يابنات بعد البحث والتنقيب في المنتدى احب انزل بعض الطبخات الي لقيتها وتخص النفاس بس ارجو من صاحبات المواضيع يسمحولي (وان شاء الله لهم الاجر )
من بنت العز:
عندي لك طريقه خبز ممتازه جدا للنفساء وهي طريقه قديمه وعريقه عندنا في نجد وايضا بسيطه ..

وهي تعجنين >> قبل بليله في الصيف ( اذا الخبز فطور ) او الصبح تعجنين اذا هو عشاء المهم وقت كافي ..اما في الشتاء فلازم الوقت اطول حتى يتخمر وتشوفين طبقه الماء فوق العجين ..هذا يعني تخمر ..(( وهذه خميره طبيعيه ممتااااااااااااااااازه للصحه العامه )) ..<<

نكمل .. تعجنين طحين بر مع قليل ملح وبصل ( ني ) .. وبيضه مع شوي كركم عشان اللون الى ان تصبح عجينه سائله مثل عجينة البانكيك وتغطينها وتتركينها ( تخمير كما سبق ووضحت ) ..واذا تخمرت تصبينها اقراص على حديده ساخنه وتخبزينها..وتصبين عليها سمن مع عسل وتاكلينها ..

للمعلوميه تسمى مراصيع ..

من رهوووفه (طريقة عمل الخبزه)
وهي دقيق اسمر
وماء للعجن
وملح حسب الرغبه
وخميرة بيرة السريعه

والطريقه
يوضع الدقيق والملح وتخلط وبعدين الخميؤرة والمويه ومويه مو كثير يعني لازم تكون العجينه مو سايحه متماسكه يعني قد ماتقدرين تعجنينها وتخلينها ثقيلهوتتركينها لمدة ربع ساعه لكي تتخمر وبعدين تحطينها بصينيه وتحطينها في الفرن لين تنضج وتحتاج وقت طويل يعني ساعه ونص ساعتين يعني بس انتبهي لها لاتحرق
وبعدين تطلعينها وتفركينها لين تصير متفككه وهذا الب من جوة مع القشرة تبعها وتضيفين لها السمن والعسل حسب الرغبه


ملاحظه
في بعضهم يحطون باكنج بودرة
وفي البعض مايحطون باكنج ولا خميرة
وسبب وضع الخميرة لاتها تجعلها طريه يعني زي الكيك لمن يتفتت بس هي تكون متماسكه شوي
وعندنا يعتبرونها اكله شعبيه مو كثير يعني بس تلاقينهم يسوونها في كل الاوقات
وبعض الاحيان يقطعونها وياكلونها مع المرق والبن بس اكثر شي مع العسل والسمن وانا اخترعت طريقه لها يعني مع الخضار المشكله يمكن تاكلينها لانها حلوة

من نجلا:
الخبز المقلى طحين وماء وشوي حلبه مطحونه وبصل مقطع صغير وملح تخلطينهم مع بعض نفس خلطة القطايف كثافتها وتصبينها فى مقلى فيه مسحة زيت خفيف بحيث تسوين اقراص على حجم المقلى وتقلبين على الوجهين الى انيحمر الوجه..
العصيده تحمرين الطحين شويه يفضل البر وتنخلينه بعدين تحطين ماء مع سكر وتذوبينهم مع بعض وتضيفين الطحين اليهم الى ان يذوبوا جميا بعدين تحطينهم على النار وتحركينهم الى ان تخثر وتصبين زيت شوى علشان تسيح وتضيفين حلبه مطحونه ..
.
ملاحظه.. تقدرين تنقعين تمر بماء وماء التمر تستخدمينه بدل الماء بالعصىده افيد طبعا.وترى تنا اسويها بدون مقادير يعنى بالعين اقدر اتمنى اكون افدتك اتى العزيزه.

من السلمانيه:
طريقة العصيدة:

2 كوب طحين أبيض أو أسمر
1 كوب زبدة أو زيت
2 - 3 كوب تمر منقوع بـ 2 - 3 كوب ماء حار أو 2-3 كوب عسل أو 2 -3كوب سكر
نصف كوب خلطة لهوم أو خلطة حسو ( تلقين الحسو موجود فى الجمعيات أو عند العطارين اسمه حسو الولاده ).

الطريقة :

- يحمس الطحين بدون أى شئ على النار ويقلب حتى يتغير لونه الى البنى
- ثم يضاف اليه الزيت أو الزبدة ثم يضاف نصف كوب الحسو ويقلب الجميع
- فى جدر أخر تكونى حاطة التمر بدون النواة طبعا+ الماء حتى يغلى أو العسل + الماء أو السكر + الماء
- يضاف بعد غليان الماء مع السكر أو التمر أو العسل الى خلطة الطحين ويقلب جيدا حتى تصير الخلطة مثل الحلوة ( اعيالى حبوها وايد بس ها الحامل ممنوع تأكلها إلأ بعد ما تولد ولا تسقط الجنين لأنها كلها أدوية).
تقدرين تزيدين كمية الماء على الخلطة عادى ما يضر شئ وتأكلينها وهى دافية وقت الضحى وكلما بغيتى تأكلينها زيديها شوية ماء ودفيها وبالعافية

ملاحظة : هذه المقادير تقريبية يعنى من عندى يعنى لا تخافين اشاء الله انها تضبط لأنها سهلة وما تخترب بعد .

السلام عليكم:

اهم شي للنافس.
الفطور. الفته.........
1:خبز صاج مقطع صغير+بصل+طماطم+بيضه+سمن

تعملين البصل والطماطم بالسمنه وبعدين تضيفين الخبز وتحركينه بعدين البيضه ولين تنضج طبعا الافضل لها انها تكون عامله خبز الصاج مع حلبه.
2: خبز الصاج مع الحلبه.

طبعا لازم تشرب الصبح حليب بالحلبه بعد.
(كلللللللللللللللللش حلبه)

الغداء: المرقوق وهو اللي ذكرته الاخت هيااااااااااوي بس اضيف على المرقوق اللي ذكرته
( الماش) وهو جددددددددددددددددددددددددا مهم للنافس لتقويه عظمها.

العشاء : مرقه مع اللحم والماش وهذا ايضا مهم جدا للنافس جدا جدا.

اهم الاشياء:. اللحم +الماش+الحلبه

طبعا في اشياء تنبلع بلع مع المويه وفي اشياء تنشرب شرب زي الشاي ان شالله اذا فضيت بأجمعها واحطها لانا كلنا بحاجتها بقى شهور بش ونتسدح على هالسرره ربي يسهل ويسر ولادتنا.