طبخات دايتيه من ابداعاتي

هنا برقر مشوي
في الشواية وزبادي مغلف بالخضار وشريحة جبن وجرجير مع الصوص ينفع عشا او غدا

وهذي اكلة من اختراعي
حمست ثوم وزنجبيل قليل مرا مع زبدة ثم خلطت ربع طماطم مع بقدونس وكزبرة وحطيت ملعقتين وحطيت قطع دجاج وفلفل حار شوي وملح وربع ملعقة صغيرة طحينه وبهارات هندية وكركم واتظرتها تتسبك ثم ملعقة صغيرة صويا صوص وتركتها تتسبك الى ما نشفت المويا والتصقت التسبيكه بالدجاج
حضرتها ورشيتها ببصل اخضر كان طعم الاكل بنكهه هندية اليمه

هذي اكلة تنفع فطور او عشا
خفقت حبة بيضة وملعقة صغيرة زيتون مقطع بالفلفل وفلفل اخضر صغير حار وبهارات وملح وعالصاج
نضجت ورشيتها بكزبرة وصحة وعافية

وجبة خفيفة ولذيذة
تجيبين علبة او ثنتين تونا مع حبة بيضة وملعقتين دقيق الصويا وملح وبهارات تعجنينها وتحطينها بالثلاجة نص ساعة لجل تتشكل لك وتتماسك بعدها تشكلينها بالقوالب وتحمرينها في الصاج او الشواية
وصحة وعافيه

وجبة دايتية روعة
تجيبين حبتين بيض وملعقة دقيق صويا وملح وبقدونس وكزبرة وبهارات مع ربع ملعقة صغيرة بيكنج صودا وتقلبينهم وتحمرينهم على شكل دائرة صغيرة نفس حجم البرقر في الشواية او الصاج تصير كأنها بان كيك مالح وتحمرين برقر ثم نرصها طبقات واستمتعي بالطعم اللذيذ