انتبااااااااااه
انتباااااه
اصغوا الي يا معشر الرشيقااااااااااااااات
عندي اقتراح ياريت تطبقووووونه
نبي كل وحده منكم تكتب لنا شنو تغير بحياتها من يوم السبت...؟
من حيث نظام اكلها
(الاوقات)
نوعه
كميته
النفسيه...كيف صارت وكيف كانت بالسابق
النوم.. كذلك كيف كان وكيف صار
نظرتها للمستقبل كيف كانت وكيف صارت
علاقتها باهلها وعايلتها واصحبها
عملها.. نشاطهاااااا
احلامج وامنياتج ماذا كانت سابقا وماذا اصبحت الان
واللي عندها شي تظيفه ما في مانع بالعكس نرحب فيها
السبب من هذا الاستبيان؟؟
لان الانسان بطبيعته دايما ينظر للجانب المظلم من حياته...
ما يذكر الا الالم والتعب والمر...
مع انه حياته لابد انه يكون فيها الافضل والاجمل والحلووووو
عشان جذي حطيت هذا الاستبيان..
علشان نقعد مع انفسنا قعده صريحه ونشوف شلون بدت تتغير حياتنا في هذي الايام ولو انها ثلاث ايام.... لكن تغير فيها الكثيير من النواحي اللي ذكرتها..
فان اكتشفتيهاااااا كانت لج دافع للمواصله والاستمراااار
ودافع لغيرج وتشجيع له ...
فالحين قعدي مع نفسج واساليها هذي الاسئله وجاوبي بصراااحه؟؟
ويمكن تكتشفين اشياااء وامور راائعه.. ما كنتي منتبهاه لها...
انا الحين ابي اطلع للدوااام واول ما ارجع ان شاء الله رااح اكتب استبيااااني
استودعكم الله
انتبااااااااااه
انتباااااه
اصغوا الي يا معشر...
لاحظت على جسمي انه مشدود وما عانيت من مشكلة الترهل
والسنه رديت للرجيم ونزلت تقريبا 9 كيلو بس عندي مشكلة الترهل... استغربت... وتمييت افكر شو خلى المشكله تظهر لي رغم انه النزول مش وايد مثل العام...
عرفت السر....
تعرفوووووووووووووووووووووووووووووون شو؟
كنت امشي مثل الحين يعني 3 الى 4 مرات اسبوعيا واليوم اللي ما امشي فيه العب سيكل ثابت... بس كنت اول ما اقوم من النوم اشرب شاي اعشاب مع خل وبعدين العب رياضة يعني في حدود النص ساعة... وبعدين اسبح واتريق واروح الدوام....
والعصر العب مع عيالي ... اركض وراهم في الحوش.... بس يباله جهد جبار لاني ارد من الدوام الساعة 5....
وفليل بعد المشي او السيكل... ادخل الحمام (الله يعزكم) وابدى شغل في جسمي....
اول شيء... ادهن جسمي بخلطة زيت اللوز مع السكر والخل... اتم افرك جسمي لين تتعب ايدي... بعدين اييب غرشة الخل واحط في ايدي وافرك جسمي كلة... وبالذات الارداف والفخوذ والبطن... واتريا شوي لين ينشف وبعدين اتسبح بماي وصابون... بعد ما اخلص ادهن جسمي بشوية ماي ورد مع خل وزيت لوز (عشان يشد الجسم ويطريه)... والله العظيم جسمي كان دايم طري وحلو... وبعد اتفتح لوني....
السنه ما ادري ليش الكسل صايبني.... يمكن لاني من ارقد عيالي ارقد...
اقوم الصبح الساعة 4:30 اصلي وارد انام لين 6... وبعدين اجهز عمري حق الدوام... ويوم ارجع اكون تعبانة ومرهقه وعيالي يبالهم وقت اسولف معاهم والعب بزل وسيارات ومرات كمبيوتر... واصعب شي البلي ستيشن... امشي بعد المغرب يعني من 7:45 لين 8:30 او 9 إلا ربع... وارجع البيت منهدة وميته من الحر... إذا دخلت اسبح... اتأخر في تنويم عيالي... وإذا رحت انومهم... (المشكلة الحقيقية) انام قبلهم.... وإذا زوجي كان معاي بتم لين الساعة 1 بس شو تكون البطارية مفظية وانا اشتغل على الفاضي وعين مغمضة وعين مفتحة...(وحلييلي)... الله يعينا
بعد ما يرقدون عيالي العب رياضة على الشريط (اقصد احط شريط فيديو والعب معاه)
يعني ما فيه خل في الحمام... عشان جيه جسمي مش مشدود....
بس ان شاء الله بإذن واحد احد .... ارد على الخل عشان يخف الترهل....