معليش اعذريني على ردي اللي بيكون قاسي عليك
وخير ان شاء الله واذا رحتي لاهلك انتهت المشكله ي اما بياخذ عليك حرمة وتعيش عيالك بقياوه بجانب قساوة ابوهم المتخلف

وانتي بيرسل ورقتك زي السلام عليكم
احس اسهل شيء عالرجل انه لما يتزاعل مع زوجته مجمتع الرجال طق عليها بالثانية عشان تعرف ان الله حق والكل يشجعه ويشوفون انه رجال واللي يروح فيها الضعيفة المسكينة
اقول بلا اهلك بلا يحزنون تعوذي من ابليس واجبسي مع بناتك وش ذنبهم لا تركتيهم
والله ما يعطيك اياهم ويمكن يحرمك شىفتهم لانك بنظره امرأة ما تمشين على نظامه وانك بتفسدين بناته دامك تعارضينه في تصرفاته معهم
فكري ي اختي بعقلك واتركي منك العاطفة
رحتي لاهلك وبعدين تزوج عليك تطلقتي وقفوا اهلك بجنبك ما قصروا معك
طيب والعيال اللي عنده حابسهم وكابتهم عالاقل وجودك معهم يحسسهم بالامان وانهم عايشين بخير ونعمه
انتي اللي لازم تغيرين من اسلوبه اقراي عن طرق التعامل مع الزوج العنيد
داريه وغيري طبعه
اسمعي مني ي بنت الناس
جهزي غداك ولا عشاك وسوي ذاك الحلا ومعه القهوة اللي ريحتها تنعش التعبان وسوي قطع بيتزا
واستقبليه بريحة العطر والبخور والبيت النظيف
وياله حيه يا ابوفلان ولا دخل عليك احضنيه قولي ما تحيلت نفسي اروح واتركك
تعال عازمتك عالقهوة وتقهوووا وحطي ذاك العشاء وناموا ليلتكم والله تلقينه هو متوتر
انا عندي زوجي والله لو ايش من ايش ما يعتذر ولو انه غلطان بس انا اللي احيان اطنش ولا اكبر السالفه عشان تمشي حياتنا وي رب يكتب لنا الاجر

كان اقولك روحي لاهلك وخوذي كل عيالك
ورتاحي منه
بس حبيبتي مافكرتي زززززززززززين
انتي تترتاحين ولا تتريحين بناتك من هالابو؟؟؟!
اذا رحتي اهلك تترتاحين انتي بس
البنات راح ياخذهم لو طلقك ماراح يخليهم عندك لانه مخه مقفل واحد الدين عنده غلط
تبين واحد مثل مخ ذا يخلي بنات عند امهم لا راح ياخذهم وتصير حياة البنات جحيم في جحيم
اشد من اول
لاتطلعين من بيتك وجلسي وصلي صلاة استخاره
واقري سورة البقره كامله يوميا
الحين اقريها شوفي وش يصير لك راح ينشر صدرك وتحسين بنشراح فضييييييييع حتى السالفه تتغير عندك وتصير عندك تافهه وتهدى الموضوع
والله يالغاليه لو قريتي سورة البقره الحين راح يتغير وضعك حتى سبحان الله هو بعد راح تشوفين شي عليه
سورة البقره تطرد الشياطين من البيت فتحسين بشعور رائع ماعمرك جربتيه ولا راح تجربينه الا بعد القراءه
الشياطين هي تجيب الطاقه السلبيه في البيت فتحسين البيت مشحون ثقيل دم مشاكل تعب ارهاق كله من الشياطين تنشر الضيقه والنكد فيه
بس سورة البقرة تطردهم من البيت وتتغير حياتك
والله ماقولك من فراغ الا من شي حاسته وشايفتهزمع سورة البقرة
اقريها الحين كلها دفعه وحده
وابدي اقريها بعد صلاة الفجر
لانه الكل نايم ماحد يزعج ولانه مذكوة في القران فضل قران الفجر قال تعالى (ان قران الفجر كان مشهوداً)


ومع الحمل تصيرين حساسه وماتتحملين
ولو ولدتي راح تندمين تتقولين ليش ماتحملت ليش ماصبرت ليش ماليش لانه شعورك بالحمل غيييير عن قبل الحمل
تراني كل ماحملت صرت كذا وحالتي حاله واعيش بضيقه طول فترة الحمل ومنفسه وتذكر امور صارت زمان ورجع اسوي مناحه ونكد على نفسي واذا ولدت اختفى كل شي سبحان الله
انتي هدي نفسك وسوي اللي قلتلك عليه
وشوفي وشلون راح يتغير اليوم عليك وحتى زوجك يتغير بعد راح تشوفينه هادي بعد قراءتك لانه الله طرد الشيظان من بيتك ومن بينكم


ولا تنسين يالغاليه اللي زي زوجك مايثبت طول العمر كذا راح يجيه وقت ويتغير
اعرف اثنين زيه وبعد ماكبروا عياله وبناته غيرته الدنيا وخلاهم على كيفهم والله كانوا متشددين حييييل على بناتهم وزوجاتهم الحين خلوهم على كيفهم وصاروا غيييير
مانعين عيالهم من الدش والبناطيل والطلعات الحين كل شي جابوه ويطلعون لحالهم ويروحون وابوهم عادي عنده مايقول شي وكل بنت معها جوال وهي بالمتوسطه يعطونها ولا قبل لا
ارتاحي ونبسطي وادحري الشيطان ودعي الله يسخره لك ولبناتك
ادعي الله ادعي الله ادعي الله
امهاتنا صبروا على ابائنا سنين لحد ماتغيروا
دام زوجك مايضربك
مايسكر
ماهو راعي مخدرات
ماهو راعي بنات وزنا وسفرات
ماهو راعي شك فيك يجي فجئه لمك ويقول مدخله احد للبيت ليش حاطه روج اكيد فيه رجال والله وحده كذا زوجها وهي صابره


لذا ادعي له بالتسخير والله اقاربي اثنين تغيروا حيل حيل حيييييييييييل

مشكورين يابنات والله ما قصرتوا


حبيبتي بائعة المسك كفيتي وو فيتي الله يجزاك خير
والله يسخره ويحنن قلبه علي وعلى بناته يارب

انا طلعت عند اهلي واخذت بناتي معي ما خليتهم ومستحيل اخليهم مهما صار

مانعين عيالهم من الدش والبناطيل والطلعات الحين كل شي جابوه ويطلعون لحالهم ويروحون وابوهم عادي عنده مايقول شي وكل بنت معها جوال وهي بالمتوسطه يعطونها
مقتبس من كلام الاخت بائعة المسك




يعني عندكم اللي يرضى بهذه الامور هو اللي مش متشدد
الله المستعان
وفقكن الله لما يحب ويرضى