شوفي القطع الي أنتي حاطتها على الكنب لونها فاتح شوي ...
راح تلاقي في أيكيا .. لون بنفسجي نفس لون الخداديات ..
وقماشها وطريقتها جدا حلووووه .. انتي راح تلا قيها ملفوفه .. وقماشها زي طريقة الصوف الي ينعمل بسناره ..
لاكن حتجي جدا رائعه أذا حطيتيها على الكنب ..
وممكن تحطي وحده على الطاوله بطريقه فنيه ..

وعلى فكره الشموع الي أشتريتيها جدا حلوه مناسبه مع الجلسه ..

زهرة بيتي
دورت سجادة بنفسجية في هوم سنتر وايكيا وما لقيت :( بعدني بدور ما بيأس لين ما أحصل اللون اللي في بالي
أنا يا أختي مب بس تعبانه أنا هلكانه أولاً عيالي اثنينهم رضع واحد منهم عمره سنه و11 شهر والثانية 10 شهور ومب ملحقة أأكل هذا ووأأكل هذيج وأبدل حق هذا وأبدل حق هذيج ويصيح هذا وتصيح هذيج وأداوي هذا وأداوي هذيج طول اليوم ركضة تأكيلهم بس ياخذ ساعتين لكل وجبة لأنهم تخيلي ....ما ياكلون إلا بطلوع الروح كأني أربي توأم فعشان جيه يبت مربيه تعاونني في العناية بهم خلينا كل شي في البيت يولي وتفرغنالهم وبعدنا مب ملحقين
كانت عندي طباخة أندونيسية مع المربيه الفلبينيه كانت تهتم بشغل البيت لكن ما حبيتها وسفرتها ولا أفكر أييب غيرها أما الفلبينيه أحتاجها ولا بضيع بروحي ويا العيال هي بطيئة ولا تعرف شي في شغل البيت إلا غسيل الثياب والكوي وإذا شلت صحن ولا كوب لازم تكسره قلت خللج جليسة أطفال وأنا بسوي كل شي ..علماً بأني ولا مرة غبت عن العيال وهم وياها لأني ما أئتمنها عليهم يعني هم تحت نظري يوم أطبخ تشل العيال وياي تحت وأنا أسوي الغدا ونأكلهم في المطبخ.. يعني أنا ما أعتمد عليها في شي إلا الغسيل والكوي.. بس

ام ميثا
الله يعينك و يعطيك العافية امييييين ....
انا كنت مثلك ... بس لازم تعتمدين عليها في الشيل و الحط و الغسال و تجهيز اكلهم ...
تصدقين انا عيالي لا يمكن ياكلون من يدي , اموت من القهر , من القمهم لقمة , يكبونها , كأنه نحاس لي او لفت نظر , مع الشغالة ما شي الحال نوعا ما ....

الستارة اللحين طلعت حلوة ....

والخدايات بعد حلوين لكن الكنبه اللي مسندتها على الستارة شيلي الخدايات اللي على الأطراف ... لان عددهم كفاية ..

بعد في قماش انتي حاطته على الكرسي صراحه مخرب شكل الكنب ومو حلو شيليه احسن استغني عنه ...

اما بالنسبة لترتيب الكنب الصور وااايد كبيرة يا ريت اتصغرينها ..

بس اللي مبين عندي ان ترتيب الكنب طلع احلى بس في شغله اللي هي تداخل الكنبتين مع بعض ...

والرفوف لو اتحطين فيهم كل اغراض المطبخ وبجذي تستفيدين منهم ؟ لاني احس الاغراض مبعثرة اشويه يبغيلي لك اترتبينهم فوق طاولة او في الرفوف ...

الزرع وااايد حلو ومتناسق مع ديزاين الغرفة ... بس الاكسسوارات حلوة لكن افضل انك اتشيلين منها اشويه واتقللينها ...يعني اتخلين بس الشموع والعلبة البيضاء اللي في الوسط ....اي صح شيلي السعر منهم ؟ههههههههه نسيتيه خخخخخخخخ ؟؟

الاسلاك منظرها مو حلو متعلق في الجدران حاولي اتلمينها وتخفينها ...

الصبغ وااايد حلو ورووووعه ...

الطاولة خليها اتكون مقابل الستارة ....

احس طاولة الاكل وااايد مضيقه عليهاالمساحه ...؟
وافضل انك اتشيلين الاغراض اللي عليها واتخلينها فاضيه لانها صغيرة ويفضل انك ما تزحمينها بالاغراض ....

وبس هذا اللي عندي من ملاحظات وان شاء الله اتكون في محلها ...

السلام عليكم
ترتيبك الاخير حلو
لو سمحتى من وين اشتريت حامل الاكواب والصحون