اختي ام ميثاء
الاخوات ما قصرن
لكن انا بقولج تجربتي انا عايشه مع زوجي من تسع سنين وما عندي بيت ساكنه مع اهله وعندي ثلاثه عيال زوجي مش مسولي اي اعتبار مخلني زوجه للفراش ولتربية عياله يهيني عند كل حد ويباغم وينازع حتى في السوق ولا يوم كلمني بهدوء على اتفه الاسباب يعصب والبيت مثل الفندق للنوم فقط لاغير حسيت بالإهانه وعدم الاهتمام من كل النواحي وزعلت قبل العيد ورحت بيت اهلي (مع العلم انهم ما يدرون الي يصير الا من رمضان ) وخلاص ما كنت اقدر اتحمله ولا اشوف وجهه يتني حاله نفسيه اكلم نفسي مثل المجنونه بسبب المشاكل ... وربي ارسلي وحده من صديقاتي القدام ((وطبعا خواتي في المنتدى ما قصرن جزاهن الله خير ))وقالتلي يافلانه هذا كله ما بينفعج لا زوج ولا أي شخص بتنفعج صحتج اهتمي بنفسج وعقي الهموم ورا ظهرج قوي ايمانج بربج حتى لو تخصصين ساعه قبل الفجر وادعي ربج انه يهديه وييسر امورك وساعه يوم الجمعه واكثري من الاستغفار والاذكار وقراءة سورة البقره يوميا بعد صلاة الفجر وكان العشر الاواخر من رمضان ومن اول يوم حسيت براحه وسكينه ورجعت البيت بعد العيد باسبوع وطنشت كل حد وزدت اهتمامي بنفسي وبعيالي ودراستهم ...
اذا غلط علي ما رد عليه اطلع برع البيت اتمشى وابتعد لين اهدأ الحمد لله انا حالتي الحين احسن .... ومازلت مستمره ... صدقيني يالغاليه انه ازواجنا مقصرين بالناحيه الدينيه ما يفكرون بالاخره لا هتنهم دنياهم ما بيدنا إلا الدعاء وكلي امرج لرب العالمين واتعوذي من ابليس وخوزي فكرت الطلاق من بالج علشان عيالج ..والله يوفقج

الله يفرجها عليج أختي , والبنات ماقصروا كله ولا الطلاق , فكري بعيالج , وادعي ربج

بقولج نصيحه , أول شئ شلي كل الصور اللي في بيتج , بعدين اذا تشغلين أغاني وموسيقى

طول اليوم في بيتج استبدليها بأذاعة القرآن , أوشغلي شريط قرآن طول النهار في بيتكم

وداومي على قراءة سورة البقره يوميآ قبل النوم , قومي الليل ولو بركعتين . وادعي ربج

في جوف الليل , أن الله يهدي بوعيالج ويسخره لج, استمري على هالشئ وسبحان الله

بتحسين براحه وتغيير في حياتج , يالله ابتدي من الليله وخبرينا عن النتائج بعد أسبوع


وكرري هذا الدعاء>>اللهم ارزقني وقنعني بما رزقتني وبارك لي فيه<<

والله يهدي ريلج ويرده لبيته وعياله.

رحوووبه
خليصية
راعيت البوش
&عيــ عبودي ــون &

كلامكم كله صحيح مليون بالمية ولكن !!!
فلنفرض جدلاً ولو اني ما أتوقع هالشي ان الله -سبحانه القادر- هداه وسخره لي هل ممكن أسامحه وأنسى وأنا محد على وجه هالأرض جرحني غيره!
محد حسسني بالخوف والرعب كثره
محد في هالدنيا أعطيته وأنكر وتفانيت في حبه وخان وأخلصت له وباع
محد في هالدنيا كلها غيره هو اللي توقعت انه بيستر علي وفضحني جدام أهله وأخوانه وافترى علي للأسف بغير الحق
محد حقر من شأني أبداً إلا هو
كيف أقدر أنسى اليوم اللي اكتشفت فيه خيانته وبدل ما يحتضني ويطبطب علي صدني وشلني وأنا حامل ببكره وعقني في بيت أهلي ولا سأل عني .... لا وتمادى وأخدته العزة بالإثم وقام يكابر على نفسه
حط لرجعتي بيتي شروط جني أنا اللي خنته مب هو !!
شو تتوقعون من إنسانه طعنها 50 طعنه في الصميم


من يوم ما اكتشفت خيانته وأنا فقدت الرغبة في الإستمرار وخاصة انه ما حسسني إلى اليوم بأنه ندمان بالعكس عندي شعور غريب وقوي بأنه مازال يخون
وأعرف بعد انها علاقة رخيصة جداً مجردة من الحب لأن زوجي العزيز ما يعرف يحب إلا نفسه ولكنه يخون لمجرد الخيانه ولأنه الشيطان دايماً يزين له الحرام .....

من ذااااك اليوم وأنا نسيت اللي الإنسان اللي حبيته وبنيت آمال على حياتي وياه
وصرت بس أفكر في العيال وكيف بقدر أربيهم وكيف بقدر أتعايش وياه وخاصة ان الطلاق عند أهلي مستحيل وهو من النوع اللي يحترم أبوي ويعمل له ألف حساب
وهذا ما زاد الطين بلة حسيت انه وجوده معاي واستمراريته مب لشخصي والدليل انه مب معجب في شخصيتي أبداً ولا شي يعيبه من صفاتي
وهو من الرجال اللي ما يهمهم الشكل والمظهر كثر ما يهمهم الجوهر الروح وروحي ما عيبته بالمرة









أحس اني منهارة وأحتاج للطب النفسي والله قمت أعظ أصابعي من الغيظ وأحياناً وبلا وعي أضرب أطفالي الصغار وأصارخ عليهم من حالتي النفسية الأرف
وهذا السبب اللي أبغي من أجله أنفصل لأن أطفالي مالهم دنب يعانون

قبل لا تنفصلين.............



روحي لطبيب لا تقعدين تقولين محتاجة طبيب و أنت في مكانك....

خذي هالخطوة الجريئة وروحي لطبيب...



الله يختار لك الصالح



و الله حاسه فيك لأني مريت بنفس ظروفك وأقسي بكثير....


يمكن هو ما يستاهل...بس عيالك وأنتي تستاهلون


وإذا أنتي أعطيتيه مية فرصة قبل...خليهم مية وواحد وش بيضرك

جربي طريقة رحوووووبة ...تدرين أنا ودي من قلبي إنك تنجحين لأن تجربتنا متشابهة..ما أبيك توصلين لنهاية الطريق بدري..بس أنت عندك ميزة (البيت) عندك بيت تأخذين عيالك فيه بحضنك وتنسين الدنيا حاولي....وأتمني لك النجاح عشان أحس أنه فيه أمل....


الله يهديك للي فيه صالحك وصالح عيالك