هيا أسكتوا..والله إن العنوان يجنن ومتعوب
عليه😁
كل يوم أقتنع إن عندي
بعد نظر يوم حذفت السناب
لأنه صار عند كثير ناس مو مجرد تطبيق!
صار وسيلة سوء فهم
وخلافات
وتلميحات
ومقارنات
وحدة تزعل لأنها انشالت من الستريك
ووحدة تراقب مين شاهد
ووحدة تنزل كلام مبطن
والثانية ترد بستوري بدون ما تتكلم مباشرة🤒
حتى العلاقات صارت تقاس بـليش ما صورت لي؟
ليش فتحتي وما رديتي؟
ليش نزلتي وأنت تقولين مشغولة؟
التطبيقات المفروض تقرب الناس
لكن أحيانًا كثرة الظهور والمتابعة
اليومية تصنع حساسية ومشاكل
ما كانت موجودة أصلًا.
مو كل شيء يحتاج نشر
ومو كل شعور يحتاج ستوري
ومو كل خلاف يحتاج جمهور
يتابع التلميحات.
صديقتي تهاوشت مع أخوها هوشه
كبيره ليش شالت بناته من سنابها!
طيب هي حره ..ماقصدها شي
ولابينهم خلاف
لكن تقول اختصرت على كم صديقه
واخواتي فقط وهذا من حقها.
هل ممكن تستغنين عن السناب؟
بالأمانه قد إستخدمتي السناب
لتوجيه لوم أو عتب بطريقه غير مباشره؟
وإذا الجواب نعم..هل كانت الحركه مجديه؟
أذكروا إيجابيات السناب ^إن وجدت^
🇸🇦السعوديه🇸🇦 @saudia1_
كبيرة محررات
يلزم عليك تسجيل الدخول أولًا لكتابة تعليق.
Ăяฝά ོ .★
•
انا عندي سناب بس نادر ماادخله ولا احط فيه شي احيانا ادخله واشوف استوريات الاصدقاء كل ستورياتهم ياقهوه ياطلعتهم وكذا بس محد ينزل كلام مبطن
أنا عندي سناب بس ماأنزل شي أبدا ماأهتم
أتابع بس ناس تفيدني وناس ينزلون مناظر طبيعية
وعندي خواتي وعيالهم ينزلون عن سفرياتهم
أتابع بس ناس تفيدني وناس ينزلون مناظر طبيعية
وعندي خواتي وعيالهم ينزلون عن سفرياتهم
التفاصيل اللي ذكرتيها تنطبق اكثر شي على الواتساب ثم باقي مواقع التواصل
اما بالنسبه لي شخصياً اعتبر مواقع التواصل بكافة انواعها مكان اهج فيه عن كل شخص اعرفه في الحياه الواقعيه حتى لو ماكنت انشر شي ومجرد متابعه لمحتوى الناس الاغراب
وحتى الواتساب اللي يعتبر عائلي بحكم انه برقم الجوال استخدمه للاشياء المهمه كل مابين فتره والثانيه حسب حاجتي واطلع منه حتى ما اشوف ستوريات اللي ينشرونها
وحتى اذا في شي مهم جداً فيه عزايم او اخبار مهمه اتصل بالشخص ما اعتمد على رسايل ولا قروبات ولا واتساب نظامي نظام شيبان
يعني من الاخر ما استخدم مواقع التواصل لتوجيه رسايل مبطنه لاحد بالواقع
لكن ممكن استخدم مواقع التواصل عشان اعبر عن اللي احس فيه بالحياه الواقعيه احيانا اما بمقوله او اقتباس او قصيده او اي شي بس لمجرد التعبير لا اكثر المعنيين بالامر غير موجودين عشان احرق اعصابي ونفسيتي وانا ادقهم ويدقوني
اما بالنسبه للايجابيات كلن واهدافه بالنهايه هو برنامج للتواصل فايدته ومضرته حسب احنا وش نوايانا واهدافنا
اما بالنسبه لي شخصياً اعتبر مواقع التواصل بكافة انواعها مكان اهج فيه عن كل شخص اعرفه في الحياه الواقعيه حتى لو ماكنت انشر شي ومجرد متابعه لمحتوى الناس الاغراب
وحتى الواتساب اللي يعتبر عائلي بحكم انه برقم الجوال استخدمه للاشياء المهمه كل مابين فتره والثانيه حسب حاجتي واطلع منه حتى ما اشوف ستوريات اللي ينشرونها
وحتى اذا في شي مهم جداً فيه عزايم او اخبار مهمه اتصل بالشخص ما اعتمد على رسايل ولا قروبات ولا واتساب نظامي نظام شيبان
يعني من الاخر ما استخدم مواقع التواصل لتوجيه رسايل مبطنه لاحد بالواقع
لكن ممكن استخدم مواقع التواصل عشان اعبر عن اللي احس فيه بالحياه الواقعيه احيانا اما بمقوله او اقتباس او قصيده او اي شي بس لمجرد التعبير لا اكثر المعنيين بالامر غير موجودين عشان احرق اعصابي ونفسيتي وانا ادقهم ويدقوني
اما بالنسبه للايجابيات كلن واهدافه بالنهايه هو برنامج للتواصل فايدته ومضرته حسب احنا وش نوايانا واهدافنا
ساروتية
•
انا بعد شايلها من زمان لان فيه هياط و تصوير لليوميات لي ما تجذبني و اعتبر نشرها تفاهة ...مع العلم تعليقات لي فيه تضحكني هذا لي فقدته بس ما رح ارجعه
الصفحة الأخيرة