بسم الله والحمد لله 💘اسعد الله صباحكم ومساكم بكل خير
اول ايام الولاده لو كانت الام بتجرب تشفط راح يجيها احباط عظيم
بتلاقي مافيه حليب يادوب ١٠ ملم
وعلى طول لو كاتت بكريه وماتثقفت والمجتمع حولها مايدعم الرضاعه الطبيعيه
يجي ببالها كلمه وحده
حليبي مايكفي
عشان كذا كل شوي يطلب رضعه مسكين ☹️❤️
مع انه الحقيقه انه يكفي تماما
لازم يصير عندنا يقين ان الله مابيخلق شي مايناسب
يقين ان الله هو الرزاق لهذا النونو ولك قبله
يقين ان الشي اللي خلقه ربي هو الاصلح والانفع لك وله .......
ليش ١٠ ملم اول ٣ ايام
لان البيبي وقتها حجم معدته يادوب قد الكرزه🍒
مااحتاج حليب واجد
وهذا معناته المعدة تبي حليب شوي
تمتلي المعده بسرعه وتفضى بسررررعه
فيرجع يطلب رضعه ثانيه
وتجيك الفتاوي من اللي حولك او وسواس نفسي
يابنت اعطي صناعي وارتاحي حرام كل شوي يقوم يبي رضعه ما ارتاح الولد ❗️❗️
الوضع الطبيعي اول ٣ ايام انه معلق برقبتك🤱🏽 رابع يوم واحيان من اليوم الثالث يجي شي اسمه #طفرات النمو
وهذي اللي تخلي الواحد يكلم نفسه
لان البيبي يطلب الحليب كل شوي وسببه ان المعده تبي تكبر وتستقبل حليب اكثر
وقتها حجم المعده يصير اكبر شويتين ويشيل لمن ٢٢-٢٧ ملم حليب
نهايه الاسبوع يصير حجم المعده قد المشمش 🍑ويصير يحتاج من ٤٥مل الى ٦٠ مل 🍼
نهايه الاسبوع الثاني تكبر المعده وتصير بحجم البيضه🥚تحتاج من ٨٠-١٥٠ مل
ويستمر الطفل هكذا يرضع كل ساعتين وينام 🔸🔸🔸🔸🔸🔸🔸🔸🔸🔸🔸
كيف اعرف ان طفلي شبع⁉️⁉️
اللي يطمنك ان الطفل يبلل من ٦ الى ٨ حفاظات باليوم
كذا انتي بالسليم 🔸🔸🔸🔸🔸🔸🔸🔸🔸
اول ثلاث ايام الحليب يكون عباره عن #لبا لونه مايل للصفره
مليان #مضادات_حيوية للبيبي ويساعد على خروج #العقي الاخضر من الجسم
المفروض مايتفوت ابدا🤱🏽
🔸🔸🔸🔸🔸🔸🔸🔸🔸🔸🔸🔸
الرضاعه كل ماطلب الطفل مهمه خلال اول اسبوع عشان يزيد الادرار عندك
مهم تفكي الكوفله عن البيبي وقت الرضاعه عشان يصحصح ويرضع زين ومايدخل في النومه وهو على صدرك 🔸🔸🔸🔸🔸🔸🔸🔸🔸🔸🔸🔸
مافيه اجمل من الرضاعه ..الله لايحرمنا احاسيسها الحلوه☹️❤️
#رضاعة_طبيعية
