مو متأكده .. بس اتوقع ان رياضة المقص هي انج تنامين على جنبج اليمين

وترفعين رجلج اليسار لفووق وجلج اليمين تكون عالارض ويصير شكلهم زي المقص

وتكررينها كذا مره ترفعينها وتنزلينها .. وبعدين العكس .. تنامين على جنبج اليسار وترفعين رجلج اليمين :)

اهلين اخواتي رياضة المقص مثل ماقالت الاخت kteeer_nice

تكونين نايمه على جنبك اليسار مثلا وترفعين رجلك اليمين لفوق مو مره وتنزلينها بدون اي انتظار تقريبا 50 مره و كذلك على الجنب الاخر كرريها باليوم كثير بتلاحظين رجلينك شدت معك هنا بدا مفعولها ..ونصحتني فيها الدكتوره :)

مرحبااااااااااااااا

الغالية طلوع السلم يشد الأوراك ويقوي عضلتها .. بمساعدة كريمات السليوليت اللي تخفف من منظر قشر البرتقال للجلد .. والسالفة هاي يبالها صبر .. عندج بعض التمارين منها ..

التمرين الأول .. تحطين ايدينج الثنتين على خصرج وتنخفضين بظهر مستقيم للأسفل وبحركه بطيئة وتردين تطلعين وتكررين التمرين ..

التمرين الثاني .. تقعدين بطريقة القرفصاء وتمشين في الغرفة على قد ما تقدرين ..

التمرين الثالث .. تنامين على بطنج وترفعين ريلج بثلاث مستويات لين توصلين للوضع القائم ..

التمرين الرابع .. تقعدين على الأرض على الركبتين واليدين نفس وضع الحبو وترفعين رجلج اليمين مثنيه لأعلى على قد ما تقدرين وبعدين الرجل اليسرى وهكذا ..

أهم شي وانتي تطبقين التمارين يكون بطنج مشفوط قدر الإمكان وتسوين التمرين على قد ما تقدرين وما ترهقين نفسج .. ومتى ما حسيتي بأي ألم وقفي التمرين على طول .. والأهم من كل التمارين انج لازم تسوين تمارين التحميه مثلا تمشين لمدة ربع او نص ساعة وبعدين ابتدي بالتمارين ..

وبس ان شاء الله تفهمين التمارين ..
الله يوفقج .. ويوفق الجيمع ..

بعد فية تمرين مفيد جدا:
1- تنامين على ظهرك وترفين رجولك فوق وتحطين ايدينك او اذا ماقدرتي حطي مخدة تحت المؤخرة عشان ترتفع عن الارض وافتحي رجيلينك وهي مستقيمة إلى اعلى درجة بعدين سكريها على شكل × مرة قدمي الرجل اليمين ومرة قدمي الرجل اليسار

2- توقفين وتكون رجولك بعيدة عن بعض ويدينك ممدوة ومشدودة للامام بعد كذا تجلسين القرفصاء وتقومين كررية في البداية 30 مرة وبعدين زيدي

3- طريقة المقص جدا ممتازة وشرحوها الاخوات قبلي

4- نامي على ظهرك ويدينك خلف رقبتك وحاولي ترفعين رجلينك الثنتين مع بعض دون ثني الركبة ارفعيها لمسافة 10 سم تقريبا خليك ثابتة لمدة 10 ثواني في البداية بعد ذلك زيدي إلى لما توصلين 5 دقائق (اتحداك ان سويتيه يموووت:) )

ارجو اني اكون افدتك

مشكورين بنات عالمعلومات المفيده

و المشي بعد يشد كل الجسم و منها السيقان و الفخوذ و انا لاحظت هالشي