شرايكم نجرب مجموعة الدعم للتخلص من السمنه ؟؟؟؟؟؟؟

حبيباتي بنات منتداي الرائع

صباحكم ورد وياسمين وتفاؤل وثقه بالنفس حتى لو أوزاننا مليوووووون:11:

شوفوا بنات 00 ماشالله بهالمنتدى كل وحده ماقصرت بريجيمات ونصايح وقصص عشان تساعدنا وجزاهم الله الخير عنا 00وفي منا اللي نجح وتخلصت من سمنتها وفي منا اللي للحين تحاول ومره تصيب معاها ومره تخيب 000

كلكم يمكن تعرفون المذيعه الامريكيه أوبرا ؛؛ هذي كان وزنها 115 وبالاصرار والاراده شوفو جسمها وشكلها ولا بنت 20 سنه وهي عمرها 51 00 دشيت موقعها وقريت فيه واايد عن قصتها مع نزول الوزن وغيره 00 المهم لفت نظري بكلامها دايم عن ضرورة وجود مجموعة دعم عشان تساعدين نفسك وتكملين مع ريجيمك وحربك مع السمنه وايضا اهي حاطه لنك يدخلك على مجموعات الدعم اللي اهي فتحت لهم موقعها عشان يتعاونون 00 فقلت لنفسي ليش مانسوي مجموعات دعم بمنتدانا ونتعاون ؟؟؟!!!

ممكن نبتدي بمجموعه دعم للي محتاجين ينزلون 15 كيلو وفوق على اعتبار انهم في مشكله عويصه ومعنى هالمجموعه ان كل وحده تنضم لها كل ماضاق خلقها أو حست الشيطان بيلعب براسها وبتترك ريجيمها تدخل وتتكلم بصراحه عشان الباجي يلحقون عليها ويشجعونها بكلماتهم ونظل نسند بعض ونتقدم شوي شوي عشان اليأس مايدش لنا ونرجع نهون00وأيضا اللي نزلت شوي تقولنا وتوصف شعورها 00بس أمانه أمانه أمانه مانبي مبالغه بالكلام يعني كل مشتركه بهالجمعه تكون صادقه مع نفسها قبل لاتكون صادقه مع الباقي من المشتركات 00
هذي فكره بسيطه تحتاج العزم أولا وكل وحده تكون ناويه على خطه صحيه لنزول الوزن ويفضل مع خبيرة تغذية واللي ماتقدر تراجع خبيرة تغذيه يساعدونها اللي يراجعون وهكذا ؛؛ وربعن تعاونوا ماذلوا على قولتنا يالكويتيين 00

نشوف التفاعل مع الفكره الاول وبعدين نطلب من المشرفات تنظيمها بالطريقه اللي يشوفونها مناسبه وهمتكم يابنات وياسيدات :42: