طبخي ...؟؟ و زوجي الصبور

السلام عليكم ورحمه الله وبركاته

بدايه أنا سعيده بتسجيلي بهذا المنتدى الراقي بكم وبصراحه اذهلني كل شئ من ديكورات وطبخ ومواضيع إجتماعيه

ودروس وغيرها الكثير ماشاء الله تبارك الرحمن ..

وكذلك عجبني شئ وهو الردود لأني بصراحه استفيد من بعض أو اغلب الردود لأنها تنم على فكر نير ونصائح رائعه

عكس المنتديات الأخرى ( يسلمو ) ( يعطيك العافيه) ومن الباب ...

هالحين اكيد تقولوا وش فيها هالبنت صاكه لنا بهالموضوع ومزعجتنا بتالي الليل عاد تحملوني

مثل ماتحملني زوجي هالسنين <<<< وش دخل طاري زوجها الحين ...

الزبده يابنات أني كرهت نفسي استغفر الله بعد ماشفت اغلب بنات حواء ماهرات في الطبخ ماشاء الله تبارك الرحمن

وانا حدي كبسه تكون مويتها كثيره ويسبح الرز لا وبعد يغطس وماخذ راحته وفديت زوجي يقوم وهو يقول الله يسلمك

ويحفظك لي وانا متأكد بكره الكبسه بتكون ازين <<< ودي اقوله ردد ياليل مطولك

والله يابنات مافي راسي شئ اسمه طبخ يعني اتمني اسوي شئ يشرفني عند زوجي هو المهم بس ماعندي حظ

والمشكله ماعمره قال ليه أو ودي بهذا الطبق لجل مايجرحني رغم أنه يتمني اطباق كثيره والدليل انه يشتري من برا

احياناً وياقلبي عليه يمسح السفره لأنه متأكده بيعاني من طباخي الايام الجايه ...

أتمني تساعدوني ودي مره اطبق شئ ويطلع معي تمام بدون ماارمي شئ لأن قلبي يعورني عليه ولا ودي ربي يحاسبني على رمي تجاربي الفاشله بالطبخ ...

تصدقون بالله يوم كنت عند اهلي ماكنت أسوي حتي الشاي ولااعرف شئ ...

وتزوجت أبو هتان وانصدم بالبدايه وقال ولاتعرفين شئ قلت إلا اعرف اسوي بيض ههههه على بالي فرحته فديته

وعلمني وقتها بس اسوي على خفيف وهو يساعدني بالطبخ للحين والله بس ودي والله اكون مثل بنات حواء

طباخه لجل ارضي زوجي الصبور وافرح قلبه بطبق أو طبخه تكون متقنه <<< مافي امل هههه

لاتحرموني من نصايحكم وبصراحه أدري طولت عليكم ولو كان ودي احكي لكم بعض مغامراتي بالمطبخ بس شكلي

طولتها عليكم ..

محبتكم أم هتان .