اختي عاشقة الجنان...

رسمة الصالة حلوة... بس عندي اخر اقتراحين زيادة لها بما انج قررتي تحطين مراية على جدار من الجدار الكبار (هذا اللي واضح من الرسمه) فيفضل لو تحطينها على الجدار المستوي تماما يعني اللي مو عليه باب او شباك او مكيف.. بهالطريقة المراية ما راح تنقطع و راح تعكس لك المكان كاااااااااامل و بيعطي ايحاء انه الصالة ضعف حجمها الحقيقي بالكامل مو بالنص... اما الزاوية المقابلة لطاولة الطعام... حطي فيها زرعة كبيرة من النوع اللي تكون اوراقها عريضة.. ترى الزرع داخل البيت يعطيه روح و لمسة غيررررر...

و في النهاية الرأي الاخير لج...

اخر سؤال.. شنو قررتي على الاضاءة؟؟ عندي افكار روعة لج عشانها..

الاضاءه بااغيرها بعد وش اقتراحاتك عليها

بس الظاهر اني ماراح اقدر اصبغ الجدار ببني لاني زوجي مااعجبته الفكره

بس المرايه ان شاء الله بااسويها وماافهمت عليك الزرع وين احطه بالضبط ؟؟

وبعدين في اماكن كثيره بتكون فاضيه ومو معقول اني مااحط بالصاله الا كنبه وحده

يعني لو بيجي عندي ضيوف ماتكفي احطهم كنب وحده واتوقع المخدات ماتكفي

وش رايك ؟؟

انا كنت ابي اقترح عليج السبوت لايت.. لكن لاحظت انه اضاءة صالتج اصلا سبوت لايت.. اما بالنسبة للاضاءات الثانية فانا اقترح تستخدمين الاباجورات الطويلة.. و اللي تنعكس اضاءتها على الجدار و السقف... ان شاء الله الفكرة واضحة...؟

اما بالنسبة لصبغ الجدار مو الا يكون بني لوحده.. ممكن يكون بني ممزوج بالوان فاتحة.. لاقناع ريلج اختي دوري في المنتدى عن مواضيع التعتيق و الصبغ لان اعرف اشقد صعب تقنعين الريال بها... انا زوجي من هالنوعية و ما يقتنع الا بعد ما اجمع له الف صورة و اراويه و يقتنع..جربي مو خسرانة شيء...

بالنسبة لمشكلة الكنب.. ممكن تضيفين كنبة زيادة اذا حابة.. بس اللي تكون من النوعية اللي بدون مسند من ورا.. يعني تكون مفتوحة من الجهتين.. ما ادري فهمتي قصدي او لا؟؟؟ و اقترح عليج انج تغيرين وضعية الكنبة اللي على شكل L بحيث انه زاوية الكنب تصير عند زاوية الجدار ... و بهالطريقة بيصير عندج المكان اوسع و يتحمل تضيفين كنبة زيادة لكن ما انصحج اختي بكنبة كبيرة.. لان صالتج صغيرة.. و بتصير زحمة عليج نفس حال صالتج الحين...

بالنسبة لمشكلة القعدة بعد..و الضيوف... ممكن تزيدي من عدد الكراسي على طاولة الاكل ,,, تحطين العدد اللي تبينه حوالين الطاولة و تاخذين اثنين زيادة و تخلينهم على صوب في الصالة.. و بينهم طاولة صغيرة.. و ممكن تحطين عليهم خداديات صغار يكونون من نفس نوع الخداديات اللي بتحطينهم على السوفا الكبيرة و السوفا الصغيرة.. و بكذا بيصير تناغم بين الصالة و طاولة الاكل... و في نفس الوقت بيكون عندج اماكن زيادة للقعدة...

اما بالنسبة للزرعة.. فانا قصدت مقابل الطاولة على الجدار الثاني... يعني على الزاوية اليمين (حسب الصورة) ... و في النهاية انتي ادرى بقياسات صالتج و الغرض اللي تبين تستخدمينها له.. فانتي وحدج تقدرين تحددين كل شيء بشكل نهائي..

بعد؟؟

أنا راي انك تشتري التلفزيون المعلق وتعلقينه على الجدار احسن من المكتبة لانها ماخدها مساحه كبيره

لو تذكرت شي ثاني بقولك عليه لان بصراحه اللي لفت نظري اكثر شي هو مكتبة التلفزيون مالها لزوم ابدا وكمان المكيف ليش ماتركبين مكيف اسبليت يونت بيكون شكله احلى من مكيف الشباك

ام جاورس\

مشكوره تعبتك معاي وباحاول قد مااقدر اقنع زوجي بالصبغ وشكرا على فكرة الكراسي الزياده

المستقبل المشرق

التلفزيون حق مقاسه 35 بوصه يعني كبير ومابنتعلق

والمكيف بااغير ان شاء الله شكله الخارجي بس مافي داعي احط سبلت

والمكتبه انا حاطتها مؤقته وان شاء الله اني بااشيلها

وشكرا على تفاعلك معنا