سؤالى عن طريقة المنسف

اذا بدك المنسف الاردنية أنا عندى الطريقة

هى دى الطبخة اللى بدك اياها؟

ياريت أخت zeireda تفيدينا لأني بعد أريد الطريقة
وتسلموا

اختي السلام عليكم انا فلسطينيه وراح اكتبلك طريقتي بعمل المنسف ,,الطريقه هي واحده مع احتمال اختلاف بسيط من بيت لبيت وهذا يرجع الى ذوق من يطبخ الاكله
المحتيات
لبن جميد
خبز الشراك
رز مصري (حبته قصيره عنا بالبلاد نستخدم رز الصن وايت)
البهارات (حب هال شي خمس حبات ,بهارات مشكله او ما تسمى بالسبع بهارات ,فلفل اسود مطحون ناعم,ملح )ورق غار
سمن بلدي
لوز وصنوبر للتزيين
ثومه مقطعه ناعمه للقدحه
لحمة خروف شقف

اول شيء نقوم بسلق اللحمه وقومي بازالة زفرة اللحمه اول باول انا بصراحه بعد ما اشيل منها الزفره اقوم بكب الماء منها كله واقوم بغسل اللحمه واضع عليها ماء جديد واضع البهارات جميعها واضعهم بطنجرة الضغط انا اقوم بهالطريقه حتى اتاكد انه الدم راح من اللحمه والماء وهيك بتتشبع بطعمة البهارات وطبعا هذا راجع الك
اللبن الاقراص قومي بتحضيره من قبل بليله اي انك انقعيه بماء دافيء لمدة نصف ساعه طبعا بتكوني مكسرتيه الى قطع صغيرهوبعد ذلك قومي بكب ماءها لاول مره حتى الملح الزائد ينشال ومن ثم انقعيه مره تانيه واتركيه لتاني يوم
تاني يوم يوم الطبيخ اخلطي اللبن المنقوع بماءه بالخلاط ومن ثم اسكبيه بالطنجره وافسديه بماء مرقة اللحمه حتى ما يكون جامد كتير ولا سائل كتير بتكون جمادته وسط وضعي عليه اللحمه واتركيهم مع اللبن شي غلوتين والان بيكون اللبن جهز قومي بقلي الثومه الناعمه بالسمن البلدي وضعيها فوق اللبن
الارز قومي بطبخه كالمعتاد باستخدام مرقة اللحمه حتى يكون طيب طبعا مع تذوق ملوحة الماء ان كان بحاجه لزيادة
وعند استواء الارز قومي بوضع ملعقة صغيره من السمن البلدي على وجه الارز
الان افردي خبز الشراك بالسدر او المنسف وقومي بتشريبه باللبن وبعد ذلك اضيفي له الارز ومن ثم اللحمه واخر شيء قومي بتزيينه باللوز والصنوبر المقلي بالسمن البلدي
اختي ان لم يكن عندك لبن جميد اقراص وان كنتي مستعجله بتقدري تستخدمي لبن جميد الكسيح صناعه اردنيه معباء باكياس داخل كرتونه وما عليكي الا انك تفتحي الكيس وتضعينه فورا على النار وافساده بمرقة اللحمه ,
وانشاء الله تاكلونه بالهنا والعافيه وميت صحه وهنا وخبريني شو بيصير معاكي

ينقل من الساخنه لاطباق عالم حواء

اختي ام طوري اذا مافي اي مانع عندك اكتبي لي طريقة الروب العادي لانوا اهلي في الامارات ماعندهم الجميد وما اعتقد انوا الجميد موجود في البلد غير الروب العادي واكتبي لي بتفصيل الممل واذا زبطط معي الك دعو مني شكرا للاخت الي طرحت الموضوع