اسراء200
اسراء200
اخوي مثايل نجد اسمح لي بصراحه قصتك هذي فيها شي ناقص اوشي ماتبي تقوله يمكن وهذا حقك , بس انت تبي راينا او يمكن مساعدتنا لكن الصوره بهذا الشكل مو واضحه.

وش الاسباب اللي تخلي خواتك يرفضون انك تتزوج ؟؟ لو قلت يرفضون انهم يخطبون لك , بنقول يمكن يكون عندهم اسباب مثلا اختلاف في وجهات النظر او اسباب داخليه بينكم . وممكن نعرض عليك حلول او خيارات ثانيه . والاخوات اظن ماقصرو .

لكن انهم يمنعونك من الزواج نهائيا او يقولون مايحتاج :confused:
يعني كيف مايحتاج ؟؟؟ :confused:
مثايل نجد
مثايل نجد
أخت اسراء 200
اولا: قصتي ناقصة من اي ناحية؟
ثانيا: انا عندي 6 خوات اختي الكبيرة والثانية اصغر منها بشي بسيط وانا اصغر واحد بالعائلة
وخواتي اللي ذكرتهم مومقصرين بشي وكل وحدة تقول تزوج باقرب وقت لكن المشكلة ان خواتي هذول
كل وحدة ماعندها معارف كثير والغريب ان خواتي هذول مدرسات لكن مادري ليش كل وحدة تتهرب
وخواتي اللي ذكرت اول شي كل وحدة عايشة ببلد وباقي خواتي عايشات عندنا بالرياض وهم 4 خوات
وهذول بالذات كل وحدة تقول لي اللي قلته لكم بأول كلامي ودايم يصير بيننا نقاشات حادةومافي اي فايدة والأخوات
بالمنتدى ماقصرو لكن انتظر المزيد من الحلول وبإذن الله ماراح انسى لكم هذا الجميل وراح ادعيلكم بجوف الليل

لك أطيب تحية
حروة السيل
حروة السيل
اخوي مثايل نجد..

بالعكس غالبية بنات اليوم يبون اهم شي الاخلاق والصلاة والخوف من الله..
طيب وش بستفيد من تاجر..يشرب؟!!
وش بستفيد من تاجر مايصلي ولا يخاف الله..؟!!
بالعكس الفلوس تروح وتجي..والله اللي خلقنا وهو اللي بيرزقنا..
من ناحية خواتك..
ماعليك منهم..اطلب من امك..او احد اصدقائك..اذا فيه احد يعرف بنت مستوره..ورح اخطب وشفها واذا وافقوا كلم اهلك..
والله يوفقك..انت واخواني قل امين..
مثايل نجد
مثايل نجد
آمين

شكرا أخت حروة
زهرة جدة
زهرة جدة
بنااااات اسمعوا قصة صاحب اخوي ....

الولد عمره 22 سنه يشتغل حارس امن براتب 1500 بالاضافه الى انه يصرف على امه واخته وناوي يفتح بيت تقدم لخطبة بنت ووافقت عليه وهو الحين مملك والزواج في الصيفيه وهوالحين يدور بيت غرفتين او ثلاثه غرف بالكثير
مع انه اخوي واصحابه كانو مستغربين كيف الولد يخطب ويملك وهو ماعنده راتب يكفي احتياجاتهم بس قبل تقريبا اسبوعين تعرف على تاجر وقاله ابغاك تشتغل عندي وافق الولد صارالتاجر يشيله معاه مشاويره وبعدها التاجر قاله ابغاك تكون معاي في مشاويري تقريبا صار مساعده والحين الولد يحصل 3000 والتاجر وعده بزياده بعد الزواج ومساعدته في جميع احتياجاته ....

هذا رزق من عند الله سبحانه وتعالى وممكن يكون خطبته جلبت له الخير