سؤال عن زفره اللحم وطبخه

السلام عليكم
كيفكم ان شاء الله بخير
بنات انا اعاني من مشكله ما اعرف اطبخ اللحم من اطبخ اللحم يكون مره زفر وريحته مرره شينه وما نقدر ناكله
انا اللحم اشتريه بدون شحم ما يكون فيه شحم نهائيا ولو فيه شحم اشيله واغسله بمويه وبعدها اخمره بخل ربع ساعه علشان يروح الزفر لكن للاسف يظل اللحم زفر وطعمه موب مقبول بعد الطبخ
حاولت اغرقه بهارات واحط معه كزبره وبصل وطماطم وادخله بالفرن ما نفع هالطريقه
حاولت اسويه مقلقل بالبدايه طبخت اللحم وشلت الزفر الي يطلع منه بالملعقه وبعده غسلته بمويه حاره وحطيت عليه البصل والطماطم والكمون وظل زفر وما قدرنا ناكله والله رميناه بالزباله
والحين عندي بالفريز لحم وحرام ارميه ونفس الوقت مشتهيين لحم وابي اطبخ اللحم بس مو عارفه كيف اشيل منه الزفر والطعم السيء الي يكون فيه
اول كنت اتوقع المشكله من المحل وغيرت المحل وماتعدل اللحم انا اول قلت اللحوم الموجوده ببريطانيا سيئه لكن لما اطلع اي مطعم واطلب لحم يكون لحمهم لذيد فعرفت العيب فيني وفي طبخي
فياليت يابنات تقولون لي كيف اطبخ اللحم واشيل منه الزفر والطعم السيء الي يكون فيه