آآآآآه آآآآآ ه يا عبائر من هالبنات الله يصلحهن..

تخيلي ...لقيتهم اليوم خارعين ستارة المقلط عالاخر!!!! يعني الستاره تتمرجح طايحه..

وبكره عندنا فطور رجال... قسم بغيت اشق ثيابي..

طلع من عيوني شرار ومسكت الخيزرانة ولسب بالسرير عشان اخوفهم من صوتها..وهواش ووعيد..

وقفلت عنهم المقلط..بحرمهم منه اسبوع كامل..ويمكن اكثر.. خل يتأدبون..

والحين ما اكلمهم..يكلموني وانا ساكته.. بس عيوني تتكلم..

ونشوف...

واللي يقهر..ان حتى هالنبصه اللي ما بعد مشت..تمشي بالمشاية وتفسد..

سلة الكوي مليانه ..وتمر منها وتسحب الملابس وتحطهن على راسها<< يعني بتلبس..

والا تجي عند الزباله -تكرمون- وتسحب الكيسه وتكبها..هذا اذا ما نقت شي منها وقعدت بلحس فيه..

والريموتات ما تخليهن..وشواحن الجوالات دايم بالارض.. والله يصلح ما عطى

عدت..

نسيت اقول لكم ان زوجي معزوم عالفطور.. يعني اليوم ما سويت غير الشوربه اللي ركبت عليها قبل يعلمني انه معزوم..

بعدكم طلعت ولميت الزبايل - تكرمون- عشان روفي ما تلقى شي تكبه..

وكنست الصالة.. وكنت كابه كلوريكس بحمامي..دخلته وفرك وفرك وتلميع وطلعت منه..

والحين بسخن الشوربه لي ولبناتي..

ثم بنظف الصالة ان شاء الله..

كل عام وانتم بخير0
مساء الخير علي الجميع الحمدلله علي سلامتك ندو ووسعيس صدرك الدنيا مليانه هموم وحوس ودوس وهالصغار لو مالقيناهم دورناهم الله يصلح الحال يارب واحيانن الواحد تجيه ضغوط شوي وينفجر انا قدامك يااما انضغطت وانضغت ولالقيت فزعه من احد مع اني دايم اساعد لكن لقيت احسن فرصه اني اعاملهم مثل معاملتهم لي ولااستنا احسانهم يعني جميعا يمر بضروف قاهره ياما بكيت علي تصرفات تقهر بعدم التعاون واقول الله لايحدني لااحد0

بكمل يومياتي>>>لزقه
الساعه خمس عملت اللقيمات>>>ماشاء الله ويارب لك الحمد ضبطعت معاي وطلعت تهبل>>مداح نفسه
والساعه 6 الا ثلث حسيت بدوخه وغثيان مره.....كأن الوحام رجع
او من الجو المتلخبط رطوووووووبه والمكيفات تثلج بالليل
لمعلوميه/اخو زوجي راح من صلاة العصر لابوه وقال قبل المغرب بربع ساعه بجي
ولما بقي ع للصلاة ربع ساعه اتصل اخو زوجي وقال ماهو جاي لان اخوه اصرّ بانه يفطر عندهم
قلت فرصه>>ماحد عندي وبستقل وقت التقليط(لانه ماراح يجي الا العشاء>>ع حسب قوله)
اخذت لي دددش معتبر


لما اذن المغرب>>>اكلت تمره واحده وكوب ماء...ونقعت عنزروت بشاي
وصليت المغرب ثم شربت العنزروت(قلت يمكن برد اللي معاي)
حسيت بتعب زياده ثم راح
جلست ع النت مالي خلق اكل شيء
الا...
واخو زوجي يجي....كنت اكتب ردي السابق
طبقت النت
وجبت الفطور افطر وجلس ع التلفزيون

قمت للمطبخ افطرت شوي
وجلست العب مع سلوم لين اذن العشاء وراح اخو زوجي للمسجد
اتصلت ع اختهم توها والده .. >>باركت لها


والحين جالسه معاكم ...واحس بجو السخونه من غير حراره>>>يارب عفوك

سلااااااااااااااااااااااااااامي للجميع

ندووووووووووووش
الله يصلحهم عيال الزمن والله نشبه مع غلاهم
انا عندي واحد ع قد مايحوس ويبي كل شيء واللي ماعطيه اياه يفدع(يخرب)باي برغم بانه مشيب عيني


*********************
حلومه

اخبارك؟؟