وانا كمان بحاجة للموضوع وعندي امل في البنات

اهلين اختي اهم اكله عندنا للنفاس البر يعني كل شي بعجينة البر
المراصيع
كاسين دقيق بيضه ثلاث ملاعق نيدو ملح وماء للعجن اخلطيها في الخلاط لين تتكون عجينه سائله نوعا ما ثم خليها تتخمر ساعه او اقل وصبيها في تاوة المراصيع او تيفال وتقلبينه لين تستوي وتقدمينها وفوقها عسل وسمن بري احلى هذا فطور وعشا
الغداء مرقوق
الطريقه تعجنين عجينه قاسيه زي الفطاير من البر بس مويه وملح وتخلينها ترتاح لمدة ساعه
على بال ما ترتاح تسوين مرق خضار باللحم عادي بالملح والبهارات وتخلينه على النار لمدة نصف ساعه
تاخذين العجينه وتكورينها كور صغار بحجم البيضه او اقل وتفردينها وعلى القدر وبعدين غطيه شوي وحطي اللي بعدها لين يخلص المقدار كله وبعدين خليه يطبخ ساعه الى ساعتين حسب الكميه على نار هاديه اخر شي جهزي له كشنة بصل بالسمن مع البهارات وحطيها وقدميه
عاد ممكن العجينه ترقينها كلها وتقطعينها بالقطاعه دوائر وتحطينها على المرق يصير مطازيز
وممكن لما تقطعيها تحشيها بصل مكشن او لحم او خضار او دجاج يصير قبوط
هذا بالنسبه للمرقوق وممممممممكن خلاص تعبت اذا تبين زياده قولي لي واذا تبين تفاصيل كمان لا تستحين .
الله يسخر لك زوجك ويهون عليك الولاده ويسخر لك الشغاله .

جزاك الله الف خير اختي فتحتي مجال لاخواتي انهم يفيدونك ويفيدونا
لان انا في الحقيقة كمان محتاجة
اعرف مثل هذة الوصفات

لذة العيش :27:
اشكرك من كل قلبي على رحابة صدرك انت فعلا افدتيني ورح ابدا اطبق هالاكلات
واصير احلى طباخه :cook:
وشكر خاص جدا جدا جدا على الدعوه الاخيره (والله يسعدك انت كمان)
ام دوني
اكيد البنات فيهم الخير والبركه وتعم الفائدة للجميع

شنو خبز او طحين البر ؟؟؟؟؟؟؟؟ قصدكم الاسمر والا غيره ؟؟


وانا بعد مع هالطبخات خرطي ماعرف شي حتى امي الله يخليها ماتعرف :(

بس بسال ان شاء الله عماااتي واجيب كم طبخه منهم عشان نستفييد :)