(( قل مايعبا بكم ربي لولا دعائكم))

ولله قصص كثيره كثيره كثيره

من ظمنها قصه لاام من جماعتنا تقول
كان عندي مرت ولدي و كنت خاطبتها وانا مره احبها اعتبرها زي بناتي

المهم تقول لااحظت انها تغيرت معاملتها للاسوا و صارت تحاول تفرق عني ولدي باي ثمن و تسبب المشاكل حتى مع الشغالات و تتحرش بالدخال و الطالع......

تقول الام خفت اني اظلمها و كان واضح انها تبي تبعده عني باي وسيله و كان فيه تحريش يجيها
المهم تقول انا ماابي اكبر قلب ولدي عليها لانه مشغول و فيه اللي كافيه و تقول خفت اني اظلمها اذا دعيت عليها تقول صرت ادعي

((يارب اذا نيتها انها تبعد ولدي عني و تستاثر فيه و انا ماجاها مني اي ضرر يارب انك تعطيها على قد نيتها و تكفينا شرها و ترد كيدها في نحرها.....وكانها غير كذا يارب انك تهديها....وتسخرها لزوجها))
المهم تقول استمريت بذا الدعاااء و رحت للعمره و صرت ادعي تحت الكعبه بذا الدعاء
تحلف ماارجعت من العمره الا شهر بس وولدها مطلق زوجته......وكلاام ولدها يقول هذي مستحيل العيشه معها !!!!!!!!!!!!!!!!!!!

حرام ليش ما تكملون الموضوع نبي نتعمق فيه اكثر

يالله اللي عندها تجربه ماتبخل علينا

صح يابنات شاركوا معانا صدقوني راح تكسبون اجر

اخواتي انا قبل الزواج رحت اسوي فحوصات-----------------غاوية هم

المهم سويت اشعة على المبايض
قالت الدكتورة عندك تكيس واذا تزوجت لازم تبداي العلاج على طول علشان تحملي

اسودت الدنيا في وجههي

بكيت بحرقة

وصليت ركعتين حاجة وانا ابكي واتضرع الى الله ان يشفيني من عنده

بعدين بفترة رحت عند دكتورة ثانية سوت لي سونار
قالت ما شاء الله ما فيك شي

بعد زواجي رحت عند دكتورة ثالثة ---قالت ما فيك شي

مرة اخرى كنت الله يكرمكم اشطف واحسست بوجود حبة كبيرة

خفت خاصة ان الوالدة طلعلها نفس الشي وسوت عملية

المهم توجهت ايضا الى الله بقلب ذليل وعيون دامعه وسالته سبحانه ان يكفيني شر العملية
والحمدلله صرفت من تلقاء نفسها


في عاد شي ثاني ممكن يضحككم

يوم كنت في الثانوي كانت في مدرسة حاطاني في بالها
ودايم دايم تقهرني
وانا للأسف كنت احبها ----------------ايام ثانوي عاد لا تضحكون--بس صراحة في تلك الفترة كنت حرصة جدا على طاعة الله
المهم فكرت في نفسي وقلت قلوب العباد بيد الله
صرت اصلي وادعي في السجود انها تحبني

والله يا بنات انها صارت تحبني وتعاملني رقة ولطف وتميزني ايضا عن الباقي

وعليكم السلام السلام انا بخبركم عن قصتي باستجابة الدعوه

كنت باخر سنه لي بالجامعه وقسي كان صعب مرررره ولازم مذاكرة اول باول

وهالسنه امي تعبت كثير باصابتها للمرض هذاك((الشين))
وانا اكبر اخواتي ونفسيتي كانت تعبانه مررره
وعندي اخو صغير عمره سنه وبحكم ان امي كانت مريضه كان طول وقته معي حتى النوم ينام معي

وطبعا اخواتي صغار وماهم بعارفين بالهم اللي حنا فيه
وامي حالتها النفسيه متدهورة وبس تبكي وتقول من ااترك هالبنات والاطفال له وجدتي ام امي كانت اصيبت بالجلطه الله يرحمها برحمته ويغمدها فسيح جناته والحاله النفسيه عاملها عملتها بس كنا نبكي وين مارحت امي نمشي معها وحتى هي وبالحمام اعزكم الله كنت اوقف لما تطلع لاننا خايفين لايصيبها شي
المهم امي كانت تروح تاخذ كيماوي وانا اغيب عن الجامعه عشان اخواني الصغار اذا طلعو من المدرسه مايحسون بشي والبيت كان فيه خدم بس مااتكل عليهم وخاصه اخوي الا كان عمره بالاشهر لان المرض اصاب امي وهي بالنفاس
واقولكم قصه استجابة دعوتي من الله سبحانه وتعالي
في الامتحانات النهائيه ماكنت مستعده ابد
وامنية امي انها تشوفني متخرجه واول يوم اخوي صابته حمى واسهال وانتم بكرامه وامي كانت تعبانه مررره وجلست معها الى الساعه12 بالليل ولما شفتها نامت وارتاحت رحت لاخوي ولقيته مريض وحرارته مرتفعه مره وعطيته علاج مسكن بس الحراره مافدات معه الى ان جت الساعه 2 بالليل ونام وانا الى الان مافتحت الكتاب وبكرة الامتحان تخيلو وقبل لاينام احطه بحضني وافتح الكتاب ابغي اذاكر كان من شدة مرضه يبكي ويرمي الكتاب وانا ابكي معاه ماعندي خبرة بتعاملي معاه وانا وياه ساعتين كاملات وتخيلو طفل مريض وامه مريضه وانتي مامعك خبرة موقف صعب
ولما شفته نام فرشت سجادتي وصليت ودعيت ان الله ينجحني ويشفي امي واخوي ويشفي جدتي
وثاني يوم نفس الشي الى اخر يوم بالامتحانات
مذاكرتي حاجه بسيطه
وفيه مادتين دخلت وماحليت شي ابد الا كلام من راسي
والحمد لله نجحت ومااخذت دور ثاني ولا شي
وكلع من فضل الله ثم من فضل الدعاء

والحمد لله امي الان تعافت بس ادعو لها بالعافيه وطولة العمر ويخليها لي ولاخواني الصغار ويفرج همها
وجدتي توفت بعد الامتحانات بشهر الله يرحمها لان الجلطه جت بالدماغ
واخوي الدلوع الله يخليه لي الان عمره 4 سنوات ومدلع دلع لاخره يارب تصلحه

وهذي كل قصتي
اسفه على الاطاله