PINEAPPLE
نويت وعقدت العزم خلاص 101 تفوت ولا حد يموت :) ومن باجر بدور طبيبة نفسية



ياريت لو بنات دبي يفيدوني


ام خلفوه
أشكر مرورج أختي

:)
:)
:)

الله يوفقك و يساعدك و لا يخيب لك جهد


من قلبي أتمني لك كل الخير والتوفيق


يا ويلك بعد أسبوع تحطين موضوع من هالنمونة :30:


تري أول طيارة رايحة للإمارات بأجيك فيها

الله يسر لج امورج يا الغالية.. والله اني احاتيج...

توكلي على ربج... وخذي بالاسباب.. والباقي على رب العباد

الدعاء الدعاء الدعاء ..اخيتي ..والاستخاره قبل الاقدام على اي خطوه.

والله يسهل لك امورك ..ويسخر لك ..يارب

مرحبا اختي ان شاء امورج تنحل مع زوجك عاجلا غير اجل, شوفي اختي انا مرت عليه وحده تعرفيت عليها في دوره من الدورات وابصراحه انسانه بسيطه شكلا ولبسا بس عندها ثقه كبيره بنفسها لدرجة انها اتميزت بين الحضور, ما أطول عليج اتعرفت ع الحرمه وعرفت أشياء عن حياتها حابه أخبرج عنه.

خبرتني البنت انها من أهل بوظبي وريلها يايبنها لهذي الدوره اللي تستمر 3أيام بتكلفة 1200 درهم ومسكننها واحد من أحسن الفنادق ومتحمل من عيالها في فترة عدم وجود امهم...... استغربت ما شاء لأن ريلها متفرغ لها هذا التفرغ التام.

خبرتني انها كانت عايشه ويا زوجها أسوأ حياه واللي زاد الطين بله انها ساكنه وياأهل زوجها اللي يالسيلها ع الدقه ومنكدين عيشتها وطول الوقت يشوشون بينها وبين ريلها. البينه صبرت على اذاهم ومعاملة الزوج القاسيه اتقولي لو يموت ولده احذاله ما نش من مكانه كانت اتقول حتى يوم ريلها زين وياها وما شي مشكله ما يكلمها لمدة 3أيام يعني يالس في الحجره بس دون اي كلام الصمت الرهيب.

كبروا عيالها وظروفها ما زادت الا سوءا ووصلت مع ريلها لحافة الانفصال واللي زاد الطين بله ان ريلها كان يكلم وحده وقايم بشؤونها لدرجة الصرف عليها لا وجدام زوجته يعني بدون اي احساس بالذنب ولا تقدير لمشاعرها.

البنيه كانت على شفا انها تدخل مستشفى الأمراض النفسيه من كثر الضغط عليها لدرجة مصخ ريلها في عينها واهملت نفسها لأن شافت مامنه أي رجا.


لين اهنيه والقصه حزينه, وسط هذي الضغوط والمشاكل سمعت عن دوره لمدة 10 أيام للدكتور النجار والدوره نوعا ما مكلفه في هذاك الوقت هي كانت ماتعرف شي عن الدورات ولا عندها فلوس حتى دبرت واستلفت عشان ناس من اهلها دخلوها وحاولوا يشجعونها علشان على الأقل تنشغل في شي.

بعد دخولها هذي الدوره عن البرمجه العصبيه اللي ما أقدر اوصفلكم شكثر فعلا برمجت حياتها وحياة زوجها وعيالها وحتى ام زوجها تعلمت تقنيات للتعامل وياها. الزوج نفسه قدرت تغيره 360 درجه لأنها تعلمت تكنيكات نفسيه للتواصل وياه لدرجة تقول الحين أباه يسكت ويفج عني شوي مليتكثر ما هو لاصق فيني.

استمرت الحرمه اتطور في نفسها بدعم تام من زوجها وتحضر مختلف الدورات المتاحه لها يعني تصك من بوظبي لدبي علشان تستفيد.

قصه طويله بس كنت حابه فيها ان ابينلج ان لا يأس مع الحياه ولا حياة مع اليأس اعزمي التغيير الذاتي أولا حبي نفسج وطوريها وصدقيني دورنا كأمهات نأكل ونشرب عيالنا واااايد ضروري بس اللي أهم منه ان نبني نفسنا قبل وانطورها علشان نقدر نتواصل مع الآخر اي كان.


نصيحه أخيره في شريط واااايد فادني في لحظات الضعف الانساني والضيج أنصحج تسمعينه وبسرعه اللي هو التغلب على ضغوط العمل للدكتور نجيب الرفاعي....مع خالص دعاءنا لج.....