الله يعينك عليه وانتي سوي اللي تقدرين عليه وهو خليه يجيب من برى كذا صنف والله يكتبلك الاجر على تعبك

خربي عليـهہ‏‏ العزومـهہ‏‏ وسـودي وجهہ‏‏ عند ربعهہ‏‏😈😈
يـسـتاهہ‏‏ل عشـان المـرهہ‏‏ الجايـهہ‏‏ يـتعلم يـخبرگ قبل ب ايام😑

احنا بطلنا عزايم الفطور من زمان تعب خلاص كل واحد يفطر في بيته احس ماتو اللي يعزمون ع الفطور العشاء والسحور يمكن نتعازم بس

تعرفين وحدة من أسوء صفاتنا يا الحريم اننا نستبق الأحداث .. ونخانق ونزعل ولسه أصلا الشيء ما صار .. يا أختي اسكتي عنه واصبري .. انتي تدرين شو بيصير في رمضان ؟؟ بيقول لك بروح افطر مع امي وأهلي وانتي عليكي تسوين صينية وتروحين معاه .. يا اختي لا تخانقين والشيء ما صار .. ولا تفتحين على نفسك باب انتقاص من الريال وهو بعده ما حطك في الموقف .. وصدقيني ترا فطور 20 شخص موب بالشيء العظيم اللي تتخيلينه .. أنا يوميا اسويه في رمضان وكنت نفاس وبنتي في حضني وادخل اجهز وفي النهاية اطلع ببياض الوجه الحمد لله .. انتي احسبي حسابك مفرزنات و صواني وأكل من المطعم .. وأشيا سهلة .. يعني لما يقول لك اليوم بيفطرون عندنا جماعة .. قوليله مرحبا بهم والله يأجرك على افطار الصايم .. محتاجين هالاكل من برا .. وبيجيبه صدقيني بالكلمة الطيبة .. وانتي اقلي لك كم شيء مفرزن وسوي لك صينيتين معكرونة وطبق جانبي .. وكان الله غفورا رحيما يا اختي بالكلمة الطيبة وبانك توصلين له فكرة انك ايده اليمين بتلاقينه يساعدك .. لا تفتحين الموضوع مرة ثانية وتوكلي على الله

الحمدلله زوجي مايعزم

احنا ننعزم بس 😂

الزبده سوي شوربة وسلطة وعصير مع الطبق الرئيسي

مثلاً بيتزا او محاشي

وصلى الله وبارك

وترا الرجال مو مثلنا الحريم

مايدققون كم صنف موجود على السفره وشنو حطيتي ماحطيتي

اهم شي يزطون من الموجود ويقولون اكرمك الله يافلان ويمشون