سمبوسة الجارة المصرقعة

السلام عليكم
مسيتن بالخير
ومبارك عليكن رمضان وعقبال العيد انشاء الله

عندي لكن طبخة جدا ممتازة
شنهي
انا اقول
في احد ايام رمضان الماضي
كنت احشي السمبوسه وكانت الحشوة عبارة عن لحم مفروم كالعادة
وفي ذاك اليوم كانت عندي جارة (مصرقعه)) :23: والظاهر انكم تعرفونها زين
جارتي هي الي حكيت لكم قصتها معي قبل اسابيع صاحبت البيت الوسخ
على العموم الزبدة
وانا احشي السمبوسة اتصلت على وقالت انا زوجي اليوم غير موجود ونا رايحة افطر معكم اليوم
عاد انا استغليتها قلت حياكي الله عندنا بس بشرط تساعديني على فطورنا قالت حاظرة من عيوني :21:
قلت معليش جات عندي وانا احشي السمبوسة وقالت لي وش الحشوة هذي قلت لحم بقري مفروم
قالت انتي ما تعرفين الا اللحم المفروم قلت فيه شي غيرة علميني قالت فيه بدائل كثير

تصدقون قالت لي انا احشي السمبوسة احياننا بطاطس مع ثوم واحياننا تونه واحياننا جبن واحياننا كبدة واحياننا بس لا تضحكون شكشوكة :11:
قلت والله انكي مصرقعه شكشوكة مرة وحدة قالت نعم قالت والله انكي مصرقعه بس عذرتها لاني اعرف زوجها ماشاء الله ما يخلي شي ما ياكله لدرجة ان بطنه كانه حامل ام 8 شهور

على العموم قالت يا عواطف تريني ابحشي اليوم شي ما عمرك عرفتية
قلت بس تكفا فكينا من خرابيطك احشي اللحم معي وخلصيني وروحي اقليه
ونا على غفله راحت حشت بعض السمبوسات شي ما كنت متوقعته
اذن المؤذن وقدمت لزوجي الفطور
ونا افطر مع جارتي المصرقعه دعاني زوجي وقال عواطف عواطف لا بارك الله فيك تعالي جيته قلت وش السالفه
قال وش حطيتي في السمبوسة اليوم قلت لحم مفروم
قال لحم مفروم
قلت نعم
قال تفضلي السمبوسة
اكلت منها
وتدرون وش لقيت
وش تتوقعون
لقيت جارتنا المصرقعة حشت السمبوسة لي بالتمر
والله ضحكت وتفشلت من زوجي ورحت للمصرقعة وقلت لها المرة الجايه اعلمك وش تحشين السمبوسات
ضحكت شوي وقالت :cook:
زين عندي حشوة جديدة:11:
قلت تكفا الله ريحمكي فكيني
وكملنا فطورنا عاد
وهذه السالفه
وعساكم استانستوا شوي