وانا اتمنى ابدي عدل هالمره عندي اجازة سنويه شهر تقريبا وابدي ارد الدوام غيييييييييييير بس جني اعاند كل يوم اكل اكثر من اليوم اللي قبله
:27: بس الحين خلاص ابدي اضعف 10 بس مو طماعه مابي اكثر بس متى
ومشكلتي ما احب ارتبط برجيم لازم اخربط
بس الحين مخففه والله يستر (اخاف صج تخفيف ):26: :26:

وين جماعة الدعم .. احنا نبدي ونقول باسم الله ..
توكلنا على الله .. ويوم السبت نتلاقى وكل وحدة ملتزمة تسجل كم كيلو فقدت علشان نشجع بعض.
اتفقنا ..
على بركة الله......

يعني حبيبي احنا حنبدا ان شاء الله يوم السبت ولا اية انا مفش فاهمة

بعد إذن الأخوات:
يوم السبت كل مشتركة تدخل وتسجل وزنها الحالي .. وخلال الاسبوع نطمن على بعض ونشجع بعض.
والسبت اللي بعده تقول كم فقدت .. ونوع النظام الذي اتبعته...

شكرا على متابعتكم 00 وارجع أوضح فكرتي توضيح أخير للي مافهمتها 000

المجموعه هذي تختلف عن مسابقة تنزيل الوزن 000 بعطيكم مثل اقدر من خلاله اوصلكم الفكره ؛؛؛ تخيلوا معاي مريض نفسي (الله يباركلنا جميعا بصحتنا) يراجع دكتور نفسي ؛؛ اللي بيصير ان هالمريض بيظل يتكلم عن حياته والدكتور يسمع ونفس الشي بالجلسه الثانيه والثالثه حتى يجد المريض نفسه يتكلم عن امور في حياته ماعطاها اي اهتمام ولكنها من الممكن تكون هي السبب في الحال اللي وصل لها لأنه متجنبها ويهرب منها باستمرار ومهمة الطبيب هنا انه ياخذ بيد هالمريض شوي شوي ويغوص اكثر بداخله عشان المريض يشوف مكامن غضب واحباط منتثره بعقله البطن ومؤثره سلبا على حياته وهو ماحاول يواجهها ويبتدي الطبيب يشجعه ويسانده ويقوي عزيمته الى ان يخلي هالمريض مع الوقت يكون عنده القدره انه يوقف مع نفسه وييكلمها كانها شخص امامه ويواجهها ويحل مشاكله معاها000
هذا مجرد مثال اقرب فيه الفكره كالتالي 0000

احنا يالمتان(السمينات):42: مشكلتنا مو نقص بالاراده 100% أغلبنا ينقصهم هالدكتور النفسي بمعنى محتاجين من يسألنا مره واثنين وعشر (شفيكم ؟ وشنو اللي مضايجكم) ؛؛ لاتنسون ان علاوه على أمور البيت وتربية وتدريس الاولاد اللي تقريبا هي على عاتق الام 100% للأسف هناك اكيد روتين يومي أصبح ممل ومزعج أو فقدان عزيز ترك أثر بالنفس ونخاف نواجهه فيظل يضغط على النفسيه بطريق غير مباشر ؛ أو احباط بالدوام أو مع أي خطوة خططتيلها صح وماكانت النتيجه تسعد الخاطر بالاضافه للامور الشخصيه العائليه كل هذا يشكل ضغط عصبي رهيب يخلى أى شخص يدور طريق يفش خلقه فيه وينفس عن طاقته المكبوته فأكثرنا للأسف يحط همه بالاكل من غير مايحس ان ردة فعل على تعبه النفسي 000والغير يطلع همه بأولاده عصبيه وضرب والغير يطلع همه بشريك حياته أو زملاء العمل أو أو أو 0000ومنبع هالامور واحد ((((((( النفسيه مووووووو مرتاحه )))))) 0000

نمسك مشكلة تضبيط الوزن مثلا حلها هو النيه الجديه والأخذ بالاسبا ب اللي تخلينا نفقد هالكيليوات المزعجه ؛؛؛؛ وهنا يبرز دور مجموعة الدعم ودورها بيكون صاحبنا الدكتور النفسي اللي تكلمت عنا ؛؛؛؛ بمعنى عضوه من العضوات(أكيد محتاجين نسجل ونصير أعضاء:27:) متضايقه من شي محدد وحاسه انه سبب عرقلة يومها وسبب خربطة رجيمها تبتدي تتكلم وتقول عن ضيقتها وباقي العضوات يسمعون ويسمعونويسمعون وبعدها كل وحده بتعطي رايها وبتحاول تخفف ووحده ثانيه تساند بالكلام وتطمنها ان هذي مشكلتها بعد والثالثه تقوي عزيمتها وهكذا ويبتدي الجميع بين أخذ وعطا بالكلام(((( مثل الديوانيه))) تحس صاحبة المشكله انها خففت حملها الثقيل لان نص حل أي مشكله هو انك تتكلمين لطرف ثاني يشاركك فيها وماشالله ديوانيتنا فيها عشرات الاطراف:13: ؛؛ وطبعا خلال هذا بنتابع بعض بمشكلة الوزن اللي هي نتاج الحاله النفسيه وشوي شوي شوي كل عضوه راح تحس انها مجرد دخولها مجموعة الدعم (الديوانيه) وطرح مشاكلها وقراءه مشاكل باقي العضوات والمشاركه في الحل والتشجيع انها (( شحنت بطاريتها النفسيه)) وان هناك من يطبطب عليها ويهون مصاعبها وأيضا احساسها الرائع بأنها طرف في مساندة زميلاتها بيضفي عليها روح الزهو والثقه بنفسها وبعد هذا كله راح تنظر لأمورها نظره ايجابيه وتلاقي اها اصبحت أقوى من الداخل ومو بس بتنزل وزنها بل بتهتم بصحتها وهيئتها لأن السر هنا ان كل وحده تقول ((((((((أنا الرقم واحد في حياتي)))))) ومو القصد هنا الأنانيه والعياذ بالله ؛؛ لكن القصد انها تلتفت لنفسها من داخل وبره وتعطيها الاهتمام اللازم والمكثف عشان يكون عندها طاقه تعطي فيها الغير لأن(( فاقد الشيء لايعطيه)) 0000

اتمنى فكرتي وضحت 00 ولكم تحياتي 00:27:

اختي ام شهيد 00 حددتي يوم السبت للتسجيل لمجموعة الدعم واشكر لج هذي المداخله ؛؛ وانا افضل ننتظر رأي المشرفات عشان تكون ديوانيتنا شرعيه ماتنحذف بوسط المشوار ولكي تقديري0000