.
.
ـ الجزء الأول ـ
.
.
في الصيف ماقبل الماضي التحقت بدورة تدريبية لتعلم اللغة الإنجليزية والحاسب فأنا وإن كنت خبيرة في عالم النت إلا إنني إكتشفت جهلي في عالم الحاسب وكرهت الحاسب وبرامجه !
.
.
عندما دخلت للقاعة وجدت أربع بنات صغيرات في السن إنهن أنهين دارسة الثانوية العامة ولم يتم قبولهن في الجامعة لذلك التحقوا بتلك الدورة التي ينظمها البنك ..
.
.
أول ما رأيتهم قلت في نفسي : يالليل اليــل ..بزارين ياقلب العنــا بزارين وش ذنبي أنا !
.
.
لكن لابد من تعارف فأي مكان في العالم لن تستسيغه ولن تحبه ولن تأنسه إلا إذا كونت صداقات إلا عالم ( النت )إن كونت صداقات مع رجل كان أو إمرأه صغيراً كان أم كهلاً فستدخل في دوامه وتعب ومشاكل لها أول ليس لها آخر !
.
.
( الهنوف ـ ديمه ـ ريمـا ـ أسيل )
.
.
أول ماوصلت ودخلت كان كل شيء يوحي بالكآبه ! قلت لنفسي لن أستطيع أن أندمج معهم إما أن يصعد مستواهم لتفكيري وإما أن ينزل مستواي لتفكيرهم طبعاً لم أكن أتعالى أو أتكبر لكن سنوات تخلق بيني وبينهم صراع الاجيال
.
قاعه عادية كبيره ..بنات يسولفون ...يعني أربع بنات في مكان مجتمعين وش بيسوون كلام وسواليف وضحك وذبات ..
القيت التحية عليهم بصوت عال : السلام عليكم ..
.
.
كلهم سكتوا وعم الصمت أرجاء المكان حتى إني سمعت صوت صدى صوتي مع ضجة الناس
.
.
طالعوا فيني وقالوا : وعليكم السلام وكأنهم يقولون وش فيها ذي بتضارب
.
.
بعد ما توجهت كل الأنظار الي قلت : يووه ماتلاحظون إن المكيف بارد مره <<-- في محاولة مني لتلطيف الجو ـ كيف الطف الجو وهو أصلاً لطيف ـ يعني مو الجو الجو يووووه شكلكم فهمتوني صح !
.
.
كانت الساعة تشير الى الثامنة والنصف في الساعة التاسعة تماماً صرنا نتكلم بصوت عالي جداً !تذكرت البزران اذا جو عند أحد يستحوون بعدين إذا أنفكت العقده وش يمسكهم بس !
.
.
إلا وتدخل علينا محاضرة الإنجليزي ..بنطلون جينز ضيق وحركات الله يرحم أيامك يا أبله ميثاء أيام الكعكات والنظارات أم العدسات المقعرة وكريم برلكريم الأحمر الي ريحته تعم أرجاء الفصل بل المدرسة بأجمعها !
سألت عن أسمائنا ورجعنا نسولف معها مرة أخرى أصلاً الحريم والبنات راس مالهم السوليف بس مو أي سواليف سواليف ..لأ في شي إسمه فن صناعة السواليف بعدين أعلمكم عليه
.
.
عددت أسمائنا ..
( المصممة ~ الهنوف ~ ديمه ~ أسيل ~ ريماا~ ...سكتت شوي بعدين قالت ...نوال )
.
.
الهنوف / شخصية مرحه جداً ..عربجية جداً ..تذب ذبات قوية ..جريئه بزياده ..بس قلبها طيب كريمه وتعطي بلاحدود دايم أقول لها إنتِ مسجله في منتدى العرابجه ..
.
.
في النهاية طلعت مسجلة بإسم ولد
.
.
ديمه / بنت هاي كلاس ...نعومة ..رقيقة ..صوتها ماينسمع ..نحيفة مرررا ..هذي إذا قالو كيوت تطري على بالي ..وعيونها كأن فيها دموع من ربي كذا
.
.
أسيل / راعية واجب تعطيها سن أكبر من عمرها الحقيقي كل يوم تسوي لنا حلى وتقدر المطبخ تحب الأطفال ا جسمها ممتليء وشعرها طويل وماتلبس بناطيل كل لبسها تنانير طويله ..
.
.
ريمـا / هذي إذا قالكم عايشه في عالم آخر أنا أعيرها بـ (خيال ).. يعني اذا قالت يخيال قالت نعم
دايم تحط السماعات حق الجوال في إذنها مدري وش تسمع ؟؟؟أقعد أناظر في تقاطيع وجهها ودي أعرف وش تسمع قرآن ؟؟أغاني ؟؟ وتصدقون ماعرفت !أقولكم خيال ماصدقتوني وجهها غير معبر بالمره جامد سبحان الله ..
كلامها شوي طبعاً أكيد لإنها مستمعه جيده ..لكن شخصيتها قوية جداً ..وماعليها من أحد الي طار يطير والي راح يروح بسلامة الجميع ...!
.
.
.
نــوال : غايبه ...!
.
.
أنا أقول في نفس يارب ماتصير بزر مثل التينيجر هذولي ..!ويقطع حبل تفكيري صوت الهنوف المبحوح ..
الهنوف : ماجت غايبه ..حظها هههههههه من أول يوم غياب ليتني غبت بعد أنا
.
.
بنات وش تتوقعون نوال ذي وش هي طختها ؟ مثلنا مؤدبه
ولا شيطانيه ومسوية قرنين وتلبس قبه وجبهتها تلمع .
.
البنات قعدوا يحشون ماصدقوا إن الهنوف فتحت موضوع وهذا دأبهم الحش والنقد والكلام أي بنات في العالم يستطيعون خلق عالم مرح وسعيد إذا أجتمعوا ..
.
.
أما أنا فنزل عقلي كثيراً لمستواهم دحدر المؤشر وهذا ماكنت أخافه
..ليس نزولي عقلي مايؤرقني لأ كنت أخاف أن ينزل ولا يرجع يطلع ..!.
.
لذلك إنتابتني حالة من الصمت ولم أتكلم حينما بدأ الجميع في تصور شكل نــوال أسمع ضحكاتهم وأشوف وجيههم بس ماكنت معهم أبد!
.
.
كنت أتسائل ( صح وش تطلع نوال ذي ؟ يالله بكره تجي وحده نتفه ببنطلون ضيق وقصة بوي مثل خوياتها تتفلسف وترطن إنجليزي أجل مثلي الناس وصلو المريخ وأنا واقفه في سره انتظر دوري !
.
.
---------------------------
.
.
الوطن!! هو الجسد الحيُّ الذي يعيد الروح لبقايا الرماد..
.
.
لا تنتظر كثيرا للبوح بحبك قلها اليوم , فربما غدا قد فات الوقت لقولها
--------------------------------------
.
.
.
أنتهى اليوم الأول ..والثاني ..والثالث ...
.
.
خلال هذه الأيام زادت علاقتنا وأصبحت قوية أكثر من قبل ..ولازلنا في إنتظار نوال وسبحان الله إذا كنت تنتظر شيء وشاغل كل تفكيرك فيه فثق بإنه لن يأتي !
إذا طلعته من دماغك فسوف يتحقق !
يوم الثلثاء لم نعد نترقب ( نوال ) أصبحت هامش بالنسبة لنا !
ونحن نستعد لقدوم أبلة الإنجليزي <<--- عقدة عندي أي محاضره أسميها أبله حتى لو هي دكتوره إلا حتى لو هي بروفسوره !
.
.
دخلت القاعة بنت مدري ملاك مدري ملكة جمال مدري ملكة أناقه شي حلو وماينوصف!
يعني أحياناً تشوف وحده حلوه بس مو أنيقة ومقربعه نفسها وأحياناً تشوف وحده أنيقة بس الجمال من جنبها ونادراً ماتشوف وحده لا إله إلا الله جامعه الإثنين ..
.
.
أنا ناظرت بتعجب !
أما الهنوف فتحت فمها لا شعورياً من شدة الذهول ودها تذب بس هيهات شكلها نست كل ذباته الأليمه !
.
.
أسيل أصبحت تنظر بإعجاب شديد وبإحترام وبتبجيل فهي تقدر الأشخاص (الحلوين ) كما تقول
.
.
ديمه لاتنظر الى نوال بالكثير نظرة واحده وبخجل وبإستحياء أجزم بإنها لم تكن نظرة بل إستراقة نظرة !
.
.
ريمــا بقت كما هي لم تتحرك شعره فيها كأن أحد لم يدخل ولاااااااااشي أي إنطباع مافيه كان ودي أقوم أهش بيدي قدام عينها بشوف فيه إرسال ولا لأ ..
.
.
دخلت نوال وتلفت الجميع إنها حقاً ساحره أخذت كل الأنظار والحمد لله ليست صغيرة في السن يمكن في نهاية العشرينات بداية الثلاثينات الحين ماعاد تعرف العمر الحقيقي ..
.
.
كل يوم نضحك مع المحاضره ونعلق وهاليوم بالذات أصابنا نوع من الحياء لوجود أخت جديدة لنا في القاعه حاولنا نتعرف عليها لكنها ليست من النوع السهل التعرف عليه......... بالعربي ( ماعطتنا وجه )
.
.
أنتهت المحاضره وخرجت نوال بسرعه ..كانت ترتدي قميص بربري بيج وتنورة بيج وحزام بني اللون وحقيبتها ماركة بربري أيضاً وكذلك حذائها وشعرها مستشور على تحت مصبوغ صبغة بلون الشيكولاته <<--- هذا إذا قالكم فصفصناها فصفصه مدري وش بقينا للعيال
.
.
خرجت نوال وكأنها تقول لا أريد أن أتعرف عليكم (من زينكم إنتم ووجيهكم !)
.
.
وخرجت كذلك الأبله <<--- عجزت بقول أستاذه بقول دكتوره ماقدرت
.
.
وبقينا شلة الأنس أكيد بنقول إنطباعاتنا عن (نوال) ..
.
.
ناظرت في هنوفه وقلت لها هاه هذي الي مسويه قرنين ولابسه قبه !
.
.
قالت الهنوف : نسيتي إني قلت جبهتها تلمع والله ياهي تلمع بقووه وش تحط بوجهها لا يكون كريم ماركة بربري ههههههههه إلا هي وش فيها مبربره اليوم شكلها راحت محل بربري وخمت خخخخخخخ يلعن أم التكبر الي كذا يعني علشاننا شيون خخخخخخ
.
.
قالت أسيل : بنات تتوقعون إنها أميره ..تهبل وش أسم عايلتها ..حسافه ليتنا سألنا الأستاذه ! أوووووف راحت علينا ودي أعرف هي بنت مين ..شكل أمها لبنانية ولا شي ..
.
.
أما ديمه فقالت : يااااااااي ماشاء الله حلوه عجبني روجها كأنها أمل العوضي كيوت وشيك ودي أتعرف عليها عشان أسألها من وين ماركة الروج درجة الزهري اللحمي مدري عديم اللون هذي الي أبيها من زمان ياربي من وين لقتها ..!
قلت لديمه هذا وإنتِ ماناظرتي إلا نظره وحده شفتي لون روجها ههههههههه
.
.
ريما قعدت تناظر فينا وحنا نتكلم بحماس وقالت : إنتم وش يدخلكم في بنت الناس أميره والله أميره على نفسها موب علينا ياشين القطه هذا وهي ماعطتكم وجه حتى نظره ماناظرت لكم وإنتم منهبلين أقول أركدو اركدو شوي حتى جزمتها خزيتوها ياشين التلزق بس قالت الجملة الأخيره وهي تركب سماعة الجوال وتهز راسه يمنة ويسره على حالنا ! ..
.
.
أما أنا فقلت في نفسي بسلامة الجميع أهم شي إنها مو بزر كبيره شوي يعني ممكن نتفاهم أنا وياها ولو بنزل عقلي بنزله شوي بس ولو تبيني أنزله كثير نزلته <<---- بدأ التلزق من قلب
.
.
--------------------------------
.
.
.
وأخيرا لا تنتظر لأنك لاتعرف كم من الوقت سوف تنتظر