مشكورين يا بنات


بس انا ما سكت ياما تكلمت وقلت لاهلي وياما ابوي كلمه وامي واهله امه دايما تكلمه لما تشوف اسلوبه الفض حتى مع اخوانه بس مافي فايده وش اسوي


حاولت بشتى الطرق ولا تغير صعب الطبع والتفكير والعقليه هذي تتغير

شوفي انت مستحيل تعيشين مرتاحه مع زوجك ..
واتذكري كلامي لو بعد ثلاثين سنه وماغيرتي اتجاه حياتك..
زوجك صعب التعامل معه ومستحيل الشخص الطبيعي يتعايش معه..
لازم تعيشين معه على اساس انك ميته او هو يتغير وهذا مستحيل
او انك تصيرين وقحه جدا جدا جدا معه وهذا اللي ماراح يرضاه بس راح ينطم ويسكت عنك بعد ماينصدم وتصير مشاكل بينك وبينه..
او تشترين راحتك وتطلقين بس بناتك بياكلونها معه..

انا مدري وين حنان الامومه الي خلقه الله بقلوبكن يالي تقولن عادي وكبرتيها عويذ الله من كل متشدد وقاسي اذا الاب ماحن على بناتوه وين بيلقن الحنان والعزوه ؟؟ والي تقول الرسول قال اضربوهم لعشر مسويه تحجرنا بالزاويه بلسان الدين (الخلا بس) هذا للصلااااااااة عماد الدين واساسه والا رسولنا الي تتقولين عليه القسوه قال خيركم خيركم لاهله و قال رفقا بالقوارير سيد الرحمه والرفق الي وصانا عليه في سنته وكتاب ربه لاتشوهن الدين لعشان تتلزقن بالرجال مستعدات تألفن كتب في الذل عشان تبررن خبال الرجال و صاحبة الموضوع يوم انتس منتي قد الهياظ وش له الله يصلحتس تكبرينها ؟ اسمعي يمه هذه فرصتس انتس تثبتين انتس بنت رجال ماتنهان قد كلامها وهذه فرصة لتس ولبانتس تغيرين الوضع المخيس الي انتن فيه لو مو عشان نفستس عشان الي حطهن الله امانه بحضنتس لان لو تراجعتي هالمرة بتنكسر عينتس كل مرة للرجال به موقف واحد يثبت انتي تستحقين احترامه والا خبله وذليله وماتستاهلين منه الا دق الخشم زوجتس واضح خاف من التهديد والدليل انوه قال انا اوديتس يبي يلوي دراعتس لكن جربتي كل الطرق جربي هذي كود انها الي تكسر ظهر البعير ؟ لين قلتي شي خلتس قده رجال عمروه ماحب ولااحترم الضعيفة وبنتس امانه عندتس بكرة لاكبرت معقده والا انضحك عليا بحنية من برة بيتس بتلومين نفستس ومااااينفعتس لوم موضوعتس مشكله تحتاج حل قوي و رادع والا بتعيشين كل عمرتس بنفس الشكل لاشفتي هدوء ولا رحمه ولاحنان ولاحتى عيشة اوادم طبيعين كنكم حيوانات كرمتي يمشيكم بالهش

خلاص بنات كلمت اخوي والحين جاي ياخذني وبروح اقعد عند اهلي وبشوف وش يصير


ان شاء الله طلعتي من بيتي تغيره مع اني ما اتوقع ينزال جبل ولا ينزال طبع

^
^
كويس سمعتي كلام ابوك وحتروحي عندهم
زوجك لازمة تأديب
خلي التصرف والحل والربط بيد اهلك
واول ما تدخلي بيت اهلك قفلي جوالك عشان لا يرسلك او يكلمك ويضغط عليك
خلاص التفاهم كله يصير مع ابوك