اللهم آمين

السلام عليكم
الحقيقه يادارييين انا مع رأى رواء
بصى انا بشتغل بس فعلا ده بيبقى على حساب اعصابى وتعبى
صدقينى لما الأم بتكون مثقفه ده بساعدها فى تربية ولادها تربيه جميلة برضه الشغل بيكون على مصلحة الولاد بتلاقى فيه جزء ناقص غصب عنك لأنك مجهده بتحسيه اكتر لما بيوصلو مرحلة الدراسه بيكونو محتاجين ليكى اكتر وانتى بتقولى عندك طفل عنده 9 شهور يعنى محتاجلك كتير والحضانات بتخلى صحة الاطفال تعبانه

وبالنسبة لثقافتك انتى انتى اقرى كتير وقت ماتكونى فاضيه اطلعى باستمرار على احدث حاجه فى تخصصك علشان متحسيش من جواكى انك اقل من زمايلك تبقى دايما متابعه
وبعدين ربنا هيجازيكى كتيييييييييير على وقتك اللى بتديه لبيتك ولولادك وهيعوضك خير

طبعا حتقولى غريبه انى بقول كده وانا بشتغل علشان قلت زيك كده بس صدقينى انا كتير جدا بكون تعبانه نفسيا وبدنيا فوق ماتتخيلى وممكن اصل الى مرحله عصبيه مع بنتى وهى محتاجانى اكون هاديه علشان اوصل لها معلومه صحيحة واقرب منها لكن بالعصبية والجهد الزيادة بحس انها بتبعد عنى وتلجأ الى اى حد تانى يعوضها الهدوء ده لأن بتعتقد انه بيحبها اكتر منى علشان مش فاهمه
ارجو ان ردى ميكونش تقيل بس صدقينى اسأل مجرب

اخت دارين....انا عرفتك من تجمعك مع المصريات وحسيت فيكي كتير مني الغربة وقلة العلاقات الاجتماعية اللي بنكون معتادين عليها في بلدنا بس هقولك شئ
انتي بتقولي زوجك بيشتغل فترتين....انا جوزي قبل مايترك عمله كان نفس ظروف زوجك واصعب كان ينزل من 8 صباحا ياتي بالليل الساعة 7 او 8 واحيانا 10
وانا مازلت ف بداية زواجي يعني بقعد لوحدي يوووووووووم طويل عريض وكان بييجي هو نص ساعة وينام
فانت احمدي ربك علي كل شئ....اولا انه رزقك بيبي جميل ربنا يحفظه لك اعرف ناس معانا في الغربة ليس عندهم اطفال وحياتهم الله يعينهم عليها
ثانيا....ان ربنا ميسر لكم رزق حلال ولازق البيبي دون الحاجة لاحد والله العظيم نعمة كبيرة احمدي ربك عليها مليون مرة
انا زوجي الان والحمد لله بيبحث عن عمل وعلينا ديون ومصاريف بيت ومصاريف ولادة ومعندناش شقة فبلدنا والحمد لله رب العالمين احنا افضل من غيرنا ملييييييون مرة انا بقول هذا الكلام عشان تعرفي انك احسن من غيرك كتير وليس شكوي او شي اعوذ بالله انما انا الحمد لله راضية جدا ونعمه علينا لا تعد ولا تحصي

بالنسبة للعمل...هتستفيدي ايه وانت ابنك هيبقي متشحطط تربيتك لابنك تسوي الدنيا وكنوزها والله
ولا تصدقي اللي يقولك من اصحابك"انتي هتبقي سطحية فين كيانك فين شخصيتك لو حصل اي ظروف فين لالاموردك الخاص"دة كلام فاضي لانك في بيتك ممكن تقربي من ربنا وتبقي مثقفة اكتر مليون مرة مما تكوني عاملة
ثانيا...الاسلام حفظ للمراة حقوقها في كل ظروفها الاجتماعية وربنا يبعد عنك اي شئ وحش

هقولك حاجة مهمة فكري فيها....مفيش حد بياخد كل حاجة
انت لكي اصدقء بيعملوا ولهم مراكز كويسة في عملهم...هل هما عندهم زوج بيحبهم متفاهم زي زوجك هل بينهم مودة وتفاهم ولا تعمل ند بند واللي بيخرب البيوت
دوري حواليكي هتلاقي عندك حاجات كتير مش عندهم مش شرط تكون مادية كفاية راحة بالك

ياريتك ياستي كنتي معايا في بلد واحدة واحنا كنا زهقنا بعض بس النصيب
يالا الحمد لله......احمدي ربناااااااااااااااااا

بصي يا دارييييييييين انتي حاسة بكده لأنك اشتغلت اصلا يعني لو كنتي تخرجتي وقعدتي في البيت من الأول وتعودتي ما كنتيش حسيتي الفرق، والحق انا حسيت زيك لما قعدت فترة الولادة وما بعدها واللي بتشتغل لو عرفت تنظم حياتها بتكون حياتها احسن اولا لها دخل مستقل ثانيا بتشوف ناس وبتوسع خبراتها غير الزمن زى صاحبتك ما قالت لك، حاولي تقنعي زوجك زى صاحبتك ما قالت لك بالراحة لأن بصراحة ايه يعني في اختلاط مع الرجل يعني عمرك ما هتكلمي راجل مش هتشتري حاجة من راجل خالص يعني وبعدين طالما في حدود الدين والزمالة ايه اللي يمنع

حاولي تتعلمي حاجة جديدة الخياطة مثلا وتفصلي ملايات وحاجات لنفسك، احفظي القرآن تعلمي نوع حلويات واتقنيه كويس وابدئي وزعيه على اصحابك اشغلي وقتك المهم

المراة تشعر بكيانها وذاتها من خلال عملها
لانها تشعر فيه بالاستقلالية المطلقة
ورفض زوجك لعملك شئ طبيعي خصوصا اذا كان بيوفر لك كل طلباتك
وبامكانك ان لا تكوني سطحية او تنسي ما درستيه اذا انتي اردت ذلك
كوني على اتصال بالعالم الخارجي وذلك بمعرفة كل ما يجري من تطورات سواء في ميدان عملك او على الصعيد العام وذلك بمتابعة الجديد من خلال الكتب الاعلام الصحف الانترنيت يعني تثقيف الذات وحتكوني افضل من اللواتي يشتغلن وينغلقن فقط في محور عملهم المحدود
لان الثقافة والتعميق في الجديد لا يكون فقط من خلال العمل بالعكس تجدين موظفات لا يعرفن مالجديد في عالم الاعلاميات او عالم الموضا او عالم الانترنيت الى غير ذلك لانهم فقط يعملون دون ان يثقفوا انفسهم ويتوسعوا بافكارهم. وهذا متاح لك انت اكثر من الاخريات حتى اذا اردت متابعة الدراسة وانتي بالبيت الفرصة متاحة لك ولديك الوقت الكافي اهم شئ الارادة.
متمنياتي لك بالتوفيق