شوفي حبيبتي اولا انا اعتمدت طريقة اسطورة اليلك اتبعي الخطووات وبتطلع شي
..وفيه شي انا اسويه اذا شكلت الفطائر اتركها تخمر طبعا اغطيها علشان الهواء مايخربها واذا خمرت ادخلها للفرن من قبل قد شغلتيه وطريقتي اني اشغل الفرن من تحت وفوق مع بعض وتكون النار وسط وخليك قريبه منها ...لانها بتحمر بتصير هششششهها هو السر

جربي العجينه الذهبيه روعه

استخدمي دقيق فوم رووعه

جربي العجينه زي القطن وبيضاء وخاصه مع البيتزاء رووووعه

2 كاس دقيق فوم أو كويتي
نصف علبه زبادي دافئه ...( طلعيه من الثلاجه قبل العجن)
ملعقه كبيره ونصف حليب بودره
ملعقه صغيره مليانه خميره
نصف ملعقه صغيره باكنج باودر
ملعقه كبيره سكر
ذره ملح
ربع كاس زيت
ماء للعجن


1- يوضع قليل من الماء معه الخميره حتى تذوب
ثم تعجن عليه باقي المقادير
وتترك تختمر نصف ساعه او ساعه الا ربع

أتوقع الدقيق اللي تستعملينه هو السبب لأني ألاحظ معاناتي مع الدقيقً ؛ الكويتي روعه واذا غيرته صارت صفرا ويابسه طريقتي سهله وتنوع للفطائر والبيتزا وعش البلبل حطي كاس لبن وثلث كاس زيت وملعقة كبيره خميره وفنجان صغير سكر وشوية ملح فقط أعجنيهم بالدقيق الكويتي او فوم حتى تتكون عجينه لينه غطيها نص ساعه تتخمر وبس. وبإمكانك تستبدلين اللبن بالماء ما فيها مشكله. وحتى جربتها دونات بالزيت طلعت روعه هشه ولذيذه افرديها وخليها سمكيه يعني نص سنتي وقطعوها دوائر بالكأس وإصبعك سوي دائره بالوسط ههههه هذي طريقتي وأعجبت كثير طعمها

ياقلبي عدة عوامل

اول شي لازم العجن يكون كويس اعجني وخبطي بها ثم التخمير مرحله اساسيه
تتركيها بمكان دافي نص ساعه

ثم مرحلة الشغل يكون الفرد وسط الرهيف بيكون يااابس والمتين بيكون عجين ومرات ماتستوي

وانتي تشتغلي فيها لاززززم تسخني الفرن هذا عامل مهم بنفش وهشة الفطاير يكون حاااار ومولع من تحت
تدخل وتنفش ماتاخذ دقايق الا مستويه وخليك حول الفرن لاتبعدين ثم ارفعيها فوق تحمر خفيف
التحمير الزايد بعد ييبسها


خوذي طريقيتي يالغلاا:
بالخلاط:
ملعقه ك سكر - ملعقه ك خميره ثلاث ارباع كاس لبن دافي
ملعقتين زبادي ونص ملعقه ك بكنج بودر
واخلطي زززين ثم خليها بالخلاط 10 دقايق
ثم اضيفيها ع كاستين دقيق ورشة ملح وفنجال زيت افكريه مع دقيق قبل واعجني ع حسب دقيقك اذا يبي سوايل زودي
واذا حسيتهيها مره لينه زودي دقيق

واعجني وخبطي بها الين تتماسك
وخمريها نص ساعه بمكان دافي

ثم اشتغلي فيها وافردي وسط لارهيف ولا سميك ورنك يكون شغال
وحرارته عاليه ماتاخذ وقت 5 دقايق ولها مشقر لونها
وبس جربيها وبتدعين لي يالغلا اسفه طولت عليك (: