الله يكون بعونك ام ميثا ويفرج كربتك

من قرأت موضوعك القديم والمشاكل اللي مع زوجك وان ادعيلك

الله يكون بعونك ...
والله البنات ما قصروا وكل وحدة ردها أحسن من الثانية تحسين أنهم ما شاء الله شبعانين خبرة وفهم في نفسيات الرجال ..

حسيت فيك عزيزتي ودعيت لك , وترى الفترة هذي ( الحمل ) تكون نفسيتك فيها تعبانة وقابلة للانفعال ..انا مثلا فترة الحمل تقلب نفسييتي وكذلك الاسبوع ما قبل الدورة ..والله تقريبااني كل ما جاء هذا الأسبوع بدأت المشاكل معه وأحس أنه إنسان قاسي وأني ما أقدر أتحمله و....الخ
وبمجرد ما تنتهي هذه الأيام ارجع طبيعية وتتغير نظرتي له إلى العكس تماما وهو ما غير ولا شيء في طريقة تعامله معي !!!
يعني نفسياتنا تلعب دور كبير في الموضوع ..والرجال مشكلتهم ما يقدرون ولا حتى يدرون عنا ..
ما رأيك أن تتفقي معه انك تروحين لبيت أهلك فترة أسبوع مثلا أو أكثر إلى أن تتحسن نفسيتك , بس لا تسوينها روحة زعل .. لا قولي محتاجة راحة وبروح أقعد عن اهلي كم يوم ..وهوبيفهم ... وإذا رحتي لا تسألين فيه حتى لو ما سأل عنك ...

والعيال إياك تتهاوشون قدامهم , تتاثر نفسياتهم ويتعقدون ويكرهون ابوهم ويمكن حياتهم لا سمح الله ..حاولي تمسكين نفسك عشانهم وبس .

الله يفرج همك ويوفقك وييسر أمورك ويسهل عليك وتولدين بالسلامة .

الله يوفقج يالغاليه .. بس ارجوج اصبري واتحملي وكل ما تعصبين توضي لأنه الماء يطفئ النار والغضب إلي بداخلك .. الله يفرج همج ويوفقج وييسر أمورج

والله تعبت من هالعيشة مب قادرة أواصل أحس بالإنهيار
استويت نار أحرق كل حد يقرب مني وحتى العيال بديت أضربهم بس أبا أبرد حرتي وقهري

هالحرب ما أقدر أخوضها ما أقدر أضحي عشانه بنفسي وشبابي وبعيالي
أصلاً ما يستاهل التضحية
بس المصيبة وين أسير !
منو أكلم
كيف أتصرف وأهلي رافضين الفكرة أساساً
عندهم أموت بهمي أهون من اني أتطلق بس لمجرد انهم رافضين الطلاق
رافضين الحلال ويشجعوني عالحرام أني أجذب عليه وعلى نفسي !! هل هذا الحل

23 يوم مروا وهو معتزل في الدور الفوقي
لا يصرف على البيت ولا اييب حتى شي حق عياله
مراجعات العيادة طنشها
الأدويه طنشها

في الليل يقفل الباب على عمره ليش تعتقدون؟
قافل السيايير ما يباني أفتش وراه
دس كل المفاتيح اللي في البيت هو يرقد والباب مقفول ونحنا لا
عياله يضيج منهم ياخذهم شوي يوم يدخل البيت وبعدين ينزلهم تحت وهم أصلاً ما يبونه
كارهينه وهو مستغرب من هالشي شو يتوقع يحبونه وهم حتى ما يعرفون منو هو !!

أنا تعبانة ومقهورة قمت أضارب كل حد يكلمني
وعيالي يعانون من معاملتي اللي تغيرت



أفكر أطلع من البيت
أبا أشتري لي بيت صغير وأعيش فيه
لكن أهلي شو أسويبهم !!
الأهل اللي من أولها ما انصفوني وطلعوني أنا الغلطانه ونسوا يحلون مشكلتي
الأهل اللي عندهم موتي أحسن من الطلاق
الأهل اللي ما يعترفون بحقوق الحرمة
واللي رافضين فكرة سكني بروحي
وصدقوني لو طلعت ما بيطلقني بيخليني معلقة سواها أخوه قبله معلق حرمته أم ولده من سنه ونص ألحين في بيت أهلها طامح
وهذيلا معرسين عقبنا بسنه !!

أدري في البدايه بتعب وأنا أدور البيت وأثثه بس بعدين برتاح يكفي اني ما بشوفه جدامي وبنسى همه
أما تربية العيال فأنا شالة همهم من يبتهم بروحي ما بيتغير شي

ياقلبي ياام ميثا .. حسبي الله على الظالم :(

والله لو بيدي شيئ كنت قولتلك لكن مابيدي غير الدعاء ..

استخيري واذا طلاقك فيه خيره تطلقي .. واهلك اكيد ماراح يرموكي بعد ماتتطلقي ..

انتي لاتقوليلهم على اللي ناوية عليه ..

والله قلبي يعورني اول مرة انصح وحدة انها تتطلق :(

استخيري وربي يكتب لك اللي فيه الخير ..

لا حول ولا قوة الا بالله