اسراء200
اسراء200
السلام عليكم

ماننكر ان الحياه الماديه صارت صعبه والشاب الميسور صار طلب اغلبيه البنات وانكار هذا الشي مثاليه مو واقعيه .

صحيح كثيرات يبحثون عن الدين والخلق والستر لكن مع الايام وصعوبه الحياه والاولاد يضيق الوضع , لان الحياه مو كلها رومنسيه ودلال , الواقع صعب .

الارزاق بيد رب العالمين , الراتب الحالي مو مهم لكن المهم ان الشاب يكون عنده طموح انه يحسن اوضاعه , يعني يتحرك ويحاول يحسن اموره ومايكون خامل , لان الرزق يحب الخفيه . ومافي احلى من حياه الكفاح . ولا تنسى ان التدبير نصف المعيشه :27:

وفي النهايه عمر المال مايجيب سعاده , السعاده الحقيقيه في الرضا وراحه البال والاخلاق والتعامل اللي يرضي الله . والمال ماهو الا وسيله مهمه نحتاجها لكن ماهي كل شي . وياما فقراء وسعداء وياما اغنياء وفي قمه التعاسه .

اخي توكل على الله ولا تنسى ان تراعي اختيار الفتاه الكفؤ من ناحيه الدين والاخلاق والله يوفقك .
مثايل نجد
مثايل نجد
مشكورة اخت اسراء 200لكن ابي اقولك شئ . انا الحمد لله اشتغل بالتجارة بعد العصر والحمد لله ماشي
شغلي وطموحي عالي لكن اللي مضيق صدري انه ولا وحدة من خواتي قالت ادور لك كل وحدة رافضة
تدور لي وانا مااعرف احد عنده بنت علشان اخطبها والألعن من هذا ان خواتي يقولون لي لاتتزوج اقعد اخدمنا
واخدم ابوي وامي مع العلم ان ابوي وامي لو اسكن بعيد او حتى اسكن جنبهم كله واحد المهم اني منستر
ومرتاح وما توقعت ان خواتي يسوون كذا والى الحين مالقيت احد يوقف جنبي بعد الله سبحانه
لـجــونه
لـجــونه
كثرة الفلوس ليست سبب رئيسي في السعاده

أهم شيء الأخلاق وحسن التعامل

وطالما انك تشتغل بالتجاره اكيد رح تقدر توفر مصروف للبيت بشكل مناسب
ونة خفووق
ونة خفووق
أخوي مع إحترامي لأهلك وأخواتك..

طالما سلبيين معك بالشكل هذا..

أنتَ رجال وتقدر تدبر عمرك..أكيد لك اصدقاء وأقارب

تقدر تخطب منهم أو يخطبون لك..الناس للناس والكل بالله..

إذا يشوفون إنك تستاهل وأخلاق..صدقني ماراح يبخلون عليك..

وترى الوظيفة مايدققون فيها الناس ..أهم شي سمعتك ، وأخلاقك ودينك

أسأل ربي يوفقك ويرزقك بنت الحلال اللي تسعدك وتكون عون لك في حياتك.
ديـــــراوية
ديـــــراوية
شوف اخي مو مهم الفلوس اهم شيئ الاخلاق في عندنا تزوجوا برواتب 3000 وعايشين مستورين مع العلم احنا في ديرتنا عندنا قوانين في الزواج من ناحية المهر وغيرة ما حد يقدر يطلع عنها واخوي رفض يتزوج من الديرة واحنا ما قدرنا نلبي طلبة في تدويرنا للبنت لان علاقتنا وطلاعتنا بالناس قليل لكنة توفق ببنت زينة هي واهلها عن طريق صاحبة ما تتوقع العيلة مبسوطة وتجار واخوي شغلة بسيط وراتبة قليل2500 مع هذا قبلوا بة وزوجوة بس الحمد لله تعدل حالة وحصل وظيفة زينة يعني تقول جابت رزقها معاها يعني البنات ماهم سوى في اللي تبغى الستر يعني ممكن تدور عن طريق اصحابك والله يوفقك