الله يجزاكم خير يالغاليات
طريقتي بتجهيز البهارات هي
اخذ ملعقة حلبة
ملعقتين كمون
ملعقة صغيرة قرنفل
ملعقة فلفل أسود
وثلاث او اربع قطع شيبة
وثلاث اعواد قرفه
كزبرة ناشفة فنجان قهوة
اكون منظفتهم ومجففتهم
واحطهم في قدر واحطهم على نار هااااااادئة
وابدأ احمصهم بهدوووء مع التقليب المستمر
واول ما اشوف لونهم بدأ يتغير ابعدهم عن النار واتركهم يبردووون
اكون مجهزة كوب كمون كله طبعاً حب ومنقى ومنظف !
كوب كمون
فنجان قهوة فلفل أسود
قرفة خمس اعواد متوسطة الحجم
كزبرة ناشفة كوب
فنجان قهوة هيل
فنجان قهوة شيبة
2 ورقة غار
فنجان بصل مجفف وساورد لاحقاً طريقة تجفيفة مع الثوم !!
وفنجان ثوم مجفف
وفنجان شاي بهارات الكاري الخضراء المعتدله علامة السفينة
وملعقة ممتلئة ماجي أبيض
ملعقة سكر
اخلطهم كلهم مع بعض واضيف لهم البهارات اللي حمصتها واطحنهم نااااعم
واخذ جزء منهم اخلية خاص بالإيدامات المسبكة واضيف له
فنجان شوفان مطحون ناااااعم
واحطة في علبة لوحدة يكون خاص في الإيدامات يجعلها تتسبك
والطعم والريحة خياااااااااااااااال !
وطبعاً على طول في الفريزر واحط بجانبهم اكياس صغيرة فيها
بصل محمر
وطريقتة هي
اقطع البصل شرائح رفيعة وانقعة بموية وملح خشن لمدة نصف ساعة
ثم اصفية من الموية واقلية بزيت غزير
وبعد مايتحمر ويصبح لونة ذهبي او يميل للبني شوي
احطة على ورق نشاف واتركة حتى يبرد
ثم اجيب اكياس صغيرة
واحط كل استخدام في كيس واحطة بالفريزر بجاني البهارات
وكل ما استخدمت البهارات اخذ كيس استخدمة
لحشوات الرز
للرز الأبيض يعطية نكهة فظيعة
للإيدامات
للمكرووونة
للبيتزا
لكل انواع المعجنات
طريقتي في تجفيف الثوم والبصل
تقطع البصل والثوم حلقات صغيرة
ثم نضعة في مكان فية تهوية جيدة او مكان مشمس ونراعي أن نضعة في صحن كبير
ونفرش الصحن بمنشفة نظيفه ويكون متفرق فيها يعني مايكون متزاحم فوق بعض !
وكل فترة يعني في الصباح وفي المساء نحركة حتى يجف تماااااماً
وبعد أن نتأكد من جفافة نضعة في علب زجاجية او اكياس ونحتفظ فية
ومو شرط يكون في الثلاجة عادي حتى لو برى الثلاجة !
وعند الاستخدام نقطع بصل شرايح ونحمسه بسمن بري لين يصير بني غامق ونحطه عالجريش وهو حار ونرش عليه الخلطه عالوجه وشوفي الطعم والريحه
ولوتبين بهارات الجنوب ابشري والله ان كل جاراتي يطلبوني اجيبلهم