زوجي أختي سوى لها مشكلة على وزنها...وش الحل؟؟؟

السلام عليكم ورحمة الله وبركاته
من غير مقدمات أختي المسكينة زوجها راسه وألف سيف إلا تبدأ ريجيم قاسي وفورا !!
لكن المشكلة أنها طالبة جامعية وباقي أسبوع على الأختبارات النصفية وشهرين على النهائية!!
وهي خايفة أن صحتها تتدهور من الريجيم والرياضة أو على الأقل تفقد طاقتها وخبركم الأختبارات تبي مخزون وطاقة وصبر
هي وزنها مو كثير لكن زوجها مو راضي يأجل أبدا لأنه أولا عنيد ولا يعرف التفاهم و ثانيا يقول يبيها تنحف على الأقل خمسة كيلو علشان في الأجازة تلتحق بمركز تخسيس !!
وراح وأشترى لها جهاز مشي غاااااااااالي يعني ملزم بالقوة وهي منحاسة ما تدري ترضيه على حساب صحتها أو تصبر على لسانه الي ما يرحم؟؟
ملاحظة: هي معها نظام ريجيم من الطبيبة يعني مو عشوائي
طولها 170
وزنها 83
عمرها تقريبا 26
عندها أربع أطفال (ماشاء الله)
أرجوكم ساعدوها وشلون تعوض الى راح تفقده خصوصا وأن ريجيمها قائم على الفواكه وخالي نهائيا من الدسم والسكريات والنشويات نهائيا
الله يجزاها خير كل من بتنصحها

طموح