جـ:*ـ*:ـوري :

اول شي ياعمري تعوذي من الشيطان .. وكل الي شفتيه مسجات .. مافي شي ملموس او شفتي بعينج الحل من وجهة نظري .. دامج باقيه عليه وتحبينه .. وشيء هذا يرجع لج .. والله يعينج ولا تنسين هذا ولد اخوج .. حطي شيء هذا في بالج اولا ... شيلي من بالج فكرة تصارحين زوجج ولد اخوج او اخوج ابو الولد .. لو فكرتي تصارحينهم وتفاهمين معاهم والي شفتيه مجرد مسجات راح تفتحين على نفسج باب مراح يتسكر ويبلش الاتهمات والكذب والمشاكل ابيج تكونين بعيده عن الصوره ... عندج أخو ثاني؟ غير ابو الولد .. رجال كبير له كلمه ؟ اذا عندج استعيني فيه او خال او عم قريب لج .. وقريب من ولد اخوج .. اول نقطه تسوينها .. تروحين تصارحين اخوج الثاني بلي حصل والي شفتيه .. وتفهمينه انا ماجيتك عشان ابي الطلاق .. انا باقيه على زوجي وهذا نصيبي انا جايه .. نوقفهم عند حدهم زوجي ولد اخوي .. ولا ابي زوجي يدري انا دريت ولا ولد اخوي ... عشان تقدرين تعشين مع زوجج بعز ويكون خايف منج لاتكتشفين العلاقه .. وفوق هذا محافظه على كرامتج وكرامة أخوانج .. ثاني نقطه .. اخوج يمسك ولد اخوج ياخذ تلفونه بدون مقدمات ويطلع على مسجاته وان شاء الله يكون مامسحها .. .. وضغط عليه ليه يعرف وش العلاقه الي بين زوجج وبينه .. وسبب شك اخوج في ولد اخوج .. هو سمع كلام من شباب عن علاقتهم مع بعض .. ولين شاف تلفون تأكد والمسجات تأكد .. بعد مايعرف كل شي اخوج .. الحل كالتالي .. التهديد .. ياحول قد مايقدر .. يخوفه .. ان رجع علاقته مع زوجج راح يعلم ابوه .. وراح يعلمج .. وان بكون سبب طلاق عمتك من زوجج .. وغير هذا وهذا المشاكل الي بتحصل والكره الي راح يحصله من عمانه وجدانه .. وان سمع مره ثانيه ان للحين تتقابلون او بينكم اتصال .. الحل هو ابوك راح يعرف بالموضوع وخليه يتصرف معاك .. هذا الحل الانسب بنظري .. وللعلم .. تقدرين تمسكين عليهم دليل قوي .. تعرفين جريدة الوسيط والصفاة .. راح تلقين جهاز تسجيل .. يسجل 72 ساعه .. تقدرين تستخدمينه تحطينه تحت كشن سيارة زوجج يسجل .. لين تمسكين دليل قوي .. وتعطينه لأخوج عشان صعب ينكر ولد اخوج او يكذب والله يعينج .. وان شاء الله نسمع منج أخبار حلوه أطمنى عليج

اول شي ياعمري تعوذي من الشيطان .. وكل الي شفتيه مسجات .. مافي شي ملموس او شفتي بعينج الحل...

mrs.alkout :

حبيباتي أشكركم على وقفتككم معاي وخوفكم الشديد علي .. بنات ياللي تقولون لي تركيه ولا تقعدين معاه.. خلونا نفترض ان الحين بواجهه والدليل اللي عندي الرسايل..(يعني دليل مو كافي) يقدر يرد علي بردود واجد.. يا بنات انا مو طايقة نفسي عشان أطيقه.. لكن لا تفكرون ان انا بروح الحين وأقوله .. انا متأكدة اذا في شي بينهم الله راح يفضحهم جدامي وانا كل يوم وبكل صلاه أدعي بهالشي.. لكن خلوني الحين أقولكم اخر التطورات.. أمس قلت حق زوجي دق على ولد أخوي وخله ينام عندنا.. المهم جبناه عندنا وحاولت اني اختفي مرات عدة لمدة طويله شوي وأطلع فجأة لهم.. بتسألوني شسويتي..؟ اول شي قتلهم انا بروح أغسل الحمامات..(وانتو بكرامة)وظليت مدة طويلة حيل لي درجة ان لو بيسوون شي يثقون اني الحين ما راح أطلع.. وطليت عليهم فجأة وشفتهم عادي كل واحد قاعد بصوب.. وبعدين قتلهم بروح أصعد عند خالتي وخذيت المفتاح معاي عشان اذا في شي ما يقفلون الباب فكنت كل شوي أنزل وأطل عليهم لكن اشوفهم عادي قاعدين يسولفون والسوالف عاديه جدا.. المهم الخطة الأخيرة قلت لهم انا بروح أنام وزوجي يدري ان انا نومي ثقيل يعني مستحل اذا نمت أقعد.. فظليت ساعدة تقريبا بالدار وطلعت لهم..لكن........................ ماشفت شي ..قاعدين عادي.. وأمس بالليل قتله انا بشوف فلم بالصالة(مرة ثانية)فقالي انا كنت شاك ان فيج شي والحين انا متأكد.. يا بنية اذا متضايقة من شي قوليلي اذا انا مأذيج بشي قوليلي انا مو طايق نفسي لأني قاعد أشوفج زعلانه..أحس انج مو بالعتني(وانا بقلبي أقول يعل يبلعك حوت اذا انت جذي)المهم قتله اذا فيني شي والسبب غلط انت مسويه..هذا كله راح ينكشف للكل...بعدين قتله انا دام صايرة لك مثل الماي خلك نفسي..فقاليانا مو فاهم كلامج لا تعطيني بس رؤوس أقلام قوليلي شالسالفة..قتله ماكو شي شفيك مكبرها..قالي مادري شمعنات كلامج..قتله ليش انت مسوي شي..قالي لأ..قتله ليش عيل مهتم بكلامي وايد..جان يعطيني ظهره ويسكت عموما انا بستشيركم عن الأشياء اللي بسويها..

حبيباتي أشكركم على وقفتككم معاي وخوفكم الشديد علي .. بنات ياللي تقولون لي تركيه ولا تقعدين...