اختي العزيزه....
الله يثبتج ويهدي لج ريلج عاجلا غير آجل....
ام ميثا ما أبغي أزيد على كلام الخوات لأنهم كفوا ووفوا بس اللي انبهج اليه ان لو حصل الطلاق أخاف زوجك يسحب عيالج عنج ولو بعد حين وشو بتكون حالتج ؟؟؟؟


في رايي ممكن تتبعين خطة طواريء ان تنوجد فتره فاصله في حياتكم كل واحد يراجع حساباته وينظم اوراقه. اتفقي وياه ان تنفصلون انفصال تجريبي مؤقت وتسيرين بيت اهلج وهناك تحاولين ترتبين حياتج من دونه وهو نفس الشي وقولي للناس انج تعبانه من الحمل وما عندج خدامه فييتي عند اهلج منعا للقيل والقال.انا لاحظت انه نوعا ما يتغير اذا ما انوجدتي جدامه وحس بالنقص لعدم وجودج. وبعد المده المحدده اذا حسيتي ان حياتكم مع بعض قابله للاستمرار وهو بغى يرجعج حطي شروطج وجدام حكم من اهلج وحكم من اهله ومن ضمنها توفير النفقه والإجازه العائليه والمواصلات وغيرها وشي ثاني مهم الإستشارات الزوجيه وتسيرونها مع بعض قبل حتى ما تردين للحياه الزوجيه لأن صعب ربط الجرح وهو مجرثم قبل تطهيره وتعقيمه لأن بيستشرى المرض وبيتفاقم وهذا اللي فعلا حصل.

الملاحظه اللي لاحظتها على زواجكم ان ما انعطى فرصه انكم تفهمون بعض وفيه حلقه مفقوده.وصدقيني اختي انا متابعتنج واحس انج صغيره ومتلعوزه في شغل البيت وحمل وربى وصارت هذي كل اهتماماتج للاسف من غير ماتحاولين تكسرين هذا الروتين المحيط فيج للأسف.



وابصراحه يااختي الحياه الزوجيه تستحق انها تنعطى فرص متعدده علشان تتحسن اكثر من فترة ال3 سنين وال3 عيال.

عليج بالإستخاره والله يوفقج ان شاء الله

مهـmaha ـا
الله يعينج لو جربتي اللي جربته
وأحاول أغيره ولكن يأست والله يأست منه :(


فجر 2005
يعلم الله يا أختي انه من أول مولود وأنا قلت ستوب والكل قالولي وقفي ولكن ربج راد انه يزيد بلاي بالعيال .. الولد الأول وبعده وأنا في الأربعين حملت وأجهضت وبعدها على طول حملت بالبنت وبعدها منعت ولكن حملت على المنع :(
وصرت ما أثق في الموانع مرعوبه من الولادة المنتظرة وأفكر فيما بعد الولادة كيف أمنع نهائي يمكن أربط أفضل


ام الصالحين00
تطلبين المستحيل أنا بركان من الغضب المتأجج والله سنين من الظلم اللي ما أتحمله وتحملته مرغمة ولكن تتوق نفسي للفرار
أحبب العيال في أبوهم والأبو في عياله لكن ما أقدر أحببه في البيت والأسرة يعني وقته ملكه هو ونحنا مانا عليه حقوق


الدوده اللهدووده
لا هو بعيد عن الله كل البعد يصلي مع الناس لكنه في واد والصلاة في واد
يؤخر صلاة المغرب لأنه في القهوة ولو سار مكان مشوار طويل بالسيارة ما يصلي ولا فرض
يشغل القرآن ولا يسمع حرف ولا ينصت بس عبثاً يشغله

كيف أقربه مني أول عشان أقدر أقربه من ربه !!



شوكلاته جالكسي
اللهم آمين .. جبرتي بخاطري الله يوفقج


الباب المفتوح
من أول الزواج وأنا أفكر وطلبت منه الاجوء لأهل الاختصاص ولكنه رفض يشوف كل شي أقوله وأقترحه سخيف :(
وأشكرج على النصيحة أول مرة أسمع ان الإستغفار ممكن يحل مشاكلي أما عن الصدقة فالحمدلله بما أستطيع

حبيبتي ام ميثا المثل المصري يقول ظل راجل ولا ظل حيطه
يعني اعتبريه شر لابد منه
والان انتي في وضع صحي مايصلح تتخذين قرار تندمين عليه
وبعدين بدل ماتطلبين الطلاق وتفرقين العيال من ابوهم اعتبريه مات او اعتبري نفسك في هالفتره مطلقه حتى ترتاحين خلاص شيليه من بالك لعاد تفكرين فيه يعني جاء او ماجاء عاااادي
يكفي ان العيال يحسون بأبوهم ويحسون احيانا بوجوده لاتحرمينهم من ابوهم وبعدين يااختي لو تشوغفين مصيبت غيرك والله انها تهون مصيبتك وتشكرين الله اصبري اختي على مابلاك
واحتسبي الاجر

الله يفرج لك ويفتح علي قلبك وقلبه.....
إنتبهي أختي ترا هذي بتكون الطلقة الثالثة ما بعدها رجعة...و ما دام رجعتوا لبعض قبل كذا فمعناته فيه حب وقبول...زوجك واضح جداً إنه يهرب من البيت وأنت ما شاء الله لا قوة إلا بالله جايبة ثلاثة في ثلاث سنين>>>>>>علمي نفسك...
لأ من جد أنت عليك ضغوط عندك طفلين فوق بعض وحامل و نفسيتك تعبانة لأنك حاسة بالإهمال من زوجك و الحرمان من العاطفة...بس يمكن هو يبعد عشان ما يبي يحتك فيك و يحدث المحظور...


أنت هالحين في مرحلة الخطر....رجاءاً عشان أخت لك محبة مرت بنفس اللي أنتي تمرين فيه...أرجوك روحي طبيب نفسي أو سوي استشارة زوجية...

كلام العقل يقول إذا أنتي ببيتك وقادرة تربين عيالك لا تفكرين بالطلاق...حتي لو إتطلقتي هالحين و صار عندك فرصة ثانية للزواج بتتركين عيالك وتبدين من جديد..أشك في ذلك لأني أحسك أم حنونة وعاطفية ويمكن هذا اللي مخليك مضغوطة بهالشكل...

هدي أعصابك و إذا تقدرين تسافرين مكان هادئ لحالك من غير الأطفال روحي ...حطيهم عند أمك وروحي ..ما راح يضرهم تركك لهم قد ما بيضرهم إنهيارك بهالشكل...إبعدي شوي عشان تخف عنك الضغوط شوي..

الله يهدي سركم ويحفظ لك عيالك و يهدي لك أبو عيالك ويسخره لك...
الله يفرج لك كربتك يا أرحم الراحمين....


لازم ترتاحين جسدياً و نفسياً عشان تهدي أعصابك أجلي أي قرار تبين تاخذينه لبعد الولادة..

اللهم إني أسألك بأسمك العظيم الذي إذا دعيت به أجبت أن تنزل سكينتك علي أختنا و تلهمها طريق الصواب..يا رحمن يا رحيم يا رب العالمين
يا ولي الصابرين يا رب...

ياعيوني الله يعوضك خير..

والبنات ما قصروا..ماتركوا شي..جزاهم الله خير