انت جاهله وانت سبب المشكله واذا استمريتي كذا راح يوديك ولا يردك

ان الله لا يغير مابقوم حتى يغيروا ما بأنفسهم

تقربي من الله كثيرا واجعلي رضاه فوق كل شي
يرجع لك زوجك ويطلب رضاك في كل شي

ولا تهدمين بيتك لاجل شكوك فقط

والحريم اللي ينصحونك تروحين بيت اهلك تأكدي ان فيه رجال ينصحون زوجك انه يتركك ويأدبك
وفي الاخير انتي الخسرانه

تعوذي من ابليس وتعاملي مع مشاكلك بالحيلة والحكمة

والله العظيم كتبت كلام كثير وانحذف لما جيت ب ارد :(


بس ب اعيده عشانك ...



اول شي استهدي بالله واذكري الله


ثاني شي ياختي والله ان كل رجال ماسك جواله
ماتشوفي بالله عليك حتى وهم يسوقون وعند الاشاره هههه
من البرامج اللي طلعت واتس وتويتر وكيك وانستقرام وغيره صار الواحد مايشيل عينه من جواله عندنا وعندك خير :ohplease:
انا اقولك اخواني جنب امي بجوالاتهم جايين يزنورونها وجوالتهم بيدهم :ohplease:
زوج اختي نفس الشي وزوجي برضوا , وقت الاكل اقوله اترك الجوال نأكل والا شلون :icon29:

الجوال له وقت !!!
انا اقوله الرسايل مكانها بيطير شي منها كل دقيقه بتجيك رساله بتفتحها كل شوي يعني :tongue1:


اقولها عادي بدون زعل ..




شوفي ياقلبي وإذا ع كلمته وبيوديك لاهلك !!!

ترا انا عندي مشاء الله 3 اخوان وابوي الله يحفظه
ومره قالي زوجي وانا ماعندي عيال لي 4 سنوات بس مو مثلك ولا تهورت

قال روحي بيت اهلك خلي ابوك يجي يأخذك < اقسم بالله كذا قالها


انا ابد ولا تكلمت :tongue1:
اعرف انه قالها وهو معصب وزعلان والشيطان يدخل بين الزوجين يبي يفرق بينهم

صح اني زعلت وتضايقت ف نفسي بس قسم بالله ولا فكرت اكلم ابوي
والا ابوي والله مايسمح له يهينني كذا خير مو لعبه عنده انا

المهم وابد والله رحت نمممممممت بعيد عنه مسويه زعلانه ههه :tongue1:
قمت ولا كأنه صار شي

تدرين ليش

انا اهدددددي واسكت بس لما يتكرر الشي مره ثانيه اجي عنده واتكلم ب عقلانيه
واقوله ترضى احد يقول لاخواتك كذا او لما تكبر بنتك قولي له كذا ترضى زوجها يهينها
المهم واتناقش معاه اتكلم ابدي رأيي اوضح له افهمه إذا هو مايفهم ان هالشي يكدر خاطري

عيدي وزيدي ف الكلام عادي لين يفهم بين فتره وفتره طبعا مو تزنين
ب اسلوب طبعآ قولي افا كذا قلبك يطاوعك ... انتي حاولي تخلقي جو حلو
ابعدي عن الزعل والصراخ قد ماتقدري
لما تشوفيه ماسك جواله عادي ولا يأثر فيك

حاولي تخليه يجلس معاكم تفرجوا ع مسلسل ع اي شي قولي خلنا ننبسط شوي مع بعض نطلع نغير جو نروق

ولا يأثر فيك تقولي شاف حريم والا ماشاف انتي خليك يا جبل مايهزك ريح خليك واثقه من نفسك


شوفي انا مره صارت لي زيك
بس زوجي ملتزم انصدمممممممممت ولا عندنا دش ولا يشوف مسلسلات اساسآ

والله اسبوعين بالصدفه اشوف المقاطع تكون محفوظه اللي يتابعها
قسم بالله خنقتني العبره باين علي مره مدري وش اسوي وش اقول

سكتت وربي ولا قلت كلمه الا بعد اسبوعين قلت لمتى اسكت

جيته مره وقلت له ايش هذا ! < شوفي عندي دليل مو مثلك الله يهديك ماتدرين صدق في شي والا لا

قلت له شوف تبي تتفرج بكيفك الله بيحاسبك انا حلالك وعندك تشوف هالمقاطع :ohplease: رقص وحريم
قام يقولي خويي والله مو انا هو يأخذ جوالي دايم

قلت انا ف البيت ف الليل اشوف مافي شي جديد وعندي تجلس ف الظهر اشوف شي ثاني كيف بالله
والجوال عندي لان حقي خربان يخلي جواله معي والظاهر مايعرف يحذف اللي شافه..
المهم ويحلف ويقول هي تطلع < اقسم بالله مشيتها عشان ماتكبر بس قلت له انا والله ماسامحك
ان شفت شي زي كذا واساسآ ربي بيحاسبك
ع كل بنت كأنك زنيت فيها لانه زنا العين زنا النظر تبي تشوف بكيفك والله إذا ماخفت من الله منت خايف مني
ف قبرك والله ماتنفعك هالمقاطع

قلت هالكلمتين وسكتت بس


ولا عورت راسي ولا شي يبي يشوف خل يشوف الله فوقه :tongue1:

قلت اللي بقلبي وارتحت بس ,


المهم وعلى طار انه طردك
ياحبيبتي امـــــي بعد عشره عمر وبعد ماخدمت امه وابوه لين ماتوا ف بيتها
بسبب مشكله صارت مع اختي قال لامي لو قلتي لها شي انتي اللي تطلعين
تخيلي


طبعا امي قالت لي والله ماطلع لو يموت بيت عيالي :tongue1:

يعني لو امي كبرتها وطلعت وش بيصير
ابوي يمكن يطلق ع اخر عمرهم
ونتشتت ونفترق ونكرهه ونحقد عليه عشان امي

بس امي الله يسعدها ولا فكرت فيه :tongue1:

ابد والله تأكل وتشرب وتطبخ وتتفرج مع اخواتي وفالتها ماعطته وجه

هو إللي يرجع يكلمها خلاص كبير ف السن ماله الا امي

وامي والله ماتحب ابوي مو طيب معاها مره ويتكلم بكلام مب حلو بس والله انها ماترد عليه
وشوفي مشالله الكل يمدح ب امي ولو تغيب امي والا تسافر ما ارتاح ابوي خلاص تعود عليها ما شاء الله
مع ان مافي حب بس يعرف من هي امي


المهم ف انا اقولك عشان خاطر عيالك اجلسي
تروحي عند امك وابوك الكبار تثقلي عليهم وتزيديهم هم ليش ياختي

ترا والله الرجال بايعينها بس تطلع الحرمه ماهمه بيدور غيرها
بيحرظونه رجال لما يشتكي لهم بيقولوا له يارجال البيت مليان حريم

لكن لما تجلسي ف بيتك بتهدا الامور انتي حاربي عشان حياتك وبيتك واستقرارك واستقلاليتك
يعني تروحي بيت اهلك وش تسوي بالله تنتظريه يجي يراضيك !!
وإذا ما جا وسحب عليك

كل واحد بيكابر

نصيحه لوجه الله يا اختي والله الدعوه ماتستاهل
ابد رووووووقي وفكري بعقل انتي اللحين زعلانه ومعصبه ما الومك
بس اقسم لك بالله مافي شي يسوا تتركين بتك عشانه


شوفي امي مره قالت ل دكتور طارق الحبيب يقول ف هالزمن اتخذي الرجال وسيله انجاب
يعني تخلفي منه وبس :tongue1:
لان الله يخلف ع اغلب رجالنا

المهم ف انتي إذا تشوفي زوجك طيب وفيه اشياء حلوه معليش عديها
خليه ديكور وظيفته يقضي ويجيب وبس إذا انتي مو حابته
لا تطلعي سوي زي امي جالسه وتطلب اغراض عشان عياله وكملت حياتها وياربي لك الحمد


انتي حاولي لو تشوفين زوجك طيب ويحبك حاولي ترجعين علاقتك حلوه فيه
حاولي تنسبطوا ياختي الحياه قصيره محد بيدري مين بيعيش لبكره ليش تنكدوا ع انفسكم

والله في مشاكل يشيب لها شعر الراس
انا ادري انتي مضغوطه وتعبانه بس اقري قرأن وصلي وادعي الله يفرج همك ويكشف غمك ويسخر لك زوجك
قومي الليل وصلي تقربي لربي يريح خاطرك

مو تعصبي وتتهربي وتروحي لأهلك ياعزيزتي والله انتي بتخسرين

الطلاق مو سهل ولا هو لعبه
شوفي غيرك ف القسم مطلقات والله ندمانات تتمنى الوحده ترجع لزوجها تشتاق له تبيه محتاجه له
محتآجه استقرار وراحه

انتي اللحين معصبه بتقولي عادي بس لما تذوقين مراره الطلاق بتقولين ياليت
وياليت ماتعمر بيت

لا تسمعين للي تقول اي ادبيه وروحي
لا والله يمكن يقول قلعتها وش ابي فيها ويطلع فيك ستين الف عيب :ohplease:
خليها ف بالك بعض الرجال ناكرين للحرمه مهما تسوي بس لا ياعيوني ابد تربعي واجلسي ف بيتك وقولي بنفسك والله مااطلع لو تموت :tongue1:

بان ف عينه اللي تسوينه والا ما بان بسلامته اجرك ع ربي والله يعينك
والله يفرج همك الدعوه ماتستاهل روقي كلنا نعصب ونزعل ونقول خلاص ليش نعيش معاهم
بس نشوف الاشياء الحلوه فيه الا ما تلاقي شي حلو والله يهدي سركم ويصلح حالك يارب


دعواتك لي والله مانمت عشان اكتب لك :tongue1:

شوفي ياقلبي بقولك عده امور اولها الله يفرج همك ويبعد الكدر والضيق عنك الشي الثاني لاتروحي من بيتك  وطنشيه قومي في بيتك وفي عيالك واهتمي في نفسك يعني باعتدال نظافه وترتيب فقط  وخلي مشاعرك بارده لاتصرخي ولا تهاوشي  فتره بسيطه بيجي مشتاق ويبغى يصلح الامور وقتها اتكلمي معاه بهدو واذا شد ارخي واذا ارخى شدي واطلبي لك رد اعتبار بدل الكلمه الي قالها يعني هديه محرزه او فلوس عشان يعرف ان الله حق

صراحه انتي غلطاااانه حرام عليك لو مسكتي او شفتي شي قلنا ممكن بس مامسكتي عليه شي يعني مالك حق تزعلين عليه انا مااقولك هو صح لا هو غلطان بعد بس يمكن انقهر منك لو انا منك قلتله ماني بطالعه اطلع انته اذا تبغى يختي الناس بمشاكل وخيانه والي تكشف زوجها مع عشيقته والي مع الخدامه والي مع محارمهم والي والي وانتي مامسكتي عليه شي و قالك روحي و رحتي لاهلك الله يهديك احمدي ربك عليه اغلب الرجال على جوالاتهم حتى احنا الحريم لو انك شاكه كان مسكتي شي المهم صار الي صار ماعلينا رحتي خلاص سوي الي قلتي عليه طنشيه ولاتردين على اي شي منه عشان مايعيد الكلمه واذا اناقشتو لاتجيبين طاري الشك قوليله انك زعلتي عشان كلمة بوديك لاهلك والله يحنن قلبك وقلبه واسفه اذا ازعجك ردي بس اعتبرتك زي اختي ونفس الشي بقولها ... بالتوفيق