انا اشجعك وبقوه لكن مو عشان خاطر زوجك عشانك انتي عشان ترجع ثقتك بنفسك وعشان تحبي نفسك غيري لنفسك مو لاحد .. سوي رياضه ورجيم واهم شي يحون الرجيم صحي عشان ما يخرب وجهك ويبهت ...ست شهور ان شاء الله ويكون جسمك حلوووو 🌝

والله رجال الي يدور الجمال زي الي يبي قصر جديد وكل ماتغير الجمال راح يدور غيره كأنهم حيوانات بس يتبعون رغبتهم ماعليك اختي سوي رياضه وتجملي وطنشيه

الين متى الوحدة تجلس ترضي فيهم طيب الوحدة الان شباب ونشيطه بتسوي كل شي رياضه رجيم وبكره لو كبرت او مرضت وترهل جسمها وزاد وزنها كيف بترضيه وهو خلاص تعود على جسم معين طول فترة اهتمامك ومحاولة ارضائه ياقلبي اهتمي بالاكل الصحي والمشي السريع اقل شي نص ساعه باليوم بس عشان تحافضي على صحتك مو عشان ترضيه وبلاش من الرياضه المتعبه تكبير المؤخره وووووو لان مع الوقت بتملي منها وتسيبيها اما المشي ماراح تملي منه راح تتعودي عليه حتى لو ماتيسر لك المشي برا امشي بالبيت وحددي وقت كل يوم زي الفرض عليك

على اساس جسمه مثالي وسمبتيك !!

مشكلتك ياختي انعدام الثقه في نفسك

وبس قال لك جسمك فيه وفيه صدقتيه على طوول وضربك وسواس تبحثين عن عمليات عشان تصيرين منيكان

برأيك اذا بيتزوج عليك او يخونك عشان جسمك ما اعجبه ؟! اكيد لا واساساً هو مجرد يحط اعذار وحجج وبقلة ثقتك في نفسك تعطينه الضوء الاخضر يتمادى معك

يعني بالله عليك المتزوجه مايخرب جسمها من الحمل والولاده والرضاعه ؟

ماتتغير بشرتها وشعرها مع مرور الوقت وضغوط الحياه ؟

خليني اذكرك بإن اللي يحبك وشاريك هو اللي يقبلك بكل مميزاتك وعيوبك بل ويداري مشاعرك ويتغاضى عن سيئاتك عشان تستمر حياته معاك

لكن اللي معدنه رخيص ونذل يتزوج ملكة جمال واخلاق واصل وفصل وبمجرد ماتمرض او يحصل حادث يشوه جمالها او تفقد احد اعضاءها راح يتخلى عنها ولا كأنها عاشت معه على الحلوه والمره وصبرت عليه

اما اللي معدنه اصيل وطيب مهما يحصل لزوجته ام عياله يساندها ويوقف جنبها ويعاملها بالموده والرحمه


هنا الفرق .. هنا تقدرين تحكمين على الرجال الحقيقي

نصيحه يا اختي لا تلعبين في جسمك وتعرضين نفسك لخطر الالتهابات والسرطانات عشان رجال مادرى عنك ولا حط لك ادنى احترام

كوني واثقه من نفسك راضيه بخلق الله ومايمنع تسعين لابراز نقاط جمالك وتحسين جسمك بالتمارين والغذاء الصحي بدون تفريط وارهاق نفسك

تأكدي ان مشكلتك الاساسيه هي ضعفك وضعف شخصيتك وقلة ثقتك بنفسك فقط حليها وبإذن الله ترتاحين

الله يجزاكن خيرر
والله زوجي حبيب وطيب ولي معه 10 سنين ماعمره نقد علي
لكن بعد الوتساب ورسائل بعض اخوياه الي كلها حريم واجسام وارداف وهو متفتتتح لها الامور بشكل
وحتى انا بعد ابيه لنفسي حتى ارتاح نفسيا من البطن ومحد يلقى درب