شهيتيني للقهوه انا أغلي ملعقتين بن وملعقه من وبهارات للقهوه تاخذيها من محلات المطاحن تهبل وملعقه من بهارات القصيم وتغليً ربع ساعه وتحطي معلقه هيل مطحون بثلاجه للقهوه وتصبي عليها البن وخليها عشر دقايق بعدين تقهوو ...البن اشتريه محموس جاهز اما الهيل اطحن كل اسبوع حتى يكون طازه وريحته فايحه وبعدها بتطلع قهوتك مزاج وريحتها لأخر البيت انا تفوح ريحتها وتصحيلي زوجي من نومه ههههههه

اي كوفي ميت ي بنات ؟؟
واي هيل اخليه يغلي مع القهوة ؟؟
واي عشر دقايق اللي تخلينها تغلي بس ؟؟
وملعقة وحدة البن !!!
موية مو قهوة ذي !!!!
بنات حطي موية في البراد اكثر من النص تكون تخلينها لين تغلي تحطين عليها فنجالين قهوة تكون مليانة قهوة (بن ) وتقصرين عليها وتخلينها تغلي عشرين دقيقة او لين تصير الفقعات اللي تطلع تكون صغيرة وبعدين لين خلاص صارت ناضجة تطفين عليها ..
نروح للترمس تجبين بهارات القصيم حطي ملعقة منها ولا زعفران (براحتك ) ملعقة ولا ملعقة ونص هيل وزنجبيل مبشور(اخضر ) على رؤوس اصابعك ولا ملعقة صغيرة او اقل عشان ماتكون حارة القهوة وتجبين القهوة وبشويش تصبينها في الترمس عشان يكون البن نزل بقاع البراد وتنزل موية القهوة سكري الترمس .. وبالعافية عليكم فديتكم .

طريقتي بالقهوه والله الكل يسألني عنها وعن طريقتي ,, يعني ادمان ماشاء الله تبارك الله ..

طبعا البن من البن الاصلي الغالي مو من ابو طقه .. بن هرري فاتح ..

احط ملعقتين صغار من البن على المويه واحط ملعقه كبيره خلطه القصيم وعود قرفه وملعقه صغيره زنجبيل مطحون وادق هيل وقرنفل كميات بسيطه وملعقه صغيره حلييب سائل ..

واطبخها من ثلث الى نص ساعه .. وتعالي شوفي الريحه والطعم على كيف كيفك ..

شوفي هذي طريقتي والكل والله يمدح فيها لدرجه ان مرات اذا رحة الاستراحه
يطلبون الرجاجيل ترمس قهوتي خاص نص علي قولهم انه مقندها وتجيب الكيف
الطريقه ياطويله العمر كالتالي
الماء لازم يكون مغلي تمام التمام ثم احط عليه فنجال قهوه محموسه بالبيت ومن النوع الممتاز اسمه
هراري درجه اول تجي في كيس مثل حق الرز لكن حجمه صغير والخط لونه اخضر
المهم تتنظف ثم تتحمص علي نار هاديه جد قد توصل الي ٤ساعه واحمس معه شوي اشنه
تحصلينه عند العطار مجرد اكسر علي خفيف بيدي ثم احمسه مع القهوه ومجرد ماتتحمص مضبوط
اشيل الاشنه لانه اذا انطحة مع القهوه تسود لونه هي وضيفه منكهه فقط
بس والله تعطي نكهه مميزه جد للقهوه والون ان احطه بني وسط
اهم شي يكون محمص صح عشان مايعطيك طعم الحب الني في القهوه
واحرق لي شوي كم حبه عشان تعزز النكهه يعني عادي لو احترق شوي منه لان بعد يحلي
المهم طول ماهي علي النار تتحمص كل عشر دقايق احركه
نجي لطريقه بعد ماتغلي القهوه علي النار اقل شي نص ساعه انا بعض الاحيان اخليه ساعه الاربع
علي نار هاديه ثم قبل الزله بالترمس اصب عليه نص فنجال حليب بوني
اخليه يفور فورتين ثم علي الترمس الي اكون حطه فيه ٣ملاعق هيل مجروش بشكل خشن
مع ربع ملعقه زعفران وبعض الاحيان مسمار لكن انا ماحب المسمار
واتحدي اي وحده تطبق تعليمات طريقتي و ماتدعي لي
افضل نوع هيل زينه علي ماعتقد نوع هندي تجي بعلبه بلاستيك شفافه غطه اخضر
ام الزعفران احسن نوع الايراني وسعرها للاسف غالي جدا

رفع