صديقتي كيف أبتعد عنها .. طفشتني

السلام عليكم انا عندي ظروف سيئة والحمدلله .. ومتأخرة بالحمل وكل همي في هالدنيا اني اتعالج واحمل والله ما افكر بشيء ثاني اطلاقا ... تخرجت من الجامعة وبقت لي منها صديقتي هذه .. انا ما انكر هي طيبة وخدومة لكن والله انها نكدية درجة أولى ... بحيث ان جلست معها ضيقت خلقي بسوالفها ماعندها اخبار مفرحه أبدا ... غصب تخلي الوحدة يرتفع ضغطها ويهيج عليها القولون ... كل سوالفها عن هموم الدنيا والحياة واننا لازم نتوظف ونجيب فلوس ومانقعد عاطلات هذا من غير السوالف الثانيه النكدية .. وصديقتي هذه هي هي ماتغيرت من ايام الدراسة ... احيانا تكلمني بالواتس واكون انا الحمدلله نفسيتي حلوه ومبسوطه ومتراضين انا و زوجي وبعد مانخلص واتس تنقلب حالتي واصير نفسيه والقولون يشتد علي .. غصب تخلي الوحده حزينه ونكديه مثلها ... تنقل طاقتها السلبيه لي ... المهم قررت اقطعها وغيرت رقمي والحمدلله ارتحت منها سنة وبعدها ماعرف من وين جابت رقمي ورجعت لعادتها ... وبسبب سوالفها تهاوشت مع زوجي من غير سبب وحولت بيتي لكآبه ... اوف ماعندها سالفه مفرحه ... كيف ابعدها عني خلاص ماصرت اتقبلها .. والايام هذه تلح علي تبي تزورني لبيتي وانا اصرفها ... يا بنات لا تقولون اني انا ما ابي صداقات لكن اذا الصداقة تجيب لي المرض والهم بلاش منها ..