قولي لزوجك يرفق فيكم وذكريه بحديث الرفق....

بعدين أتفقي مع زوجك إذا بيكلم البنت أو بينصحها يكلمها بحنان وأدب عشان تسمع الكلام وإن سمعت الكلام يثني عليها بخير...

لاتطلعي من بيتك ..إجلسي معاه بجلسة لوحدكم..يابو فلانه لجيت تنصح بشوي

وتكفى ترفق فينا كلمنا بهدوء بدون صراخ ...الله يهديك ويصلحك.....

شفتي موضوعك انتي اللي كاتبته فوق انتي تعاني من هالزوج ولا زم تضعي حد الموضوع

ايه شفت موضوعي جبتيها ع الجرح


بس الزواج مو بهالسهوله اقدر اتطلق واعيش حياتي مهما كانت الحياه قاسيه بتكون صعبه على المطلقه ومعها اطفال وانا ماعندي وظيفة ولا دخل اقدر اعيش فيه


صحيح اهلي شايليني شيل ومرحبين فيني لكن ماعندي مكان خاص بيت اهلي ولا ابي عيالي يزعجوهم


قرار مصيري وصعب


ناس تقولي شي تافهه صبري وسايري وتحملي وتمشي الحياه
وناس تقول لا لازم يوقف عنده حده


وانا محتاره وضايعه مدري وش اسوي

نصيحه تعوذي من ابليس واذكري الرحمن
وحبي راس زوجك دامه مصلي وخايف من رب العباد
غيركه لاهي ومو داري عن هوا دار اهله
احمدي الله واخزي ابليس

حالته الماديه ضعيفه وفقر وحرمان وهذا مو عيب امر الله لكن يطينها تغطوا تستروا هذا يبين ذاك طالع ماماتوا هالاشكال اول انتي الحين بناتك نفس الموال تغطوا تستروا كذا يضعف ثقتكم بانفسكم ويضعف اسرته ويخليها كانها مشكوك فيها عيب والله عيب يكسر اسرته بالكبت يمكن قاعد يغطي على نفسه . ارجوك لاتسايرينه ولاترضين بالمذله هذي رجعه لاترجعين الا لين يحط حد لمهزلته وشرطك الوحيد سالفه يتكلم كلمه او يعلق تعليق واحد على حجابك بتكون النهايه بينكم . اذا تتغطين لبسي نقاب عشان تشوفين بدون مكياج واذا تكلم ولا تفلسف صارخي وصيري زي المجنونه خليه يندم ويخاف وبناتك ان تفلسف في حجابهم وقفي في وجهه وغسلي شراعه قولي ذي سوالف حريم انت عليك شغل الرجال تشتغل شغل ثاني ثالث توفر فلوس تطلعنا ترفه علينا مو كانك حرمه . والله جد هالرجاجيل هم وغم ويبي لهم العين الحمرا . وقعدي بيت اهلك فتره ولاتردين على الجوال اذا يبي شي الكلام مع ابوك وقولي معيشني تغطي وتستري فوق هذا فقر وقحط وقهر وحرمان