هنوف A
•
حبيبتي عندك بهارات القهوة القصيم تلاقيها عند العطارين والقرنفل كمان اللي هو العويدي يعطي ريحة
انا قهوتي زوجي مجنون فيها وربي كل مايجينا ضيف تعجبه القهوة يقولون تكيف بجد اول شي اعبي ابريق القهوة للنصف واحط فنجالين بن محموس حمس غامق طبعا جاهز بصراحة استغرب اللي تحط ملعقة بن احس تطلع مويه المهم احط البن على المويه وهي باردة واخليهم يغلون لمدة عشرين دقيقة اقل شي بعدين اكون طاحنة ع جنب هيل وعويدي بمقدار متساوي واحيان اخلي العويدي اكثر بشوي صح تطلع مرررة بس تكيف اخذ من الهيل والعويدي اللي طاحنته ع جنب مقدار فنجال قهوةواحطه ع البن يغلي دقيقتين واطفي النار اكون حاطة ف الترمس شوي زعفران اصب القهوة عليه مباشرة والهيل افضل شي الهندي اللي بكيس برتقالي هو الهيل الصح يخلي القهوة ريحتها تعجعج ف البيت وربي كل مانطلع حنا واصحابه طبعا كل حرمة تاخذ قهوة وشاي انا قهوتي دايم عند الرجال مطلوبة بجد بس انا ماعلي من القهوة ابدا ولااشربها الا مع قطعة حلى سبحان الله مو كييفة قهوة
الصفحة الأخيرة
واذا انتي من الرياض فيه محل كنا نشتري منه قهوتنا حلوة
اسم المحل بيلي
ناخذ قهوة مطحونه وناخذ معها خلطة ملكيه وهيل ريحانه ملكي