لا انا بخليها مجلس حريم وبسوي مجلس الحريم غرفة معيشه

انا اتخيلتها كذا احسن واللي باليسار شيزلون واليمين كنبة صوفا 3 مقاعد واللي عند الشباك كرسيين والكنبه بمقعدين معطيتنا ظهرها والكراسي عند الشباك وممكن استبدال الكراسي بالكنبه اللي بمقعدين والزاويه التلفزيون
وماتنسي الطاوله وباقة ورد علشانك

آآآآهاااااا...حلو...
فكرة ام جاروس حلوة بس قلتي انك ماتقدرين تنفذينها...
من رايي انك اول حاجة تدورين لك طقم كنب حلو ومو مكرر,,,,مري طريق الملك عبد الله فيه محلات روعة,,ومو غالية مرة.. وانت صالتك موكبيرة يعني بيكفيك طقم واحد...اسعارهم من7 الاف الى 10

معليش اضفت الرد وانا ماكملت بربرتي,,,,
الكنب احس انك تاخذينه جاهز ومنفذ احسن منانك تتخيلين شكل معين وتتحطمين اذا ماصار نفس اللي ببالك...
اخذتي الكنب.. شوفي وش يناسبه من الالوان الغامقة.. (يعني اذا من درجات العنابي مع اني ماافضل لانه منتشر) اصبغي جدار المطبخ اللي عالصالة مع الزاوية بهاللون الغامق,,, وخلي باقي الصالة على حاها,,لونها حلو ويمشي مع كل الالوان....

وخذي لك من طقم طاولات اللي تجي كبيرة ومستطيلة اومربعة وياليت يكون لونها بني غامق لانه يعطي فخامة اكثر..بما انه مجلس حريم..بس انتبهي يكون لونه مختلف عن لون خشب الكنب..لازم يكون لونهم واحد اومتقارب عالاقل,,
اما جدار المكيف ماانصحك يكون غامق لانه بيضيق المكان,,,واذاتكررت حركة البوية الغامقة في اكثر من مكان تمصخ وتطلع مالها داعي,,,
جدار المطبخ الغامق ممكن تحطين فيه فترينه خشب بلون مقارب للطاولات بس من النوع اللي فيه سبوت لايت جوا...وتعبينه تحف وشموع واشيا نعومة بس لايصير زحمة..يعني كانك عارضة الحف فيه عرض..والجدار الثاني(الزاوية) خلي فيه شماعة للعبايات مع انتريه,,اومراية فخمة باطار عريض,,,وتحتها اريكة صغنطوطة بقماش هندي مشكوك,,,
:09: :09: تعبت اكمل بعدين,,واذالقيت صور نزلتها..

افا عليج اختي عاشقة ... احنا على طول في الخدمة...

اختي كلاميسو افكارج روعة.. بس اتوقع بتطلع تجنن على صالة كبيرة و واسعة... بس صالة عشوقة وااايد صغيرة على الاثاث اللي قاعدة تقترحينه... احس راح يضيقها اكثر مما هي ضيقة... و بتصير الصالة زحمة..
و ما اظن لو صبغت جدارين متقابلين بلون معتق راح يضيق المكان.. ممكن تختار تعتيق فاتح على غامق و بهالطريقة تتجنب الضيق... و بعدين الجدارين المقترح صبغهم هما الجدارين الصغار مو الكبار او العراض..

اختي عاشقة... انتي سالتي عن الالوان و الاثاث... طبعا اكيد تعرفين ان اللون يلعب دور كبير في توسعة او تضيقة المكان... بس في نفس الوقت ما نبي نختار غامق و تطلع الصالة ضيقة وااايد و لا فاتح و بتكون مملة ... احسن حل اخلطي لونين غامق و فاتح.. مثل الاصفر و الازرق الغامق او البني مع البرتقالي او البني مع الازرق الفااااااتح... و ممكن حتى تمزجي غوامق مع بعض بس بطريقة تعطي المكان دفىء بس مو ضيق...مثل اللون الاحمر القاني و البني او البرتقالي الغامق مع البني و هم ممكن تجربين تخلطين بين الوان صارخة .. عادة الاحمر و البرتقالي يكونون منتهى الروعة مع بعض... و ممكن انتي تدورين اكثر و تاخذين افكار اكثر من محلات الديكور..

اما اذا ما كان عندج جرأة حق الالوان الغريبة.. فممكن تستغني عن القطع الكبيرة في الالوان الصارخة بقطع صغيرة.. مثلا اذا حبيتي تجربين الاحمر و البني... و متخوفة من الاحمر... فممكن تجربين ان تكون الكنبة كلها بنية و تحطين خداديات حمرا و مزهريات حمرا و ترمين مفرش احمر على طرف الكنبة... و هذا بس مثال طبعا انتي اللي تحددين في النهاية اللي تبينه...

اما عن اثاث ايكيا.. انا سمعت واايد ناس يذمون فيه بس لاني وااايد احبه.. اصريت لما تزوجت انه كل اثاثي يكون من هناك (ما عدا الكنب) و بصراحة مو ندمانة ابدا ابدا... صار لي استخدمه فترة طويلة و صامد و معاي و لا متعرض لاي تغيير و لا شيء.. بالعكس ممتاز جدا جدا... بس انتي لازم تكونين حذرة في الانتقاء.. و في النهاية الاختيار لج...

بسني عااد.. هذرت وااايد...

ان شاء الله اكون قدرت افيدج اختي..

موفقة