الدهون المفضل تناولها :
مسموح لنا ثلاث حصص دهون يعني حصة في كل وجبة
صدقوني لا تقولون وايد - انا اكل مقلي و الحمد لله نزل وزني :
1 ملعقة طعام زيت زيتون أو ذرة أو بذرة الكتان (حطوها في السلطة أو اقلو لها)
1 ملعقة طعام مايونيز قليل الدسم
1 ملعقة طعام دريسنج خل و زيت
1 ملعقة شاي زبدة
1 اونص مكسرات
2 ملعقة طعام زبدة الفول السوداني
7 حبات زيتون صغير

استراحة شوية اتكلم عن الي سويته :
الله يسلمكم
انا تعبت من الريجيمات
و الي خلاني احس انه فيني شي غلط اني سويت ريجيم سوائل ما نزلت منه نتيفه
قلت فيه شي غلط
غير انه طلع في ويهي حبوب و لحسن الحظ دكتورة الجلدية كانت شاطرة و هي الي قالت لي
شوي فحص درقية
سوينا الفحص و ابتديت اخذ حبوب 50
هذا الكلام تقريبا ابريل 2007
انا على قكرة وزني مب وايد بس تعرفون هالشعور يوم الواحد يبى ينزل بس 5 كيلو
و يسوي الهوايل و مع هذا ما ينزل
هذا الي حبطني و خلاني ادور في النت
غير اني عرفت انه احن ممكن نزيد اكثر من غيرنا
اشتريت الكتاب و ابتديت اقرى فيه
و ابتديت اطبق تقريبا على اخر شهر مايو
كان وزني ايامها 65
انا ساكنة لوحدي لظروف الدراسة
يعني انا الي اعبي الثلاجة و انا الي اطبخ (و انظف و اغسل و امسح ... كسرت خاطركم؟ :) )
و هذا ساعدني وايد طبعا
و ابتديت شوية شوية انتبه على الي اكله
انا على فكرة اكره شي عندي شي اسمه ريجيم
و الي اكثر منه اني اودر الشاهي
انا عشقي الشاهي بالحليب و بالسكر طبعا :)
فلين يومكم هذا عمري ما مر علي يوم ما شربت فيه شاهي
يعني تطبيقي للنظام ما كان 100 بال100
بس مع هذا كنت انزل و لو 200 او 300 جرام في الاسبوع
بس كانوا بالنسية لي انجاز
و هذا الي اريدكم تفهمونه
الصبر و الصبر و الصبر
كنت العب رياضة بشكل منتطم
و قدرت انزل من 65 الي 59.5 خلال 5 شهور
من مايو الي سبتمبر
و اليوم وزني (اول ما قمت الصبح) 60
يعني الحمد لله محافظة
بس تبون الصراحة انا اشوف تناسق جسمي الحينه احسن من يوم ما كان 54
الرياضة لها مفعول دبل ، لو ما تشوفينه على الميزان بس تشوفينه عليج
طبعا وقت الدورة ، ما فيه رياضة و لا حركة و اكل حلو
و بعدها على طول ارجع اعوض

نصيحة :
العشا بدري
لا تحرمون انفسكم حرمان قاطع
العبوا رياضة
كونوا اطباء انفسكم و اعرفوا بالتجربة و مع الوقت شو الي يزيدكم و شو الي ينقصكم
اقروا و اقروا و اقروا (المعلومات قوة)
امممم شو بعد؟؟

بكمل الموضوع يوم افضى ان شاء الله (خلال يوم او اثنين)
ادعولي بالتوفيق

الله يجزاك الف خير
والله ان الغدة مأثر علي كثير على نفسيتي وصحتي
لي سبع سنين ونصف ماحملت رغم العلاج
وزني كل ماله في ازدياد
والحمد لله على كل حال

ننتظرك أم أنوش

مشكوره ياقلبي وبارك الله فيج

والله يوفقج بدراستج ونشوفج دكتوره وبأعلى المراكز :smile:

اختي انا حاولت وحاولت اني انزل وزني ... ينزل شويه واول ما اوقف نظامي يرجع بزياده

تتوقعين اني اعاني من الغده ؟؟؟؟

كيف اقدر اعرف ؟؟؟؟ وشو التحليل الي يبين اذا فيني الغده او لا ؟؟؟

ومشكوره على الموضوع