ضرتي مو راضيه تستوعب انه زوجها عنده بيت تاني

السلام عليكم ورحمة الله وبركاته

اولا الحمد لله انو لقيت منتدى حلو وفيه عضوات كتير متعاونات وبيحبوا ينصحو بعض
ثانيا الحمد لله انو تم تفعيل اشتراكي وهادا اول موضوع لي واتمنى تساعدوني فيه واتمنى كمان انا اساعدكم بمشاكلكم ونكون متل الاخوات :)


انا مشكلتي انو انا تزوجت من خمس سنين من رجل متزوج وجيت هون على بلدو
حبينا بعض والحمد لله عايشين بسعاده ورزقنا ربي ولدين وبنت

تمام ؟

المشكله انو زوجته الاولانيه وحتى بعد خمس سنين مو راضيه تكف بلاها عني
مو راضيه تستوعب وتفهم انو زوجها خلاص اتزوج وصار لو بيت تاني وزوجه واولاد
وانو كل يلي عندها رح يكون عندي متلو بشرع رب العالمين

بتضل تتصل بزوجي على الفاضي والمليان في اوقات عيب انو تتصل فيها مره عاقله
بتتصل الساعه 2 بالليل وقت اللي بتعرف انو سهرانين انا وزوجي وقاعدين لوحدنا يعني عيب عيب عيب وترسل رسايل غزل على موبايلو لما يكون عندي مو عارفه انو هي آخر همه لما يكون عندي

وتصرفاتها متل الاطفال بتتصل وتسكر التلفون
اول ما تزوجت سكنت مع زوجي بدوبليكس وبعد ما جونا الولاد نقلنا على بيت أكبر هي الله وكيلكم عرفت من هون وصارت متل المجنونه وكل يومين تمر من باب البيت لتشوف شو عملنا ديكورات
وتتصل بالمقاول تسالو ايش عم نعمل ديكورات بالبيت بعدها انا قلت ما راح اسكت الها المجنونه هاي
وتصلت فيها وقلت لها لو شفتك ماره من باب بيتي يوم راح فرجي الحاره عليكي بس بدون ما يعرف زوجي واكيد هي قالت له بس هي الغلطانه
وحزرت المقاول انو ما يخبرها بشي بعدها قال لي انو اتصلت فيه ولما رفض يخبرها صارت تسبو وتسب جنسيتو لأنو من نفس جنسيتي
طيب هي ساكنه ببيت كبير واكبر من بيتي يعني ما بعرف ايش بدها بس الباين انها انسانه حقوده وانانيه
وبتعلم اولادها يقولوا كلام وصخ لاولادي طيب هذول مش اخواتهم

وضلت تنقل عني كلام لأهل زوجي وتنم وتكزب حتى صاروا اهل زوجي ما يعزموني الا ازا كان زوجي موجود اما ازا كان مسافر ما يعزموني لأنو بيخافو يزعل
لما بتكون ليلتها ما بتصل بزوجي ابدا اما هي لما بتكون ليلتي بتضل تتتصل تتصل او بتخلي اولادها يتصلو انا صرت افصل الخط بدون ما يعرف زوجي

وعم بتقول لكل الناس انو انا عامله عمل وشعوذه لزوجها وخاطفتو منها وساحرتو ومدري شو
استغفر الله العظيم وهي عارفه انو زوجها هو يلي دق على باب بيت ابي وخطبني وكان حيموت ليتزوجني
مروحده اتصلت فيني عالبيت وقالت لي الله يخليكي ممكن وصفة السحر اللي عملتيها لأبو فلان يلي هو زوجي لأنو نفسي اعملها لزوجي علشان يصير خاتم باصبعي
انا وقتها كنت راح ابكي وانا متأكده انو هاي وحده من طرفها وانها مريضه نفسيا متلها
قلت لزوجي وراح لها وضربها لكنها مو راضيه تتعلم الادب
تصرفاتها تمام متل الاطفال بيقول لي زوجي انو طينت عيشتو بدها يغير اسمي بموبايله هو مسميني ( نعوم ) وهي حاطه دوبها دوب هالشغله السخيفه فقال لها خلاص راح اغيره ولا يصير خاطرك الا طيب وسماني ( نعوم وابيض )هههههههه الله يخليه لي ولا يحرمني منو

ساعدوني الله يرضى عليكم كيف اتجنب شرها خصوصا انه مافي مجال نبعد عن بعضنا بالسكن او نفرق الاولاد لانو زوجي بدو هيك