ساعدوني وش اسوي وكيف ابدا والله جاني اكتئاب حاد

الله يشفيك ويشفيني يارب

الله يشفيك يارب ، بس شوفي حللي عن الغده لانها هي الي تسبب السمنه المفرطة
و اذا ع الاكل ف انصحك اشربي مويا كثييير قبل كل وجبه وراح يكون اكلك قليل لانك كثرتي مويا

البدايه تكون في انك تتخذين قرار انك ( تحبين نفسك )
وهذا الحب لازم يترجم على الواقع بالافعال والاقوال
قرري انك تعاملين نفسك مثل ماتعاملين شخص تحبينه وتعشقينه او مثل طفلك
ان مرض تدارينه وتهتمين بصحته وتعطفين عليه
وتجهزين له الاكل الصحي اللي يساعده يتعافى ويقوى وتبعدين عنه اللي يضره ويتعبه
تاخذينه مشوار يتمشى ويشم هواء وتساعدينه بالتدريج يمشي سريع ثم يهرول او يرقص او يمارس تمارين الخمسه ميل او الزومبا عشان يحرق الجسم وحتى النفسيه تتحسن مع الرياضه
وتاخذينه المستشفى وتعملين له فحوصات وتحاليل تشيكين على الغده والفيتامينات والمعادن
وركزي على فيتامين د هذا الفيتامين حتى بدون فحوصات اذا ماتطلعين بالشمس اعرفي انه ناقص ولازم تاخذينه من الصيدليه كبسولات يوميه خفيفه قوتها 1000 وحده دوليه تستمرين عليها لمدة شهرين الى ثلاثه شهور متواصله
او حتى تاخذين شراب فيدروب ويوميا مع وجبة الغداء تاخذين أما 1 ملي او نص ملي بالقطاره اللي تجي معاه
وفيتامين د بشكل عام لازم تاخذينه مع دهون صحيه عشان الجسم يمتصه اما زيت زيتون او زبده عشان كذا بعد وجبة الغداء مباشره لازم تاخذينه
وبخصوص الاكل ركزي على السلطات الخضراء مع كل وجبه كلي طبق مليان عشان تشبعين
ثم كلي من الوجبه وبتلاحظين انك تشبعين بسرعه لانك ملأتي معدتك بالسلطه
وكذلك اضيفي لوجباتك الخضار الغير نشويه اما اطبخيها كإيدام مع اللحوم او اشويها بالفرن
وقللي النشويات والدهون والسكريات
وبإذن الله بالتدريج تلاحظين نزول الوزن
واكيد تعرفين ان 30 كيلو تكدست على مر السنوات تحتاج شوي صبر منك وبال طويل فلا تستعجلين او تكسلين
حطي في بالك نيه انك تغيرين نمط حياتك تغيير جذري من ناحية الاكل والحركه وربك بيعينك ويقويك بإذن الله

شوفي هذا الرابط نصاءح الأخوات


https://www.google.com.sa/url?...



ابدءي خطوة خطوة بالتدريج عشان تتعودي على النظام الجديد ولا تدخلي الي عالم الدايت بقوة غشان ما يصبك الملل والاحباط مرينا بها

الله يشفيك ، ويشفني ، ويحقق مبتغاك والجميع 🤲🏻 😭