اسمحي لي عزيزتي واضح من كتابتك لموضوعك انه زوجك معاه حق :)
انت ابعد مايكون عن الترتيب والتنظيم وكل شي عندك عايم علي بعض
في موضوع واحد كتبتي مشكلتك و سالت عن طبخات وعن منظفات و بخور و طلبت جدول مساعدة
وهذه المواضيع كل واحد بقسم خاص بالمنتدى لو دخلت كل قسم تلاقي حاجتك واكثر
بس انت اتوقع متعودة احد يخدمك و يوفر لك كل طلباتك لحد عندك ...

لا تزعلي من كلامي لا اعرفك ولا تعرفيني بس بطبعي احب احلل الشخصية صاحبة المشكلة
قبل ما اعطيها حل لشكلتها لانه غالبا تكون هي السبب وهذا اللي حصل معاك
انت تحتاجي تغيري شخصيتك عشان تتغير حياتك

ابدئي نظمي حياتك وحده وحده واكتسبي عادة حلوة للنظام
مثلا اضبطي نومك علي الساعة ١٢ يوميا لمدة ٢١ يوم وبعد كذا يصير عادة عندك
ليه ١٢ لانه انسب وقت للي زوجها يداوم شفتات لانه باي وقت يجي تقدر تستقبله و تقدم له حاجته


اتمنى اكون افدتك

الله يعيننا بس
الله ييسر امورك اختي

طبيعة الاكل زوجك مثل زوجي بس انا مو مثلك
انا منظمه نومتي وقومتي
فحتى لو كان بالعمل بالليل اكون نايمه
يعني لا تنامي معاه
اتركيه ينام بوقته بس انتم عيشوا حياة منظمه الاطفال التنظيم يريحك معاهم
يعني تخيلي هو له حياته وانتي لك حياتك يعني غالبا بتنامون بالليل مع بعض
وقت تنظيفك كملي شغلك دائما الصباح حتى لو كان نايم
لا يقوم الا بيته نظيف ومرتب
البلاط
داك برائحه الزهور
وشغلي الفواحه
اهم شيئ الكنس والمسح
الاكل
اطبخي فطور وغداء وعشاء دائما ومرتين بالاسبوع سوي صينيه حلى وغلفيها وتكون حاضره بالعصر تسوي القهوه
حتى لو زوجك ما يبي اذا قام وفيه اكل بياكل
المهم تتعلمي السرعه في الشغل
النظافه
تحتاج استمرار وتنظيم للوقت عشان يكون بيتك نظيف ومرتب طوال الوقت
ودربي الاطفال يشيلون العابهم لا تلقطين وراهم انتي بس تكنسين
عوديهم حتى لو اطفال عمر السنتين اذا تعود الطفل ينظف وراه
تصيرين تنامي وتقومي والبيت مثل ماهو نظيف ومرتب

ماشاء الله البنات ماقصروا كفوا ووفوا

احفظي هالجملة اذا الرز باب الهند
كل كاس رز كاسين موية.. او موية الكبسة حقت الدجاج .. وادعي لي