سؤال مهم للسيد " أخصائي تغذية" أو لمن يعرف الاجابة !

لاتنسى كثافة العظام

يمكن عظمك عريض

مدرى بس حبيت اشارك

اول شي صباح الخير

اخوي الطامح للرشاقه ... سلامات ماتشوف شر ...

انا مثلك رحت للدكتور محمد ربيع .. طولي 167 .. قال ان وزني المثالي المفروض 64
و طلب مني اسوي الفحص اللي قلت عنه .. و سويته بدار الشفا

التقرير يطلع لك نسبة العضلات بجسمك و نسبة الماي و نسبة الفات ...و طبعا الفات مو كله زايد .. التقرير يحدد ان هالكثر فات ضروري للجسم لازم حول الاحشاء ..يعني مفيد و هالكثر فات عندك زايد و لازم تنزله

و يعطيك جم المفروض وزنك المثالي و انا طلع لي وزني المثالي بين ال 77 و 80 ... و انا كنت رايحه للدكتور وزني 87

قلت قصة حياتي بس اللي عرفته ان الوزن يعتمد على وزن العظام و العضلات مو بس فات و هذا يختلف من شخص للثاني ( طلعت انا معضله وانا ما ادري )

يعني الجداول اللي تحسب الوزن المثالي غير صحيحه .. من تجربتي

انا لو يصير وزني 64 اصير مجاعه و هذا لاهو وزني المثالي ولا قاله الله ... انا بالوزن 78 البس سمول و كل شي كبير علي .. اشلون لما اصير 64؟

و بالنهايه هم انا ناطره معاكم راي اخصائي التغذيه بهالموضوع و اكيد رايه اهو الاصح

انان كمان يهمني جدا اعرف راي الاخصائي

اخوي الطامح للرشاقة حبيت افيدك في موضوع اليورك أسيد
انا كنت مسوية ريجيم كيميائي و لما وصلت الاسبوع الثاني كان تقريبا كله لحم يعني العشاء لحم و الغداء لثاني يوم لحم و كذلك العشاء
المهم حسيت بألم شدييييييييييييييييييييييييد جدا جدا جدا جدا جدا في مفصل رجلي اليسار و لما رحت المستشفى و عملت تحليل قالو لي انه زيادة نسبة الاملاح في الدم و نصحني الدكتور بالابتعاد عن التالي :
اللحووووم الحمراء
المكسراااااااااااااات
و عطاني نوع من الحبوب بس ما اذكر اسمه و كانت مدة العلاج شهرين
و الحمد لله بعد الشهرين رجعت للدكتور و عمل لي تحليل دم و كانت النتيجة الحمد لله

السلام عليكم الله يخليك أخوي ممكن تقول لنا أخر أخبار بذور الرجلة وهل أستمريت وكم نقصت عليها

مع جزيل الشكر