أنا مع أختي أو جاورس ... هو انج تخلي مكان المطبخ مكان مفتوح يعني تشيلي الجدار
وتغيري الصبغ... واذا حبيتي تغيري الكنب.. اعملي جلسة عربية أو كنب صغيرة وعلى الزوايا حطي
نباتات طويلة ... ومكتبة التليفزيون تغيريها شكلها مو مناسب مع الصالـة ... اشتري طاولة أصغر...
والستارة غيريها اشتري ستارة تناسب الصبغ الجديد...





أرجو أن أكون قد أفدتج

اهلين اختي
من خلا ل الصورة يلاحظ ضيق واستطالة الصورة فبالاضافة الي ماذكرنه الاخوات من افكار جيدة فأرى بانك تلبسين الجدار المقابل لمكتبة التلفزيون زجاج وذلك لاعطاء نوع من الاتساع للصالة ، وكذلك الجبس تدهنينه بلون معتق او بيج ، مع اني اؤيد فكرة الاخت اللي ذكرت انك تشيلي الجدار اللي بين الصالة والمطبخ ، خاصة وانه بيكون اوفيس يعني الافضل انه يكون فقط بارتفاع متر او اكثر بقليل

ماشاء الله افكار حلوه ....


انا من مع الاخت أم جاورس انك تشيلي الطوفه وتخليه مطبخ مفتوح.... على الصاله

صالتك مستطليله بس بعد بين انها صغيرة كم مساحتها ...؟؟
راحت تطلع زي هاذي





وبالنسبه للتلفزيون حاولي اتجيبن التلفزيون المعلق ...

حتى تستغلي مساحه اكبر زي هذا.



..

سلام يا جماعة ... انا رجعت مرة ثانية ....

قرأت اضافات الخوات و شدتني وايد فكرة الاخر اسير نجد.. و هي فكرة المرايات على الجدار.. بس انا اقترح انه المرايا ما تكون على الجدار المقابل للمطبخ لان الصالة راح تبين اطول مما هي عليه اصلا... يفضل لو يظل مثل ما هو معتق بلون غامق.. و في المقابل فكرة المرايا تخلينها على واحد من الجدارن الطويلة.. بهالطريقة ما راح تبين انها مستطيلة.. بالعكس راح تبين اوسع مرتين و حتى الجدار المعتق و المطبخ (خاصة اذا كانت المرايا تغطي الجدار كاااااملا يعني من السقف للارض و من اول الجدار لاخره) راح يبينون اكبررر و اعرض بوايد...

فكرة المرايا جدا جميلة على صالتج يا اختي.. مع تعتيق جدار الشباك و فتح المطبخ راح يتغير منظر الصالة 360 درجة.... و تبين الصالة اعرض و اوسع...

موفقة يا اختي...
و اذا بغيت اي مساعدة زيادة احنا في الخدمة...

اعجبتني فكرة الكنب على شكل حرف L بس مافهمت وين احطه بالضبط

وبالنسبه لجدار المطبخ فهو صعب شوي ازالته لان داخله اسلاك واشياء صعبه مره

فأنا فكرت اخليه مكانه واسكر الباب حقه بستاره او اسوي على الباب حق المطبخ اطار

وشرايكم ؟؟

واعجبتني فكرة تعتيق الجدار اللي عند الستاره بلون بني غامق

وهل يناسب اصبغ الجدار اللي يقابله حق المطبخ بنفس اللون ؟؟

واشكر لكم تفاعلكم وان شاء الله اول مااخلص من الصاله راح اوريكم صورها