الله يهديك شكلك مهمله كيف ماتشربين ادويه اغصبي نفسك كلها كم يوم ترا انا مثلك بكريه مو عذر انك بكريه اهتمي شوي
وشكل دخلك هواء اذا حسيتي بتنسيم يطلع من اذنك معناته داخلك هواء اذكر اختي سوت مثلك تحممت ودخلها هواء وتحس بصداع وتعبببببت حطتلها امي جاوة وشي ثاني ناسيته وتتلحف بطانيه تحطها على راسها وتتبخر فيه باذنها وارتاحت بس ناسيه وش الشي الثاني
واللهوم اخلطيها مع اكل دسم مرقوق مرقه لحم شوربه مطازيز جريش
واصحي من الفجر افطري خبز بر مصابيب وخبز مفروك او فطور عادي بيض مع حليب بفلفل اسود واكلي اللهوم
ونامي واصحي الساعه 9 واشربي شاي اعشاب اي دوا او تقهوي وحطي بفنجانك كسرة مرة وكولي تمرة بادويه
اهم شي نظمي وقتك قومي من بدري حتى تنامين بدري والجوووع انتبهي منه حطي عند راسك معمول بر بالتمر او تمرة للجوع المفاجى
وتحركي امشي سويلك شاي اعشاب او قهوة حركي دمك يوميا والبسي شربات وطرحه وابعدي عن المكيف واي شي بارد لاتاكلينه حتى المويا مو بارده
وابتعدي عن الممنوعات الغازيات اللبن الزبادي ملوخيه برتقال موز بطيخ باميا اي شي بارد المشي حافيه الجوع التعرض للمكيف لاتسهرين نامي بدري حتى يتنظم اكلك ومن الفجر اصحي
الحلبه استخدميها بس العشرين الاولى الرشاد العشرين الاخيرة ولاتكثرين حلبه كثرتها مو زينه تسبب مويات
الحقي عمرك قبل ماتخربين وبالتوفيق

الرشاد في العشرين الأخيرة لأنه هو إللي يحبس الدم بالرحم

والبنات ماقصروا

بنات حطو لها رابط قشر قهوه عشان تستفيد اكثر واكثر بعد للي مايعرفه

للرفع

لا اله الا الله