الصباح في غرفة فارس وحنين...

niso86 :

النهاية ارجوك النهاية تكون حلوة متلك

النهاية ارجوك النهاية تكون حلوة متلك

عايشة بمجد ابوها :

البارت العشرين من ادعي علي بالموت ولا سمني بس لا تفارقني .... مرت الايام وحنين رجعت مثل اول واحسن صحت علي نفسها ..وداومت علي الدوا وفارس ماكان مقصر معها .. لكن فارس تعبان نفسيا ومخبي عن الكل حتي عن روحه مخبي عليها مايبي ترجع حالتها مثل اول .. في الشركه .. فارس وصل وجلس بين الاوراق وطلب اجتماع مع رؤساء مجلس الادراه .. وكانو متواجدين خلال ساعه .. من دخلو استغربو انعقاد الاجتماع .. لكن فارس مره كان متوتر والصداع ذابحه من المشاكل الي عنده مشكلة اسيل وهمه .. وحنين ومشكلة الشركه الي صايره فيها اختلاسات وبمبالغ مره كبيره .. احتمال تخسر سمعتها وسمعت موظفينها .. فارس بدا يتكلم وبكل جرائه :الاوراق الي قبالي فيها تلاعب والتلاعب الي حاصل في فترة غيابي عن الشركه .. ابو حمد وهو معصب: وش تقصد بكلامك ياولد اخوي. ابو طلال تدخل: هد نفسك ياصالح والتفت علي فارس:ثمن كلامك يافارس وانت تتكلم . فارس عصب زياده : انا مااتهم احد لكن ابي اعرف وين راحت الفلوس كلها ووين البضايع لو كان فيه عشان تندفع كل هذي.. كلمت المحاسبه واجتماع ورا اجتماع واوراق رايحه واوراق جايه فيه نقص ماادري فيه خلل وبس.. عصب وبدا يرفع صوته لكن تمالك نفسه .. ابو حمد قام من الاجتماع واستئذنهم فارس ارتفع ظغطه من الحركه الي سواها ..لكن قرر بعدها الا ويشوف من ورا التلاعب كله . خلص الاجتماع وانتهي اليوم بتعب.. والصداع مو تاركه بحاله يزيد كل شوي...بس فارس بطبعه يحب يقاوم ويتحمل.. نرجع لاسيل رجعت لحياتها الطبيعه وانفك الحصار عنها ..بتدخل ام فارس طبعا و****لات يد فارس من السالفه مع انه مو تاركه وبيكون وراها وراها وبيعرف ايش هي تسوي.. رجع فارس من الشركه وهو مهدود حيله ..وصل للبيت شاف الكل مجتمع علي العشى جلس اكل معهم وحنين معه .. خلص عشاه وطلع للغرفه مع حنين استئذنها وراح لغرفة مريم .. دخل للغرفه شاف ارتباك مريم..وتقفيلة الجوال السريعه .. مااعطي للموضوع ادني اهتمام ..قام يفتش بالاوراق الي عندها بالمكتب .. دخلت مريم للحمام تاخذ لها شور.. بس بينه وبين نفسه راوده الشيطان يفتش جوالها ويشوف اخر مكالمه.. اخذ الجوال وشاف اخر مكالمه اخذ الرقم وطلع من الغرفه .. صار يشوف سواد ودوخه .. لكن استحمل ودخل للغرفه ..مو من عادته مايغير ملابسه ولا ياخذ شور استغربت حنين .. فارس:حنين عطيني بندول . راحت تدور بالصيدليه وجابته له وشربها .. حنين حاولت تقنعه يغير ملابسه: حبيبي عشان خاطري علي الاقل غير ملابسك بس وبساعدك فيها لا تاخذ شور.. فارس وبدون نفس:طيب عطيني ملابسي. ساعدته حنين بالبس وقدر ينام .. بدلت حنين ملابسها ونامت بقربه.. كل دقيقه تصحى علي صوت تعب فارس وترجع تنام .. في المطار ..الساعه 3 الليل..وصلت طيارة حمد.. رجع حمد وبيده يجر شنطته وقلبه طاير من الفرح اخيرا رجع لحياته ولمستقبله ..اخيرا راح يتفضي لنفسه ولحنين .. رجع واوراق العلاج بيده .. اتصل علي نايف وقاله عن وصوله وجا يستقبله بالمطار .. اهل حمد مايدرون وش يسوون من الفرحه وخاصتا ابوه الي اخيرا راح يرجع له السند والعزوه الي فقدها وبيتحدا فيها عيال اخوه .. نرجع لحنين وفارس.. صحت حنين علي صراخ وتوسلات فارس:حنين الله يخليك ابي اي شي يفك الصداع .. بسرعه . حنين من شافته انهبلت كان يتلوا ويتالم وماسك راسه .. فارس وهو يتالم اكثر واكثر.. ضاعت حنين ماتدري وش تسوي .. حبيبي هدي نفسك .. بدت حنين تسوي له مساج لراسه وتمسح عليه وتقرا قران .. لكن الالم مستمر ويتأوه مو قادر يتحمل:حنين الله يخليك سوي اي شي اي شي .. حنين قامت بسرعه ..ونزلت الدرج وهي تركض وصلت للمطبخ جلست تحوس فيه وسوت له كوب نيرفانا (مشروب قرفه دافي) طلعت عنده وفارس مازال يتالم .. جلست حنين علي السرير وحطت راس فارس علي رجولها وبدت تسويله مساج وتحط له زيت مقري فيه وتمسح له فيه بدا فارس يرتاح شوي ..ساعدته يشرب من النيرفانا ..شرب شوي بس مااصتصاغ طعمها الا حنين تغصبه .. فارس يرجع يتالم في كل مره وهي تحاول بالمساج والقران ..صارت بالاخر تبكي عليه وعلي حالته تترجاه يروح لدكتور لكن رافض.. حنين : حبيبي هدي نفسك هذا كله من كثر ماتفكر حبيبي الله يخليك انسي كل شي انسي المشاكل واسيل ومشاكل الشغل .. كله بينحل والي يسلم عمرك .. حنين من تشوف حالته والمه ماتقدر تسوي شي تبكي زياده .. الله يخليك انت الي بقيتلي بالدنيا ..لا تتعب نفسك .. فارس شوي بدا يهدا وراسه خف الالم ..بس يحس الالم يروح ويجي ويظغط علي عيونه ونظره ..مره مايقدر يفتح عيونه ومره يحس بالالم يزيد .. يحس بيدين حنين الصغيره علي راسه ويسمع صوتها وهي تقرا عليه .. يسمع دقات قلبها وخوفها عليه ودموعها الي ماوقفت .. كانت تمسحها بظهر يدينها .وترجع تكمل مساج ..ماوقفت الا لما سمعت فارس ينطق باسمها ..حست بان روحها ارجعت لها ..تنفست اخيرا وقدرت توقف بكاها.. فارس:حبيبتي انا اسف تعبتك معاي .. حنين وهي تكتم عبراتها : انت بس قوم لي بالسلامه وكل شي يهون . فارس ويحاول يضحك :مافيني شي بس حبيت اتدلع عليك . حنين وبكل خوف:ادري انك مخبي عني شي والتعب الي فيك من كثر ماتفكر ماتبي تفتح لي قلبك. فارس وهو تعبان :انا كلي لك ياروح فارس انتي .. بس انا تعبان من كثر ماافكر تعبت تعبت ياحنين ..ابي حل . انا محتاجك بجنبي .. حنين حزنت لكلامه ولوضعه وتألمه الي مره يروح ومره يجي.. عارفه انه ماتحسن . حنين وهي تترجاه:فارس خليني اخذك لدكتور لك ثلاث ساعات وانت تتالم .. فارس:لا لا تخافين خف الالم .. مضي الليل كله وفارس علي رجول حنين غفي وارتاح بعد ماشرب القرفه وهدت اعصابه وتوتره . وراح عنه ارهاق الشغل كله .. حنية حنين وخوفها عليه واهتمامها فيه خفف عنها اشياء كثيره. مرت الايام ..والمشاكل مره تزيد ومره تنقص.. بس اشياء كثيره راح تطور مع الوقت ..فارس نسي موضوع مريم وحاول يتناسي موضوع اسيل وهند تزوجت تركي وسكنت مع اهله ..حمد كمل طريقه الي مشي فيه وصار عند حسن ظن ابوه يمكن قدر يخدع الكل الا نفسه الا فارس الي كان ورا حمد ورا تصرفاته .. قدر فارس يحل مشكلة الاختلاسات ..وعرف من مصدرها بس حب يشوف اخرتها معه.. مرت الايام والروتين علي حاله ..والبيت ناقصه اشياء كثيره برود بكل جدرانه ..غير غرفة حنين وفارس الي فيها من الدفا عناوين ..ضحكهم وسوالفهم لعبهم يشهد له كل قطعه في الغرفه في الشركه الساعه 10 الصباح.. اخذ فارس جواله .. واتصل علي حبيبته.. فارس : الو ...يسعدلي صباح القمر . حنين : هههههههههههه يسلمك ربي. فارس:اممم حبيبتي عطيني بوسه .. حنين بحيا :فروسي انت بالدوام .. فارس وصوته بترجي :واذا بالدوام يعني مااخذها .. حنين :يالله كسرت خاطري امووووووووه . فارس:امووت ياناااس اروح فدوا لها . حنين استحت :بسم الله عليك .. فارس: طيب ممكن اطلب من حبيبتي طلب صغنوط. حنين : انت تامرني امر. فارس:اليوم عندي رحله يومين وابيك تجهزين لي شنطتي.. حنين :بس هذا الطلب . انت تامر علي الروح واقولك فدوا لك .. فارس: الله يخليك لي ويلموني فيك . حنين فيها حزن ومخبيته :طيب فروسي متي رحلتك ..؟بشتااق لك .؟ فارس :تدرين حبيبتي بحاول اخلص شغلي بيوم وارجع . حنين :حياتي انت خذ راحتك انا بنتظرك ..يالله قفل عشان تكمل شغلك وانا اجهز لك شنطتك . فارس : لا خليك شوي معاي .. حنين :ياااربي طمااع اخاف بكره تمل مني . فارس: امل منك مجنون انا ماراح امل منك لو وش يصير . حنين : عشان خاطري قفل وروح لشغلك انا بجهز لك اغراضك . فارس: اوكيه حياتي لخاطرك يالله مع السلامه . حنين : مع السلامه . حنين بينها وبين نفسها اكتئبت من داخلها ..ماتبي فارس يفارقها .. بس بعد هي ماتقدر توقف بطريق شغله.. راحت تجهز اغراضه من ملابس يحتاجهم بس هالمره هذي غير حبت تكون معه في كل شي بالسفر ويذكرها وين مايروح .. حطت له كل مايحتاجه في اليومين ..وقفلت الشنطه وجلست تنتظر جيته .. في بيت ابو طلال اشواق في الصاله جاسله تتفرج علي التلفزيون لكن عقلها يفكر في فارس الي تغير مره وحده وبدون اي مقدمات .. صار متعلق بحنين بشكل مو طبيعي وهو ماخذها بالغصب..فكرت تكلم ابوها بالموضوع وتحاول تفهم وش مقصدهم بالزواج.. انتظرت ابوها لين يوصل من الشركه بس شكله مطول قررت تطلع مع اسيل لسوق او لسينما.. اتصلت علي اسيل واتفقت معها ومع هند ومنها يتغدون برا.. حنين الحزن اخذ منها ماخذ هذي اول مره فارس يبعد عنها ..وماله حس يعني بتصحي وماراح تشوفه بتنام وماراح تكون بحظنه .. جت عندها ميما ..ونستها من حزنها شوي ضحكها وشقاوتها .. جلسوو يلونون ويلعبون بالالوان ..والكل منهم متحمس .. بعد نص ساعه وصل فارس للبيت .. دخل من الباب الخلفي ماله خلق يتناقش مع امه او مريم ..يبي يقضي الساعه الي بقاله مع حنين وميما .. وصل للغرفه وسمع ضحكهم وضحك بنفسه وانشرح صدره .. دخل للغرفه وفاجئهم ..سلمو عليه وجلست ميما بحظنه وحنين اكتفت وجلست بجنبه .. جلس فارس يبوس ميما ويلعب معها .. حنين وعيونها فيها برائه : وانا مالي رب.. فارس : مو انتي الدنيا كلها .. اخذ يسولف معها ويلعب ..لا تستغربون ان فارس يلعب رجع كم سنه ورا من عاش وشاف شقاوة ميما وحنين ..شاف معهم حلاوة الدنيا وينسي بوجودهم هموم ومتاعب الشغل.. لكن موعد السفر قطع عليهم فرحهم ..وجت لحظه الوداع .. ودعت حنين فارس بحراره وبكت لسفرته .. فارس: الحين ترا انا رايح يومين مو لحرب حرام عليك اشوف دموعك . حنين ماقدرت تتكلم خنقتها الدموع وغص بحلقها الكلام. فارس ضمها له .وباسها .. حنين وهي تبكي : انتبه لنفسك الله يخليك ولا تسرع بالسياره .. فارس :انتي اول وحده بحياتي تقولي هالكلام كله ..احبك حنين ولا تخافين برجع لك ان شا لله . حنين :ودعتك الله الي ماتضيع ودايعه.. فارس كان هالسفره هذي جت لتختبر حب حنين له ..واختبار لها .. بس من جد حنين اخذت من اسمها كثير حنونه وطيبه بكل شي.. حنين : حبيبي الله يخليك اول ماتوصل تكلمني. فارس: وانا اقدر مااسمع صوتك ..انتبهي انتي لنفسك وخليك بالغرفه ماابيك تختلطين فيهم وانا بعيد عنك مابي احد يزعلك بشي نزلت حنين معاه تودعه ..لحد باب السياره .. فارس نزل لمستواها وعيونه عليها : حبيبتي لا تطلعين مكان وانتبهي لنفسك .. حنين : ان شا لله مسح فارس دموعها وباسها مع راسها وركب سيارته .. حنين من اختفت سيارته عن عيونها دخلت للبيت وطلعت ..كارهه تدخل للغرفه بدونه تحس فيها جمود والحياة متوقفه بداخلها .. جلست علي الصوفا تبكي خايفه من ابعد عنها حست بظلام يحوطها ..اتعبها الحزن وخوف لبسها ثياب القلق والتفكير.. فارس بالسياره يفكر بحنين مايدري كيف بيبعد عنها يومين.. رحم دموعها من شافها اول انسانه تحرك قلبه وتولعه فيها..اول انسانه تقدر تاخذ لها مكان بين احاسيسه.. اول انسانه يحبها قلبه من غير تفكير.. حسسته انه انسان ينحب ويحب ويطلع مشاعره لشخص يهواه..ذوبت فيه الجمود صار يتكلم ويتغزل فيها .. حتي نومه مايتهني فيه الا وهي بقربه وانفاسه تاخذ من انفاسها .. في بيت ابو طلال تواجد ابو فارس وابو حمد وحمد ونايف .. بعد ماجمعهم ابو طلال عنده.. تغدو سوا وجلسو الي صلاة العصر ورجعو . ابو حمد :الحين يافيصل جمعتنا عشان موضوع حمد . ابو طلال:مو اتفقنا زواج فارس مده محدده الين يتعالج حمد وبعدها تطلق حنين وترجع لولدك.. ابو حمد :ايه هذا اتفاقنا . ابو فارس:بس الكل مايدري عن اتفاقنا لا فارس ولا حنين .. ابو طلال: مو المشكله ان اليوم بنتي اشواق جت تقولي ان علاقتهم قويه مع بعض. ابو حمد :مافي شي قوي هو حل من الاثنين مالهم ثالث.. حمد كان يسمع وهو مقهور من تصرف ولد عمه مع زوجته . مشكلة حمد الي الان وهو معتبر حنين ملكه ومااحد يقدر ياخذها منه مه انه مايحبها ولا يشيل لها اي مشاعر بس مستعد يرجعها لنصيبها وفلوسها..ورصيدها الي باقي عندها.. ابو حمد :خلو الموضوع الين يوصل فارس من سفره ونتفاهم.. يالله انا طالع للبيت اريح شوي.. ابو فارس : وانا بعد يالله اذا جا فارس من سفره تعالو عندي في البيت ويكون فارس وحنين موجودين ونتفاهم علي التفاصيل. ابو طلال:بينا اكيد اتفاق قبل مايجي .. الكل طلع وراحو لبيوتهم .. وكل واحد يحمل بنفسه تخطيط وكلام وقرارات بيتفقون عليها وينفذونها بدون نقاش.. بيهدمون بيت انبني بالصدفه وبيدفنون حب اشخاص تعذبو لين اقربو لبعض .. عمر الدنيا قصير وعمرها مافرحت شخصين بوجودهم ..الغيره تذبحها تفرقهم.. الصبر له اخر .. وحنين وفارس مصيرهم مربوط بكلمه راح تهزهم وتهدم احلام وحب وشوق ووله كلفهم كثير كثير.. ماخلو للقدر تدخل ينهيها لازم بيدينهم بيجرون التراب علي قبرهم ..وبيدينهم بيخنقون اخر انفاس امالهم... ماتروكو لزمن يعطي لقصتهم عنوان.. ولا يرتب لهم ظروف وفصول لمسريحه هم رتبوها بانفسهم كتبو نهايتها وبدايتها ..علي كيفهم وعلي مزاجهم .. تدخلت العادات والتقاليد والطمع بكل امورهم .. حتي فرحتهاحاسدينها عليها .. الي من كان الهامي ..الي من علمني كيف اعيش ..الي من علمني كيف اشتاق له ..وكيف اكتب له ليس لغيره ... ابي الي جنة الخلد .....اهدي لك كل نجاحاتي ..الي من علمني كيف اعيش بمجده ......

البارت العشرين من ادعي علي بالموت ولا سمني بس لا تفارقني .... مرت الايام وحنين رجعت مثل اول...