ساعدوني الله يخليكم كيف اخلي اللحمة مو قاسية لما اطبخها

طلعيها بدري حتى يذوب الثلج منها

بعدين شبي عليها بمويه واضيفي لها بصل واذا تبين ثوم

حطي فلفل عدل يعني مو مطحون واذا تبين قرفه عيدان وهيل

وخليها تطبخ مرررررررا قصري عليها حوالي ساعتين

ولا تضيفين لها الملح الا لما تلمسينها بيدك اذا شفتيها صارت تنقطع اضيفي الملح

وتمتعي بلحمه لينه وطريه

انا ما اطبخ اللحمة الا في قدر الضغط اخليها على حسب يعني من 30 الى 40 دقيقة لو القطع كبيرة لو القطع صغيرة 25 دقيقة كفاية ،، اول شي احط البصل و بعدين البهارات و مرقة ماجي و اللحمة احركها كل شوية لين تتغير لون اللحمة و بعدين احط عليها موية و اقفل القدر و لما تستوي ، اشيل اللحمة احطفها في الفرن عشان تتحمر بعد ما ادهنها بشوية زيت و لون الزعفران ، و الموية الباقية في القدر احط عليها الرز واقفل القدر الضغط و اوطي النار ربع ساعة ،، و خلاص اغرف الرز و احط عليها اللحمة ،،

انا اطبخها في قدر الظغط اسرع وتستوي معاي بسرعه يعني تاخذ تقريبا نص ساعه
اهم شي تكون المويه اللي بتطبخين فيها اللحمه مغليه وثاني شي لازم الثلج يروح كله من اللحمه قبل طبخها
والملح انتبهي تحطينه مع اللحم وهو يطبخ لا تحطين الملح إلا بعد ماتستوي اللحمه
وترى كل ماكانت الذبيحه صغيره كانت احسن في الطبخ
وسمعت ان اضافة الخل للحمه عند الشواء يساعد على نضجها ويخليها لينه
اتمنى تستفيدين من خبرتي البسيطه في طبخ اللحوم

تمنياتي لك بالتوفيق
دعواتك

الملح خليها بأخر شي
ولاتضيفين الطماطم

واضيفي القرنفل لانه بيساعد على ليونتها موفقه يارب,,,

اطبخيهااا بقدر الضغط ولاتحطين ملح الا بالنهااايه يعني اذا قربت تستووي
ترا قدر الضغط احسن شي واسرع انا حتى المكروونه اسويهاا فيه واهم شي انه يريح