سواليفكم مع أزواجكم

السلام عليكم

بنات أنا شبه شبه مقبله على خطوبة وبعدها زواج أكيد

لكن فيه شي معقدني بالزواج كله .. وهو شي غريب شوي

لما أتزوج كيف أسولف مع زوجي ووش السواليف اللي أسولف له فيها وهالاشياء هذي

لانه أنا ببيتنا علاقتي مع خواتي عاديه مافي ميانه قوية يعني سواليف عامة زي ابدا رأي أو يسألوني عن شي او يسألوني وين أمي وين أخوي فلان ووين بسس .. يعني مافي جلسة بيني وبينهم فيها تعمق بالسواليف وميانه واريحية

أما عن أخواني العيال نفس الشي بس أهون يعني أحاول أمون عليهم وأشيل الحواجز وشلتها مع الوقت
بس بعد سواليف عامة أساله عن شي عادي أقوله كيفك وأحاول أدخل بالسواليف .. وأعلق وأمزح بس


وصديقاتي علاقتي معهم مره حلوة الحمدلله .. يعني ميانه وسواليف عادي وأفضفض لصديقتي بالوقت اللي مفروض افضفض فيه لااختي بس لان علاقتنا مو مره فمااحصل الا صديقتي


بتستغربون من كلامي واني ذكرت علاقتي وطبيعته مع اخواني وخواتي وصديقاتي ..

أبعطيكم فكره عن كيف ووش سوالفي معهم .. بسس

نجي للمهم لو تزووجت زوجي كيف أسولف معه وش أقوله بالضبط وأنا انسانه هادية بس وسط يعني مستمعه أكثر .. ومااحب افضفض لاي احد ..

يعني كيف أخذ عليه وبالبداية وش تكون سواليفي معه .. الشي اللي مضايقني اني عفوية مره

يعني اقول اشياء بس لانها جت ببالي وهو الاحسن اخليها ببالي ولا اقولها بس عفويتي هي السبب

كل شي يطلع من لساني عفوي مره ييعني كأني طفله وانفعالاتي قوية يعين لما افرح شوي وأطير من الفرحة ومااقدر امسك نفسي واصرخ واضحك وطول اليوم بس اضحك يعني عادي يكون راح وقت الشي اللي فرحني
ويكلمني احد واضحك بوجهه فجاءة واقوله يالله ماني مصدقة صار هالشي هذا مع انه كان يكلمني بموضوع ثاني
بس انا تلقائية ومره عفوية .. يعني مدري كيف جايه شخصيتي .. فيه ناس يقولون لي انو انتي طيبة وبريئة
وبنفس القوت ذكية .. وهادية , بس مدري انا ماني عارفة كيف افهم شخصيتي بالضبط ..

وشوي الخبط بالكلام مع اني ماعندي تأتأه ولاشي بس مدري كيف يعني بقول كلمة ماتطلع مضبوطة مو مخارج الحروف ولا شي هي واضحة بس ملخبطة ياربي مدري كيف افهمهكم هالنقطة .. ! :(

غير كذا أنا أفكر كيف أتحمل مسئئولية وكل يوم أسوي غداء وعشاء وفطور واحنا نظامنا ببيتنا مافي وجبة غداء الا لاابوي كلنا لا وعشاء اللي يبي بس بالغالب يكون فيه عشاء وشي ينطبخ وثقيل يعني يشبع ..
بس عمرنا مااجتمعنا بسفره وحدة على الغداء او العشاء والفطور طبعا معدومة هالوجبة عندنا ..

فكيف فجاءة بصير أسوي غدا وعشاء وأجلس مع الرجل بسفره ماني قادره أستوعب هالشيء ..


غير كذا نومي عمره ماانتظم كل يوم لي نظام لاني من طلعت على الدنيا وانا اكره الروتين ومثلا انام بوقت واحد واصحى بوقت واحد انككككتم لو سويت كذا مااتحمل حاولت ولا قدرت ..

يعني عادي اليوم أصحى ساعه 2 الظهر وبكرا اصصحى 6 المغرب نومي بمزاجي ماله وقت محدد ابد .. وانا مرتاحة كذا صح ودي انظمه بس عدووي الروتين ..



كثرت كلام بس ابيكم يامتزوجات تساعدوني بمسأله الكلام والاخذ والعطاء مع الزوج كيف يكون اشرحو لي بالزبط والتفصيل لو ممكن :(

والمسئئؤلية والطبخ والنوم كيف أقدر أسيطر عليهم وأنا ماتعودت من عرفت نفسي عليهم :(


والله أي خطبه اتردد فيها عشان هذي الاشياء اللي ذكرتها

غير كذا أنا من فترة تعافيت من مرض روحي يعني حسد ومس ..
فماني قادره أرجع ثقتي بنفسي احسها مهزوزه مره ومدري كيف جايه شخصيتي ..




تكفون ساعدوني مالي بعد الله غيركم مابي ادخل على زواج بدون مااكون تهئيت نفسيا وحليت مشاكلي اللي قلتها .. الله يعافيكم وقفو معي ودلوني وش اسوي الله يكون بعونكم يارب