الرحيل
الرحيل
مثل ما قالوا الخوات.. مثل ما الشباب مختلفين البنات مختلفات..

أولاً.. حبيت أقول إن رفض الخوات يخطبونلك ممكن يكون لسبب حبهم وتعلقهم الكبير فيك.. وكثير صارت.. أدري بتقولون لو يحبون اخوهم خطبوله.. بس البعض الله يهديهم تاخذهم الغيره.. يكونون معتمدين عليك وخايفات تصير مثل وايد شباب ينسون اهلهم وينشغلون بزوجاتهم..

وطريقة التصرف بهالحاله.. انك تكلم أعقل وأحكم وأقرب وحده منهن لك.. تقول لها أنا بظل أخوكم والمسؤول عنكم.. وما برضى بغير الزوجه الصالحه اللي تذكرني وتشجعني على بر أهلي.. وأنا مقتدر على الزواج ان شالله.. وأبا وحده ترضى في مستواي المعيشي.. وناوي أطور من عمري وألقى مصادر دخل ثانيه ان شالله.. وقول لهم أنا أصحابي كلموني عن أكثر من وحده.. بس أنا مب متزوج إلا وحده انتوا مختارينها وعارفين اخلاقها لأني واثق في اختياركم.. وإذا ما لقيتوا بكل الطرق,, أمري لله :(

رتب كلامك.. وكرر ان زواجك ما راح يغيرك عليهم.. وانك بتظل سند لأمك وابوك وخواتك لو تزوجت وخلفت وكبرت.. يعني طمنهم.. خواتك والوالد والوالده خصوصاً.. وقول لهم.. ودي يتربون عيالي بعزكم.. وبينكم..

وبالنسبه لسؤالك.. يوم تقدملي زوجي قالولي ان مستواه المعيشي اقل من مستوى أبوي واخواني بوايد.. وشهادته بعد.. صح اني في البدايه خفت.. بس يوم خذت وقتي في التفكير.. سألت عن الدين والأخلاق بشكل أساسي.. وانه يكون مقتدر على انه يصرف على زوجه وعايله في المستقبل.. مقتدر يعني مب يرشهم بالفلوس.. لا بس قادر على الأشياء الأساسيه.. واللي شجعني بعد انه بدا يكمل دراسه وياخذ دورات عشان يحسن دخله.. فقلت لنفسي انسان بهالطموح أحسن من واحد غني إن خسرت شركته ما يعرف يتصرف.. ومع الاستخاره وافقت والحمد لله ترقى وانقبل في الجامعه بعد العقد.. والله عوضني..

ذكرت قصتي عشان أبين ان شرط القبول مب الغنا.. لا الدين والخلق.. والقدره على الأساسيات مب المظاهر والشكليات.. والكرم مب البخل.. والطموح مب الكسل..

وما أوصي بالدعاء بالزوجه الصالحه اللي ما راح تفرق معها مسألة الفلوس وايد كثر اهتمامك بدينك وخلقك.. واللي ممكن اييك الرزق من تشجيعها ودعاءها لك..
مثايل نجد
مثايل نجد
اشكر جميع الأخوات اللي ردو على والله يجزاكم خير وربي يستجيب لدعائكم آمين
المشكلة بعد ان خواتي اللي رفضوا يخطبون لي كلهم متزوجات كل ماسئلت وحدة عن السبب قالت لي
احنا نبيك وما يحتاج تتزوج بالله عليكم هذا كلام؟
TNLGS
TNLGS
تدرون ليش قلت له كذا لأن اغلب المشاكل اللي بين الزوجين تدور حول الفلوس وخاصه اذا كان عنده اجار بيت اشلون بيعطي بيته حقه ويلبي احتياجات زوجته وانا قلت اذا صار كريم وواثق من نفسه انه يلبي احتياجات زوجته مافي مانع انه يتزوج اما اذا كان بيضغط عليها ويقطع قلبها كل ماشافت وحده لابسه ومكشخه بزارينها باالعزايم وتنقهر وتتمنى وعلى قولتكم فيه بنات مضطرين ياخذون شباب مو ذيك الدرجه رواتبهم علشان الستر اذا كانت مضطره الله يوفقها وهوبيلقى وحده مضطره:44:

وانصح كل الشباب يأمنون بيت الملك قبل مايتزوجون خلو كل رواتبكم على بيت الملك حتى لو كان صغير اهم شي مايتجمع تسديد اجار من جهه ومتطلبات زوجتك واطفالك من جهه اخرى:06: :06:
*~ بــــــــَــــــــَرْد~*
اخــــــوي الظاهر انك الولد الوحيد بين اخواتك البنات ,,

وبما انهم متزوجات وربي ساترٍ عليهم ما عليك منهم واسأل انت ودور لنفسك يعني من طرف اصدقائك واقاربك او حتى من طرف حريم اصدقائك ,,,

لأن اخواتك مالهم راي في حياتك الخاصة اهم شي امك وابوك اللي يرضون مو اخواتك ,,

والله يعينك ويوفقك ..
مثايل نجد
مثايل نجد
اخت برد : انا مو الوحيد شاب بين خواتي عندي اخو اكبر مني ومتزوج وعايش بعيد عنا وما اشوفه الا بالمناسبات
وبعض الصدف . وحتى اخوي هذا مايساعد بشي عايش بعالم آخر
الله يفرجها علي ويبعد عنكم كل شر وكربه يارب